Исломга иймоннинг мукаммаллиги унинг мабда эканлигини тушуниш билан боғлиқдир

بِسْمِ اللهِ الرَّحْمٰنِ الرَّحِيم

Ислом бу мабда. Ҳар қанча айлантирсангиз ҳам Ислом барибир мабда. Агар кимки Исломни мабда эканлигини рад этаётган бўлса, унда билингки, у инсон ёки мабдани тушунмайди ёки Исломни. Мабда – ўзидан тузум келиб чиқадиган ақидадир. Ақидадан тузум келиб чиқиш жиҳати бу ақида асосида инсониятнинг барча муаммоларига муолажа келиб чиқиши тушунилади. Шу ҳолатни тушуна олган инсон Исломнинг мабда эканлигини тушуна олади. Бундай тушунчага эга бўлган инсонлар учун эса, Исломнинг давлат миқёсида татбиқ қилиниши мумкинлиги тўғрисида заррача шубҳа туғилмайди. Исломда барча муаммоларнинг муолажаси борлиги тўғрисида кўплаб ҳужжатлар келган.

Аллоҳ Таоло айтади:

 الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِيناً

– “Бугун Мен сизларнинг динингизни мукаммал қилиб бердим. Сизга неъматимни батамом қилдим. Ва сизларга Исломни дин деб рози бўлдим”. (Моида: 3)

Минтақамиздаги аксар мусулмонлар Исломни намоз, рўза, закот, ҳаж каби амаллардан иборат, деб тушунадилар. Афсуски, бундай тушунчанинг шаклланишида куфрнинг кўплаб уринишлари, алдовлари, найранглари, фитналари ётибди. Жумладан мусулмонлар назарида уламо сифатида танилиб қолган инсонларнинг шундай тушунчаларни ёқлаши ва бундан бошқача, яъни Исломнинг аслига мувофиқ фикрловчиларга нисбатан душманона адоват шакллантирилиши ҳам куфрнинг хизматларидан ҳисобланади.

Мусулмонлар онгида Исломни тузум сифатида шаклланмаслиги учун куфрнинг қилган режалари Исломнинг давлат сифатида шаклланмаслигига қаратилган. Бундай тушунчанинг шаклланишидан куфр ва унинг малайлари жуда ҳам қўрқишади. Бу борада соқол қўйиш, рўмол ёки авратни ёпувчи аёллар кийимларига қаршиликнинг сабаби ҳам шундан иборат, яъни Исломни ифодаловчи ҳар қандай кўриниш оммалашиши уларнинг қўрқувларига сабаб бўлади.

Ислом ўзининг тузум эканлиги билан бир бутундир. Унинг аҳкомлари маълум соҳадагина ижро қилиниш учун эмас, яъни Ислом фақат ибодат масалаларида унинг аҳкомларидан фойдаланилиб, қолган соҳаларда мурожаат қилинмайдиган шариат эмас. Ислом то қиёматга қадар инсонларнинг муаммоларини муолажа қилиш учун Аллоҳ Таоло томонидан берилган. Бунда Аллоҳ билан бўладиган, инсоннинг ўзига нисбатан бўладиган ва бошқаларга нисбатан алоқаси тартибга солинади. Яъни Ислом кўрсатмалари асосида шакллантирилади. Аллоҳга иймон келтиришнинг мазмунида шу маъно мавжуд. Яъни Ислом билан яшаш ҳам кўзда тутилади. Чунки Яратувчини тан олиш У зотнинг Хожа эканлигини, инсоннинг ўзи эса, яратилган қул, банда эканлигини идрок қилади. Бу эса, ҳар қандай ҳолатда Аллоҳга итоат қилиниши кераклигини тушунишдан иборатдир. Демак, ҳар бир соҳада Аллоҳнинг шариати бўйича иш кўрилиши керак. Бу Исломнинг ҳар бир муаммога ечимни ўз ичига олган тузум эканлигини, шу тузум келиб чиққан ақида, яъни мабда сифатида қараш кераклигини англатади.

Ҳизб ут-Таҳрирнинг Ўзбекистондаги медиа офиси. Абдуллоҳ

14.02.2020й