Жамиятнинг тузалиши Ғарбга тақлид қилишда эмас
بسم الله الرحمن الرحيم
Жамиятнинг тузалиши Ғарбга тақлид қилишда эмас
Жамиятнинг тузалиши Ислом билан бўлишини воқелик очиқ ойдин кўрсатиб турибди. Барча соҳага назар солинса бунинг исботи яққол кўринади. Мисол учун, оила масаласида бугунги кунда давлатлар ўзига ўрнак сифатида биладиган Ғарб ёки хос тарзда Американи олайлик. Бу давлат оила масаласида ҳалокатга юз тутди, десак адашмаган бўламиз. Чунки бу давлат татбиқ қилаётган ва бутун дунёга ёйиб келаётган капитализм ва демократияда оила ўзининг қадимий қадрини йўқотди. Эр ва хотиннинг бир-бирини олдидаги ва фарзанд олдидаги бурчи ҳамда фарзанднинг ота-онанинг олдидаги бурчи эътиборга олинмайдиган бўлиб қолди. Оиланинг асл моҳиятини акс эттирувчи бу ҳолатларнинг оёқ-ости қилиниши натижасида оила қадрсиз нарсага айланди.
Сиёсат соҳасини олайлик. Етакчи ғарб давлатлари бутун дунёда мустамлакачилик сиёсатига қаттиқ эътибор қаратишлари барчага маълум. Бу сиёсатнинг асоси зулм эканлигини тушуниш қийин эмас. Бундан ташқари, ғарб давлатлари ўз халқларини бошқаришда ёлғон ваъдалардан фойдаланиш ёки халқнинг эътиборини асосий нарсалардан чалғитиш орқали сиёсат юргизишда барча давлатларга ўрнак бўлиб келмоқда.
Иқтисод соҳасида ҳам бошқа давлатлар ғарб давлатларига етишга ҳаракат қилаётгани кўриниб турган бўлсада, аслида бу иқтисод тизимининг таги пуч ва яқинда улкан ҳалокатга юз тутишини бу соҳа мутахассислари англаб етишган. Ғарб иқтисодиётининг муҳим жиҳати, юқорида айтганимиздек, мустамлакачилик сиёсатига қаттиқ боғланганидадир. Чунки ғарб ёки хос тарзда Америка доимо бошқа давлатлардан моддий бойликларни ўғирлаб ёки зўравонлик билан юлиб олишни ўйлаб кун кўради. Бунга мисоллар талайгина, исботлашга ҳожат йўқ. Қолаверса, бугунги кунда бирор бир давлат йўқки инқироздан ёки инфляциядан қўрқмай яшаётган бўлса.
Таълим соҳаси эса, ғарбда бузуқчилик макони бўлса, бизники каби учинчи олам давлатларида ёш болалар учун саҳналаштирилган театрга ўхшайди. Чунки учинчи олам давлатларидаги таълим дастурлари доимо ғарб назоратида бўлиб, ҳатто унинг ўзи тузиб беради, десак адашмаган бўламиз. Бундай ‘’меҳрибончилик’’нинг сабаби эса, учинчи олам давлатларидаги таълим тизими жонланиб жамиятни уйғотувчи ва юксалишига сабаб бўлувчи фикрларни бериб қўймасин. Бу соҳада ишловчи кўплаб мутахассислар жамиятнинг юксалиши учун қанча жон куйдиришмасин, ғарб белгилаб берган рамкадан чиқиб кетишларига йўл қўйилмайди.
Бу айтиб ўтилганлар ўз воқелигига эга ва буларни кўриб ҳис қилиб турганлар ҳам кам эмас. Шундай экан, аниқ тушуниб олиш зарурки, жамият ислоҳи ғарбга тақлид қилиб ва у берган дастур бўйича эмас, Аллоҳ берган Исломни татбиқ қилиш билан бўлади.
Ҳизб ут-Таҳрирнинг Ўзбекистондаги медиа офиси. Абдуллоҳ
12.05.2019й
