بِسْمِ اللهِ الرَّحْمٰنِ الرَّحِيمِ

Марокаш режими босқинчи яҳудийлар билан муносабатларни нормаллаштирганини ошкор этишга қарор қилди

«Сама» ахборот агентлигининг (ҳижрий 1442 йил 25 рабиуссоний, милодий 2020 йил 10 декабр пайшанба куни) нашр қилган хабарида бундай дейилади:

«Пайшанба куни АҚШ президенти Дональд Трамп Марокаш билан «Исроил» АҚШ воситачилигида муносабатларни нормаллаштиришга келишиб олишганини маълум қилди.

Америкалик бир расмий ҳам Марокаш билан «Исроил»нинг айни келишув доирасида тўла дипломатик алоқаларни ўртанишга келишиб олишганини билдириб ўтди.

Трамп Марокашнинг Ғарбий Саҳрои Кабир устидан суверенитетини эътироф қилувчи ҳужжатга имзо чекканини айтди.

АҚШ маъмуриятидаги юқори лавозимли бир расмийга кўра, ушбу келишув АҚШ президенти билан Марокаш қироли Муҳаммад олтинчи ўртасида  ўтказилган телефон учрашуви орқали амалга ошган».

Роя:

Марокашдаги бу жинояткор режим муборак Фаластин заминини босиб олган яҳудийлар билан муносабатларни очиқ-ошкор нормаллаштиришдек ўз жинояти ва хиёнатини оқлашга уриниб, буни Ғарбий Саҳрои Кабир суверенитетини қўлга киритиш мақсадида қилаётгани билан дастаклаяпти. Бундай оқловдан кўриниб турибдики, Марокаш қироли Муҳаммад олтинчи мусулмонларнинг муқаддас даргоҳларини назар-писанд қилмайдиган раҳбардир. У Қуддус қўмитаси раиси эканлигидан фахрлансада, бу масалани савдолашишга лойиқ масала деб ҳисобламоқда!

Бу ердаги янгилик – мана шу хоин марокашлик режимнинг яҳудийлар билан қилиб келган яширин муносабатлари Трамп томонидан ошкор қилиниши бўлди, холос. Дарвоқе, бу Марокаш режими марокашлик яҳудийларнинг Фаластинга кўчиб бориб, яҳудий вужуди қурилишида ёрдамчи бўлишларига имконият яратиб берган. Қирол Ҳасан иккинчи Анвар Садат билан яҳудий вужуди ўртасида муносабатларни нормалаштириш ишида етакчилик қилган. Яҳудийлар унинг бундай саъй-ҳаракатларини қадрлаб, бир почта муҳрига унинг суратини қўйишган ҳамда бу жирканч босқинчилар назорати остидаги кўчалар ва боғларнинг бирига унинг номини беришган.

Босқинчилар билан муносабатларни нормаллаштириш ва бунга шошилиш оқибати албатта зиён бўлади. У яҳудийларнинг мўрт вужудини кучайтира олмайди, тахтлари ликиллаб қолган хоин ҳукмдорлар тахтини ҳам мустаҳкамламайди. Балки, бу нормаллаштириш Ислом Уммати учун бир огоҳлантирув бўлади. Умматнинг зулматдан чиқиб, ғафлат уйқусидан уйғонишига, армияларининг кишанларни узиб, Росулуллоҳ ﷺнинг ушбу башоратларини рўёбга чиқариш учун арслон каби ўкириб, яҳудийлар томон ҳаракатланишига туртки бўлади:

«لا تقُومُ السَّاعَةُ حَتَّى يُقَاتِلَ الْمُسْلِمُونَ الْيَهُودَ، فَيَقْتُلُهُمُ الْمُسْلِمُونَ»

«Мусулмонлар яҳудийларга қарши жанг қилиб, уларни ўлдирмагунларича қиёмат қоим бўлмайди».

Роя газетасининг 2020 йил 16 декабр чоршанба кунги 317-сонидан