بِسْمِ اللهِ الرَّحْمنِ الرَّحِيمِ

 Мен ҳозир ҳаракатсиз ўтирганлар қаторига кираманми? – деган саволга жавоб

Савол:

Амир шайх жаноблари,

Ассаламу алайкум ва роҳматуллоҳи ва барокатуҳ

Мен сизнинг Ҳизб уюшмасида сиёсий иш олиб боришни тарк қилган биродарлардан бирига берган жавобингизни ўқидим. Сиз «сен ҳаракатсиз ўтирувчилар билан бўлишга рози бўлибсан» деб айтган ана шу иборалар менга қаттиқ таъсир қилди. Мен Ҳизбнинг барча фикрларини фикр ва сулук жиҳатидан қабул қиламан, қаерга бормай ва ким билан учрашмай одамлар мени Ҳизб фикрлари билан танишади, ҳатто исмим ҳам Ҳизб билан боғланиб қолган. Шунга қарамай мен ҳозир иродамдан ташқари менга мажбуран юкланган вазият сабабли Ҳизб уюшмаси билан боғлана олмаяпман. Менинг тасаввуримда шундай.

Шундан кейин мен ҳам ҳозир ҳаракатсиз ўтирувчилар қаторига қўшиламанми?

Биродарингиз Абу Муҳаммад Навфал.

Жавоб:

Ва алайкум ассалом ва роҳматуллоҳи ва барокатуҳ!

Биродар, тўғри йўлни тутувчи Халифалик давлатини барпо этиш орқали ер юзида исломий ҳаётни қайта бошлаш сари Ислом учун фаолият қилиш шахс сифатида бўлмайди, балки гуруҳ, яъни жамоа сифатида бўлади ва бу жамоанинг ишлари Робби Субҳанаҳу ва Таолонинг шариати билан тартиблаштирилган бўлади.

Бунга Аллоҳ Субанаҳу ва Таолонинг ушбу каломи далил:

وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُونَ

«Орангиздан яхшиликка даъват қилувчи, маъруфга буюриб, мункардан қайтарувчи бир уммат-жамоа бўлсин, ана ўшалар зафар қучувчилардир» [Оли Имрон 104]

Ушбу Оятдаги уммат жамоа маъносида.

Кейин, ундаги яхшиликка, дегани бутун Исломга, дегани. الخير сўзи маҳаллан алиф ломлидир. Алиф ломли Ислом эса тўла Ислом бўлиб, унга жазо-ҳадларни татбиқ қилиш учун ва даъват, жиҳод орқали Исломни ёйиш учун давлат барпо қилиш ҳам киради. Буларнинг барчаси эса шахс сифатидаги фаолият билан бўлмайди.

Росулуллоҳ (с.а.в)нинг тарихлари ҳам буни айтиб турибди. Дарҳақиқат, Росулуллоҳ(с.а.в)нинг атрофларида саҳобалар ўзаро тартибли ҳолда, битта арқонни маҳкам ўшлашиб, уюшган жамоа бўлдилар, ҳар тарафга ёйилишган шахслар бўлмадилар.

Жамоанинг куч-қудрати тўғрисида жуда кўп ҳадислар бор, улардан баъзилари қуйидагилар:

Имом Термизий ўзининг «Сунан»ида Ибн Аббосдан ушбуни ишлаб чиққан, Ибн Аббос айтадики, Росулуллоҳ (с.а.в) марҳамат қилдилар:

«يَدُ اللهِ مَعَ الْجَمَاعَةِ»

«Аллоҳнинг қўли жамоа устидадир».

Насоий ўзининг «Сунан»ида Арфажа ибн Шурайҳ Ашжаийдан бундай ҳадис ишлаб чиққан, Арфажа айтадики, мен Набий (с.а.в)ни минбарда одамларга бундай дея хутба қилаётганларини кўргандим:

«…فَإِنَّ يَدَ اللهِ عَلَى الْجَمَاعَةِ، فَإِنَّ الشَّيْطَانَ مَعَ مَنْ فَارَقَ الْجَمَاعَةَ يَرْكُضُ»

«… Шубҳасиз, Аллоҳнинг қўли жамоа устидадир, шубҳасиз, Шайтон жамоадан қочган кимса биландир».

Ибн Ҳиббон ўзининг «Саҳиҳ»ида бу ҳадисни Арфажадан ушбу лафзда ишлаб чиққан:

«…فَإِنَّ يَدَ اللهِ مَعَ الْجَمَاعَةِ، وَإِنَّ الشَّيْطَانَ مَعَ مَنْ فَارَقَ الْجَمَاعَةَ يَرْتَكِضُ»

«… Шубҳасиз, Аллоҳнинг қўли жамоа билан бирга, Шайтон эса жамоадан қочган кимса биландир».

Ҳоким «Мустадрак ала саҳиҳайн»да Ибн Умардан қуйидаги ҳадисни ишлаб чиққан, Ибн Умар айтадики, Росулуллоҳ (с.а.в) бундай дедилар:

«يَدُ اللهِ عَلَى الْجَمَاعَةِ فَاتَّبِعُوا السَّوَادَ الأَعْظَمَ، فَإِنَّهُ مَنْ شَذَّ شَذَّ فِي النَّارِ»

«Аллоҳнинг қўли жамоа устидадир, бас, улуғ зотларга эргашинг, чунки ким ажралса-дўзахга ажрайди».

Табиийки, ушбу талаб қилинаётган жамоа Аллоҳ Субҳанаҳунинг Китоби ва Росули(с.а.в)нинг Суннатлари билан тартибли ҳолда бўлган жамоадир. Буни юқоридаги оят ҳам айтиб турибди.

Буларнинг барчаси фаолият шахс сифатида эмас, жамоа сифатида бўлишига, бу жамоа шариат билан тартиблаштирилиши кераклигига далолат қилмоқда.

Сиз, қадрли биродар, модомики, Ҳизб ут-Таҳрир мафкурасини кўтариб чиқиб, унга риоя қилиб, у ҳақда гапираётган экансиз, демак бир соғлом жамоада бўлишга тайёрсиз. Бас, шундай экан, ушбу кўтариб чиқаётганингиз яхшиликни чала қилманг, жамоада бўлиш билан уни мукаммал қилинг. Ана шунда дунёю охират азизлигига ноил бўласиз, инша Аллоҳ.

Биродарингиз Ато ибн Халил Абу Рашта

2 робиус-соний 1435ҳ

2 феврал 2014м