Пайғамбаримизﷺ олиб келган Ислом татбиқини рўёбга чиқаришга ҳам у зотнинг шахсларини ҳимоя қилгандек эътиборли бўлинг!

بِسْمِ اللهِ الرَّحْمٰنِ الرَّحِيم

Франция кўппаги Макроннинг Пайғамбаримиз Муҳаммад ﷺга нисбатан ҳақоратни ҳимоя қилиши ҳамда Ислом ва мусулмонларга нисбатан очиқ нафратини кўрсатиши бутун Ислом оламини жумбушга келтирди. Бўлиб ўтаётган воқеликларда инсонни қувонтирадиган ва мушоҳада қилишга ундайдиган жиҳатлар кўринди. Қувонтирадиган жиҳати шуки, ер юзининг барча чеккаларидаги мусулмонлар бу ҳолатга нисбатан шиддатли реакция билан жавоб бердилар. Ушбу реакция мисли кўрилмаган тарзда шиддатли тус олди ва ҳатто энг кичик ва заиф исломий юртларда ҳам акс садо берди. Бунга мисол қилиб Туркия, Покистон, Бангладеш ва Қирғизистондаги мусулмонларнинг суюкли Пайғамбаримиз ﷺ  шанларини ҳимоя қилиб уюштирган тадбирларини келтириш мумкин. Ушбу ва бошқа юртларда ўтказилган юришлар ва тадбирларга интернет тармоқларидаги шахсий ва жамоавий тадбирлар ҳам қўшилиб кетди. Мусулмонлар гарчи ўзлари тўғри деб билган усул ва воситалар, хусусан Франция товарларига бойкот эълон қилиш, Макрон сурати туширилган плакатларни ёқиш ва оёқ ости қилиш кабилар билан жавоб берган бўлсалар-да, муҳими улар ўз норозиликларини шиддатли тарзда билдира олдилар. Ҳар бир иймони бор мусулмон одам бунга бефарқ қарамади, хоҳ сўзи, хоҳ амали билан бўлсин ўз норозилигини билдирди. Шунингдек, Ислом Уммати ҳали ҳам бирлигини йўқотмаганини ва ушбу бирлик ҳеч қачон йўқ бўлиб кетмаслигини бутун дунёга яна бир бор исботлай олди. Буни бутун куфр давлатлари ўз кўзлари билан кўрдилар. Буларнинг барчаси бу умматда ҳали яхшилик борлигини кўрсатмоқда ва бу ҳаммамизни беҳад қувонтирмоқда албатта.

Шу билан бирга яна бир жиҳат борки, бу борада мусулмонлар чуқур фикр юритишлари, ўзларига бир қатор саволларни бермоқлари лозим. Жумладан, кофирларга бизнинг муқаддасотларимизга тил текизиш журъати қаердан келди? Мусулмонлар тарихида шундай ишлар бўлганмиди? Куфр аҳлининг ифлос тилини қандай тийиб қўйсак бўлади? Бундай разиллик ва пасткашликнинг қайта юз бермаслигига қандай қилиб эришишимиз мумкин?

Ушбу саволларни фикрлаш учун очиқ қолдирган ҳолда яна бир муҳим масалага эътиборингизни қаратамиз. Пайғамбаримиз ﷺнинг сийратларига назар ташлаш асносида шуни кўришимиз мумкинки, Росулуллоҳ ﷺга пайғамбарлик туширилган илк кунларданоқ Аллоҳ Таоло томонидан юборилган Исломни ер юзида татбиқ қилинишига эришиш Пайғамбаримиз ﷺ ҳаётларининг мазмунига айланди. Ҳеч нима бу ишдан афзалроқ ва муҳимроқ бўлмади. Бу йўлда Росул ﷺ ўз шахсиятларига нисбатан бўлган мазаҳ қилиш, таҳқирлаш, озор бериш, жисмоний қийноқлар ва ҳатто муборак жонларига қасд қилишларга эътибор бермадилар. Асосий вазифалари бўлмиш Исломни ёйишга бор эътиборларини қаратдилар. Ва Ислом давлати барпо бўлгандан сўнг ҳам уммат ишларини бошқариш ва мусулмонларга Исломни татбиқ қилишни ўргатиш, ушбу татбиқнинг нақадар зарурлигини уқтириш учун қўлларидан келган барча имкониятларини сарфладилар. Хуллас бутун ҳаётларини Ислом ва мусулмонларнинг азиз, қуч-қудратли бўлишлари учун ҳамда Аллоҳ Таолонинг умматлар ичидаги энг яхши уммат, дея сифатлаган уммат даражасига олиб чиқишга сарфладилар. Бу Пайғамбаримиз ﷺдан бизга қолган мерос ва омонат эди. Биз мусулмонлар ушбу меросни асраб-авайладикми, саййидимиз ва йўлбошчимиз бошлаб берган буюк йўлнинг муносиб давомчилари бўла олдикми? Ва ушбу омонатга нисбатан қандай муносабатда бўлдик? Ўзи бунинг омонат эканлигини ҳис қила олдикми, тушуна олдикми? Агар ҳис қилган ва тушунган бўлганимизда ҳозир куфр аҳли бизнинг туйғуларимиз билан ўйнашиш ҳақида ҳатто ўйлашга ҳам қўрққан бўларди. Худди тарихда мусулмонларнинг ягона давлати ва имом-халифаси бор бўлган пайтларда бўлганидек.

Ўртага яна бир аччиқ савол ташлаймиз: агар ҳозир Росул ﷺ тирик бўлганларида нимадан юраклари ачишиб, соқоллари ҳўл бўлгунча йиғлаган бўлардилар, ўз шахсиятларининг таҳқирланаётганиданми ёки ўзлари бутун ҳаётларини бағишлаб, бу йўлдаги барча азоб-уқубатларига бардош берган Ислом аҳкомларининг ҳаётда татбиқ бўлишининг узилиб қолганиданми? Айтингчи, қай бирига кўпроқ қайғурган бўлардилар?

Юқоридаги гапларимиз билан суюкли Пайғамбаримиз ﷺнинг муборак номларини таҳқирланишини енгил санаётганимиз йўқ. Асло ундай эмас. Бу бутун дунё йўқ бўлиб кетишидан-да оғирроқдир. Айтмоқчимизки, Росули Акрам ўз ҳаётлари ва манфаатларидан устун қўйган Ислом Шариатининг татбиқ бўлишига нисбатан ҳам шундай харислик, шундай шижоат билан ёндошсак шояд Пайғамбаримиз ﷺнинг олдиларига ёруғ юз билан бориш насиб қилиб, у зотнинг шафоатларига лойиқ бўлиш бахтига мушарраф бўлсак.

Ҳизб ут-Таҳрирнинг Ўзбекистондаги медиа офиси. Фаррух

10.11.2020й