Ҳуррият ва Тағйир кучлари Башир режими йўлидан юриб, Ҳизб ут-Таҳрир йигитларидан бирини қийноққа солди
بِسْمِ اللهِ الرَّحْمٰنِ الرَّحِيمِ
Ҳуррият ва Тағйир кучлари Башир режими йўлидан юриб, Ҳизб ут-Таҳрир йигитларидан бирини қийноққа солди
Ҳуррият ва Тағйир кучларига мансуб расмий гуруҳ Ҳизб ут-Таҳрир аъзоларидан бири Ҳошим Сиддиқни жиноятчи тўдалар усулини қўллаб ҳибсга олди. Ҳошим Сиддиқни Ҳизб ут-Таҳрир – Судан вилояти томонидан нашр қилинган исломий фикрлар ёзилган варақани тарқатганидан сўнг Судан Қуролли Кучлар Бош қўмондонлиги қароргоҳи олдидаги намойишда ҳибсга олишди. Уни бир хонага олиб кириб калтаклашди… тоғут режимлар хавфсизлик ходимлари усулини қўллаб, тергов қилишди. Кейин бошқа хонага олиб чиқиб, видеокамера қаршисига ўтқазишиб, ИШИДга аъзоман, дея тан олишини талаб қилишди. Ҳошим Сиддиқ бунга рози бўлмагач яна калтаклашди… Кейин мазкур варақани ўқиб беришини талаб қилишди ва бу кимса сафни бўлишни истаётган Абдулҳай Юсуфга қарашли ИШИДнинг аъзоси, дея видеога ёзишди. Бу қабиҳ қилмишни шом намозидан то бомдод намозига қадар давом эттиришди… Ҳошим Сиддиққа хуфтон ва бомдод намозларини ўқишига йўл беришмади. Эрталабки соат етти яримгача ушлаб туриб, сўнг қўйиб юборишди. Қўйиб юборишдан олдин агар бу қилмишларини бирор ерда айтадиган бўлса, ўлдириб юбориш билан таҳдид қилишди!
Бундай ваҳший қилмишга нисбатан Ҳизб ут-Таҳрирнинг Судан вилоятидаги расмий нотиғи Иброҳим Усмон (Абу Халил) матбуот баёноти орқали «Ҳуррият ва Тағйир ҳаракатининг Исломга қарши экани аён бўлди», деди. Сўнг Айни ҳаракатнинг намойиш майдонидаги аъзоларига бундай мурожаат йўллади:
«Сизлар Ҳизб ут-Таҳрирни танимас экансиз, бу Ҳизб собиқ Инқоз бошқарувининг қамоқларини, лагерларини, хавфсизлик ертўлаларини кўрган… аммо иродаси синмаган, аҳд-паймонидан қайтмаган. Шундай экан, Ҳизб йигитларини бу каби ёш болаларча қилмишлар қўрқитолмайди. Бундай ишлар ҳокимиятпарастларни қўрқитади, холос. Шунинг учун ўша эски режимнинг намойиш майдонидаги бу жосуслари айнан эски қилмишларини қўллашяпти!!».
Баёнот сўнггида Ҳуррият ва Тағйир кучлари ва уларнинг қароқчиларига қарата бундай дейилди:
«Биз намойиш ичида бормиз ва у ерни ҳаргиз тарк этмаймиз, даъватни етказиш вазифамизни адо этиб, Ҳизб ут-Таҳрир йигитларига қарши содир этилаётган қилмишлар жавобгарлигини сизнинг зиммангизга юклаймиз. Шуни ҳам айтиб қўяйлик, сиз билан эски режим ўртасида мутлақо фарқ йўқ, ҳатто ўша Инқоз ҳукумати ҳам, то ҳокимият тепасига келгунга қадар бунчалик ифлос ишга қўл урмаган эди. Сиз бўлсангиз, ҳали ҳокимиятга келмай, туриб бундай қабиҳ ишлар билан шуғулланяпсиз, ҳокимиятга келсангиз қандай бўлар экан?!».
Роя газетасининг 2019 йил 29 май чоршанба кунги 236-сонидан
