بسم الله الرحمن الرحيم

Хабар ва изоҳ

Ёрдамми ёки заҳар?!

Хабар: ANHOR.UZ сайти 2022 йил 17 октябрда қуйидаги хабарни тарқатди:

USAID Ўзбекистонда таълимни қўллаб-қувватлаш учун қўшимча 5,35 миллион доллар ажратди

АҚШ Халқаро тараққиёт агентлиги (USAID) Ўзбекистон Халқ таълими вазирлиги билан мавжуд таълим тизимини ривожлантиришда кўмаклашиш грант шартномасига (DOAG) қўшимча 5,35 миллион доллар ажратди. DOAG USAIDнинг 2019-2026 йилларга мўлжалланган умумий ўрта таълим тизимини кенг қамровли ислоҳ қилиш бўйича Халқ таълими вазирлигининг дастурини қўллаб-қувватлаш учун 55 миллион доллар сармоя киритиш мажбуриятини ифодалайди.

Изоҳ: USAIDнинг бу маблағ ажратиши АҚШнинг Ўрта Осиё давлатларига, хусусан Ўзбекистонга ҳар соҳада, жумладан таълим соҳасида ҳам кириб келишга уринишини кўрсатиб турибди. Бу борада АҚШ бу регионни ҳамон ўз чангалида ушлаб турган Россиянинг Украина урушида заифлашганидан фойдаланади, албатта. Нуфузли GIS нашрининг ёзишича, Қўшма Штатлар Ўзбекистон ва Қозоғистоннинг Россиядан узоқлашиш истагида эканини кўрмоқда, шу муносабат билан Вашингтон Марказий Осиёнинг бу икки йирик давлати билан ҳамкорликни кенгайтириш ниятида.

АҚШнинг бу регионга кўз тикканини 16 октябрда АҚШ марказий қўмондонлигининг ресурслар ва таҳлил бўйича директори Роберт Унгер бошчилигидаги АҚШ ҳарбий делегациясининг Қирғистонга келганлиги ҳам кўрсатиб турибди. Бир сўз билан айтганда, АҚШ бу минтақада ўз нуфузини кучайтирмоқчи.

Лекин АҚШнинг бу борадаги режаларининг энг хатарлиси, бу регионга, хусусан Ўзбекистонга таълим соҳасида ҳам кириб келишидир. Чунки мустамлакачи фикрни ўзгартириш ва мияларни “ювиш”ни бошқа ҳар қандай лойиҳадан олдин амалга ошириш зарурлигини яхши тушунади. Зеро, шунда халқларни қул ва эксплуатация қилиш, уларни ҳазорий ва сақофий жиҳатдан доимо қарамликда ушлаб туриш осон кечади. Машҳур мусулмон ҳинд шоири ва муфаккири Муҳаммад Иқбол роҳимаҳуллоҳ бундай деган эди: “Мустамлакачи Фиръавндан закийроқдир. Чунки у болаларни ўлдириш сиёсатини қўллади, у мустамлакачилар қилганидек болаларни – улар сезмаган томондан – ўлдирадиган мактаблар ва ўқув юртларини очмади!”. Мустамлакачи ўзининг бу заҳарини баланд парвоз гап- сўзлар билан беради. USAID миссияси директори Микаэла Мередит шундай деди: “Таълим қашшоқликни камайтириш ва саломатлик, тенглик, тинчлик ва барқарорликни яхшилаш учун кучли воситадир. Болалар ва ёшлар мактабга боришга, яшаш ва ишлаш учун зарур бўлган кўникмаларни ўрганишга ва эгаллашга тайёр бўлса, улар ўзлари, оилалари, жамиятлари ва мамлакати учун яхши келажак қуришлари мумкин”.

АҚШ бу регионда, хусусан Ўзбекистонда ўз нуфузини кучайтириш учун Туркияни ҳам ишга солмоқда. Маълумки, Туркия “Буюк Турон” лойиҳаси бўйича бу регионга кириб келмоқда. Бу лойиҳа ортида Америка турганлигида шубҳа йўқ. GIS нашрининг мақоласига кўра, АҚШ Туркиянинг минтақага кириб келишини кўпроқ олқишлайди, чунки Марказий Осиё аҳолиси ўзларининг илдизлари ва маданияти муштараклиги туфайли туркларнинг келишини мамнуният билан қабул қилади, деб ҳисоблайди. Нашр президент Шавкат Мирзиёев бошқаруви йилларида Ўзбекистон иқтисодининг ривожланиши ва ўсиши, унинг ислоҳотларини Европа давлатларида амалга оширилган ислоҳотлар билан тенглаштирганини, бу юксак самаралар берганини қайд этди. Демак, бундан Америка президент Мирзиёевнинг кўп векторли сиёсатини маъқуллаётганини сезиш мумкин. Энди шундай савол туғилади: агар Мирзиёев даврида Ўзбекистон иқтисодининг ривожланиб ўсиши унинг ислоҳотларини европа давлатларидаги ислоҳотлар билан тенглаштириб, юксак самаралар берган бўлса, у ҳолда ўзбек халқининг турмуш даражаси Европадаги лоақал энг кам ривожланган давлатлар аҳолисининг турмуш даражасига бўлса ҳам кўтарилдими? Йўқ, албатта! Демак, америка нашрининг бу иддиоси ғирт ёлғон!

Шуни ҳам айтиш керакки, мустамлакачи кофир берадиган бу қарз пулларнинг катта қисми президент ва бошқа расмийларнинг чўнтагига тушиб кетади, миллиардлаб қарзлар эса халқнинг бўйнида турверади!      

Юқорида айтиб ўтганимиздек, мустамлакачининг сақофий ва ҳазорий ҳужуми энг хатарли ҳужумдир, у билдирмай, аста-секин “қўлга ўргатиш” ва усти ялтироқ террордир. Биз Ўзбекистон мусулмонлари буни яхши идрок қилишимиз лозим. Биз бундан халос бўлишнинг йўли фақат Пайғамбарлик минҳожидаги рошид Халифалик соясида Исломий ҳаётни қайта бошлаш эканини ҳам тушуниб етишимиз лозим. Ўшанда кофирларнинг сарфлаётган бу маблағлари ўзларига албатта ҳасрат бўлажак!

   إِنَّ الَّذِينَ كَفَرُوا يُنفِقُونَ أَمْوَالَهُمْ لِيَصُدُّوا عَن سَبِيلِ اللَّهِ ۚ فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ ۗ وَالَّذِينَ كَفَرُوا إِلَىٰ جَهَنَّمَ يُحْشَرُونَ

“Албатта, кофир бўлган кимсалар мол-дунёларини Аллоҳнинг йўлидан тўсиш учун ишлатурлар. Бас, уни сарфлайдилар-у, сўнгра ўша (моллари) ўзларига ҳасрат бўлур, сўнгра мағлуб бўлурлар. Кофир бўлган кимсалар Аллоҳ нопокни покдан (кофирни мўминдан) ажратиши ва нопок кимсаларнинг ҳаммаларини устма-уст тахлаб, жаҳаннамга солиши учун тўпланурлар.” (Анфол: 36).

Ҳизб ут-Таҳрир марказий медиа офиси радиоси учун Ислом Абу Халил – Ўзбекистон