بِسْمِ اللهِ الرَّحْمٰنِ الرَّحِيمِ

Зуруфий аввалги коррупциячилардан фарқ қилмайди

Уларнинг барчаси у ёки бу мустамлакачи давлатга ёлланган малайлардир

Ал-Жазира нет веб-сайтида (ҳижрий 1441 йил 23 ражаб, милодий 2020 йил 18 март чоршанба куни) нашр қилинган хабарда шундай келади:

«Зуруфийнинг таклифига изоҳ сифатида, АҚШ Давлат котиби Майк Помпео твиттердаги ёзишмада – ироқликлар Ироқ суверенитетини қўллаб-қувватлайдиган, асосий эҳтиёжларини таъминлайдиган, коррупцияга аралашмаган ва инсон ҳуқуқларини ҳимоя қиладиган ҳукумат бўлишини истайдилар, деди.

Муваққат бош вазир айни манфаатларни биринчи ўринга қўйса, албатта Америка ва халқаро қўллаб-қувватловга муяссар бўлажакдир, дея қўшимча қилди Помпео».

Роя газетаси шарҳи:

Аднон Зуруфий 1991 йил Саддам Ҳусайнни ағдариш учун қилинган «Шаъбония интифозаси»нинг муваффақиятсизликка учраши ортидан Ироқдан қочган ва Америкага ҳижрат қилиб, у ерда 2003 йилгача яшаган кимсадир. Сўнг Ироқ босиб олингандан сўнг қайтган. Ироқдаги Америка ишғол этган маъмурият раҳбари Пол Бремер уни Нажафга мэр қилиб тайинлаган эди. Кейин мансабдан бўшатган. У ҳақда коррупциячи деган гаплар юради ва унга Нажаф вилояти потенциалларидан ўзининг шахсий манфаатлари йўлида фойдаланганлик айблови қўйилган. У Нажафда кўплаб фитна ва низоларни келтириб чиқарган. Вилоят аҳли ундан жуда зада бўлган. Бир неча мансабларга кўтарилиб, сўнг 2018 йилдаги сайловлардан сўнг парламентда депутатлик мансабига ўрнашиб қолди.

Помпеонинг АҚШ ва халқаро қўллаб-қувватлов учун қўяётган шартларига эътибор берсангиз, унинг қуруқ ёлғондан бошқа нарса эмаслигига амин бўласиз. Помпео қандай суверенитет ва инсон ҳуқуқлари ҳақида гапиряпти, қандай коррупциядан холи ҳукумат тўғрисида алжираяпти?! У Ироқни босиб олган ўз кучларнинг чиқиб кетишига рози бўладими?! Ироқ ва бошқа мусулмон юртларида мусулмонларни ким хорлади?! Халқаро терроризмнинг боши бўлган унинг давлати эмасми?!

Роя газетасининг 2020 йил 25 март чоршанба кунги 279-сонидан