بِسْمِ اللهِ الرَّحْمٰنِ الرَّحِيمِ

Қайс Саид ҳамда Башар Асад режимининг қайта жонлантирилиши

https://www.elnashra.com веб-сайти (ҳижрий 1444 йил 18 шаъбон, милодий 2023 йил 10 март жума куни) нашр қилган хабарда бундай дейилади:

«Тунис президенти Қайс Саид – Дамашқда Тунис элчиси йўқлигини ҳеч нарса билан оқлаб бўлмаслигини айтиб, Суриянинг бўлиниб кетишига асло йўл қўймаймиз, деди».

Роя:

Тунис раҳбари Қайс Саиднинг бу баёнотига Ҳизб ут-Таҳрир – Сурия вилояти матбуот бўлими ўзининг сайтида бундай изоҳ берди:

«Мусулмон ҳукмдорлари ўзларининг кофир мустамлакачи Ғарбнинг юртларимиздаги қўриқчалари эканликларини доимо исботлаб келишмоқда. Улар, шунингдек, Ислом ва мусулмонларга қарши кураш ва Умматни ўзининг ҳақ динига қайтишига йўл қўймасликда Ғарбнинг хизматкорлари эканини, йирик давлатлар уларни истаганча у ёқ, бу ёққа ўйнатиб, ўз манфаатлари ва мустамлакачилик лойиҳаларини амалга оширишда улардан фойдаланаётганини ҳам исботлашмоқда.

Шом қўзғолонига келсак, ҳаммага маълумки, араб давлатлари қўзғолон бошлангандан бери Америка қўлидаги қурол бўлиб, унинг муборак қўзғолонни бўғизлаб йўқ қилиш режасига хизмат қилиб келишди. Бироқ, унинг режалари муваффақиятсизликка учради, араб давлатларининг роли эса фош бўлиб, барбод бўлди ҳамда Шом қўзғолони масаласини назорат қилишга ярамай қолди.

Ҳозир Америка яна араб давлатларидан ва Араб давлатлари лигасидан фойдаланмоқчи бўляпти, улар орқали жинояткор Асад режимини қайта ўрнатиб, барча давлатларнинг у билан муносабатларни нормаллаштиришини истаяпти. Шунингдек, Шом қўзғолонини йўқ қилиш устида тил бириктирган Эрдоган Туркияси ролини қўллаб-қуватламоқда.

Американинг айни истагига жавобан, малай араб ҳукмдорлари Шом тоғути Башар Асад ва унинг чириган режимини қайта тиклашга шошилишди. Мана, Тунис президенти Қайс Саид ҳам ҳамкасблари хиёнатига қадамма қадам эргашиб, Асад режими билан муносабатларни нормаллаштиришга ҳаракат қилиб, уларга етиб олимоқчи бўляпти. Унинг Форс кўрфази, Иордания, Туркия ва Ироқдаги ҳамкасблари бундай мункар жиноятни қилишда ундан анча ўзиб кетишганди. Қайс Саид ўз баёнотида жиноятчи Асад режими билан муносабатларни тиклаш ва нормаллаштириш учун икки давлат ўртасида ўзаро элчиларнинг йўқлигини энди оқлаб бўлмаслигини таъкидлаяпти.

Буларнинг барчаси ҳукмдорлар ва уларнинг режимиларининг қонхўр Асад режими билан алоқаларни қайта тиклаш ва мустаҳкамлаш орқали Шомдаги муборак қўзғолонга қарши тил бириктиришаётганини исботламоқда. Зеро, уларнинг ҳар бири хўжайинлари бўлмиш мустамлакачи кофир Ғарбга малайлик ва тобелик ботқоғига ботган бўлиб, Умматнинг ҳалол фарзандаларига зулм қилишда ҳамда АҚШ бошчилигидаги мустамлакачи Ғарбнинг бўйинтуруғидан халос бўлиш учун қилаётган самиймий ҳаракатларига қарши туришда найза вазифасини ўташмоқда.

Қайс Саиднинг «Суриянинг бўлиниб кетишига асло йўл қўймаймиз», деган гапи ажабланарли эмас. Зеро, у кофир Ғарб ва иттифоқчилари томонидан ўрнатилган сунъий чегараларни била туриб, бундан кўз юммоқда. Зотан, юртларимизни бўлиб парчалаган, аҳлини қочқинга айлантирган, уй-жойларини вайрон этган, муқаддас даргоҳларимиз ва дахлсизликларимизни поймол этган… мана шу кофир Ғарб ва унинг иттифоқчиларидир. Мана шундай қилмишлар ортидан баъзи рувайбиза ҳукмдорлар чиқиб, Шом аҳли ва қўзғолони ҳақида гап сотишяпти, гўё берилган жонлар ва тўкилган қонларнинг эгаларидек, қўзғолончилар номидан музокара қилишга уринишяпти. Улар Шом тоғути сафига ўтиб олиб, муборак қўзғолонимизни йўқ қилиш учун имконлари борича ўша тоғутни қўллаб-қувватлашмоқда.

Улар Шом аҳлини ёрдамсиз қолдириб, унга қарши тил бириктиришса-да, аммо бу қилмишлари билан, Аллоҳнинг изни ила, Шом аҳлига зинҳор зарар етказишолмайди. Чунки Шом  жиҳод ва работ (мудофаа) замини, Росулуллоҳ ﷺ бизга хабар қилганларидек, Ислом марказидир. Шунча йиллардан кейин ҳам бу заминимизга уларнинг макру фитналари ўтмади, инша Аллоҳ, бундан кейин ҳам қўзғолон ўзининг тортиб олинган ҳокимиятини Умматнинг ўз аҳдида содиқ фарзандлари қўли билан қайтариб олада. Барчамиз Аллоҳнинг мустаҳкам арқонини маҳкам тутиб, бу қонхўр режимни илмоний конституцияси ва барча башара ва арконлари билан қўшиб йиқитиб, харобалари узра Пайғамбарлик минҳожи асосидаги иккинчи рошид Халифалик соясидаги Ислом бошқарувини барпо этамиз. Бу Аллоҳга осон.

﴿وَقَدْ مَكَرُوا مَكْرَهُمْ وَعِندَ اللَّهِ مَكْرُهُمْ وَإِن كَانَ مَكْرُهُمْ لِتَزُولَ مِنْهُ الْجِبَال﴾

«Дарҳақиқат, улар ўз макр-ҳийлаларини қилдилар. (Лекин) агар уларнинг макрлари сабабли тоғлар емирилиб кетадиган бўлса-да, уларнинг (бу) макр-ҳийлалари Аллоҳ ҳузурида (маълумдир)»    [Иброҳим 46]

Роя газетасининг 2023 йил 22 март чоршанба кунги 435-сонидан