Мирзиёев Ҳиндистон раҳбариятига ҳамдардлик билдирди, бироқ у ердаги зулм остидаги мусулмонларни унутди
بسم الله الرحمن الرحيم
Мирзиёев Ҳиндистон раҳбариятига ҳамдардлик билдирди, бироқ у ердаги зулм остидаги мусулмонларни унутди
Хабар: Шавкат Мирзиёев Ҳиндистон шимоли-шарқидаги Ассам ва Мегхалаиб штатларида сув тошқинлари юз бергани муносабати билан мамлакат Президенти ва Бош вазирига мактуб ёзди. Бу ҳақда Президент Матбуот котиби Шерзод Асадов хабар берди.
“Ўзбекистон Президенти Шавкат Мирзиёев Ҳиндистоннинг шимоли-шарқидаги ҳудудларда юз берган табиий офатлар оқибатида кўплаб инсонлар қурбон бўлгани муносабати билан мамлакат Президенти Рам Натҳ Ковинд ва Бош вазири Нарендра Модига ҳамдардлик йўллади”, дейди Асадов.
Изоҳ: Мирзиёевнинг Ҳиндистон раҳбариятига билдирган ҳамдардлиги мамлакатнинг Уттар-Прадеш штатида мусулмонларга қарши авж олган бостириш кампаниясига тўғри келди. Ҳиндистон расмийларининг Росулуллоҳ ﷺга нисбатан ҳақоратли баёнотларига қарши ўз норозилигини билдириб тинч намойишга чиққан мусулмонларни полиция шафқатсизларча калтаклади. Минтақавий манбалардан олинган маълумотларга кўра, тинч аҳолига қарата ўт очилиши оқибатида бир нечта мусулмонлар шаҳид бўлган.
ББCнинг хабарига кўра, айрим штатларда, хусусан Уттар-Прадеш штатида намойишларда қатнашаётган мусулмонларнинг уйлари ва иш жойлари Ҳиндистон ҳукумати томонидан турли баҳоналар билан бузиб ташланяпти. Штат расмийлари уйлар ноқонуний эканлигини даъво қилишмоқда. Анадўли агентлигига кўра, Уттар-Прадеш штати Бош вазири Ёги Адитянатҳнинг матбуот маслаҳатчиси Мритюнжай Кумар ўзининг Твиттер саҳифасида уйларни бузаётган булдозерлар тасвирини қўйиб, “Эй исёнчилар, ҳар жума кунидан кейин шанба келишини унутманг” дея таҳдид қилган. Ушбу воқеалар тўғрисидаги видеолавҳалар интернет тармоқларида тарқалмоқда.
Бизнинг бошимизда ўтирган хоин раҳбарлар шу даражадаги хиёнатларини очиқ намойиш қилишдан уялмай ҳам қўйишди. Аллоҳ Таоло мусулмонларни бир-бирига ака-ука, биродар эканликларини, Росулуллоҳ ﷺ мусулмонлар бир тана каби эканликларини, бирига зулм қилинса уни ташлаб қўйганлар асло мусулмонлардан эмаслигини уқтирган бўлсалар-да, Ислом Уммати устига ўтириб олган бошлиқлар бу буйруқларнинг том-тескарисини қилишмоқда. Бундан куч олаётган кофир ва мушриклар, хусусан бутпараст ва сигирпараст Ҳиндистон расмийлари Росулуллоҳ ﷺни ҳақорат қилишдек жирканч ишни ҳеч қўрқмай қилишяпти. Бунга норози бўлган мусулмонларни шафқатсизларча калтаклаб, ўлдириб, қамаяпти, молларига зиён келтиряпти. Бироқ Мирзиёев буларнинг барчасидан кўз юмиб, бутпарастларга табиий офат муносабати билан ҳамдардлик билдиряпти. Мана бизнинг устимизда ўтирган бошлиқларнинг аҳволи! Мусулмонларга ҳимоя ва ёрдам керак бўлганида, ҳеч бўлмаганда бир оғиз маънавий қўллаб-қувватловга муҳтож бўлиб турганларида улар устидан жавобгар бўлган хоин ҳукмдорлар худди уларни масхаралагандек душманларимизга ҳамдардлик билдиришяпти!
Биз бу ҳукмдорлардан бирор яхшилик кутмаймиз. Зеро, улар ҳақида яхши гумон қиладиган вақтлар аллақачон ўтиб кетган. Биз шуни аниқ айта оламизки, Ҳиндистон ва бошқа юртларимизда зулм ва хорликда яшаётган мусулмон биродарларимизнинг аламли кўз ёшларини қувонч кўз ёшларига алмаштирадиган ҳам, моли ва жонини ҳимоя қиладиган ҳам, уларга ғамхўрлик қиладиган ҳам Ислом давлати ва унинг халифасидир. Токи, мана шу давлатимиз ва султонимиз ҳаёт майдонига қайтмас экан, Ислом Умматининг бахтсизлик ва хорликдаги ҳаёти давом этаверади.
Росулуллоҳ ﷺ дедилар:
"إنما الإمام جنة يقاتل من وراءه ويتقى به"ُ
“Имом бамисоли ортида туриб жанг қилинадиган ва ҳимояланиладиган бир қалқондир”.
Ҳизб ут-Таҳрир медиа офиси радиоси учун Ислом Абу Халил — Ўзбекистон
