Нима учун мустамлакачи кофирлар Ҳизб ут-Таҳрирдан қўрқишяпти?
بِسْمِ اللهِ الرَّحْمٰنِ الرَّحِيمِ
Нима учун мустамлакачи кофирлар Ҳизб ут-Таҳрирдан қўрқишяпти?
Ҳизб ут-Таҳрир – Тунис вилояти ўтказган ўн иккинчи йиллик Халифалик конференцияси қоралаш ва танқидлар бўронини келтириб чиқарди. Бу қоралашлар ҳамон давом этмоқда. Ҳизбга туҳмат қилиш, унга мансуб бўлмаган нарсаларни унга ёпиштириш ва қасддан обрўсига путур етказишга урунишдан иборат ушбу қоралов кампаниясини Халифалик чақириғини инкор этаётган ва замонавий фуқаролик бошқарувига кўз ёш тўкаётган илмонийлар қўзғади. Аҳмоқликлари шу даражага етдики, Тунис режимини Ҳизб аъзоларига ҳамда унинг муаййид ва ансорларига қарши гижгижлаб, ҳатто Ҳизб ут-Таҳрирнинг тарқатилишини талаб қиладиган бўлишди. Ҳизбга қарши кампания етакчилигини оммавий ахборот воситалари ҳамда «фуқаровий ҳамжамият»нинг айрим ташкилотлари қўлга олишди… Зотан, «фуқаролик жамияти»нинг мустамлакачилар билан фикрий ва жисмоний жиҳатдан алоқа қилиши сир эмас. Систематик равишда олиб борилаётган бу кампанияда диалог минбарлари уларнинг хизматига берилди, матбуот рукнлари, сарлавҳалари ва бош мақолалар улар учун очиб қўйилди.
Нега Ҳизбга қарши ташвиқот қилинмоқда? Ахир, илмонийларнинг ўзлари фикр ва сўз эркинлигини даъво қилишмаганми?! Илгари – ҳар қандай фикр соҳиби агар зўравонлик қўлламаса ёки зўравонликка чақирмаса, унинг фикри рад этилмайди, дейишмаганмиди?! Ҳизбнинг зўравонлик қўлламаслигига ва унга чақирмаслигига ўзлари гувоҳ бўлишмаганми?! Бас, нега унга ва у чақираётган Халифаликка қарши гижгижлаш кампаниясини бошлашди?! Нега полицияни Ҳизб аъзоларига душман қилишга уринишяпти?! Нега йиллик Халифалик конференциясини тақиқлашга уринишди?!
Улар – Фуқаролик ва Республика бошқарувига ва қадриятларига Халифалик зид келади, замонавий давлатга хавф туғдиради, дейишди ва Халифаликдан қўрқаётганликларини очиқ кўрсатишди.
Халифалик хавфлими? Кимлар Халифаликдан қўрқяпти?
Халифалик – Ислом бошқарувидир. Халифалик билан худди Росулуллоҳ ﷺ биринчи ғиштини қўйиб бошлаганлари каби исломий ҳаёт бошланади. У бутун инсониятни қутқарувчи давлатдир. Халифаликнинг фарз эканлигига бутун Уммат уламолари иттифоқ қилганлар ва улардан ҳеч ким бунга қарши фикр билдирмаган. Мудом, Халифалик Исломни ҳаётда гавдалантиришнинг йўли экан, мудом, тунисликлар мусулмон экан, Халифалик мусулмонлар учун хавф туғдирадими?
Албатта йўқ!
Тунисдаги жамоатчилик фикри Аллоҳ нозил қилган аҳкомлар билан ҳукм юритилишини қаттиқ қўллаб-қувватламоқда. Туниснинг қаерига борманг ва кимдан Аллоҳ нозил қилган аҳкомлар ҳақида сўраманг, ҳаргиз салбий жавоб олмайсиз. Аксинча, одил исломий шариат ҳукм сурадиган кунни Аллоҳдан сўраб дуо қилишларига гувоҳ бўласиз. Ушбу сўзларимизнинг кучлилигини ва бу шунчаки орзу эмаслигини исботловчи далил шундан иборатки, илмонийлар ва коммунистлар (айниқса қўзғолон бошланган пайтда) Исломга қарши думанликларини очиқдан-очиқ кўрсатолмай қолишди. Чунки кимнинг Исломга, ҳатто унинг бирор ҳукмига қаршилиги маълум бўлиб қолса, халқ орасида унинг обрўси бутунлай тушиб кетмоқда.
Шундай экан, Халифаликдан ва Исломдан қўрқаётганлар кимлар?
Тунисдаги расмий доира илмоний-дунёвий бўлиб, у мустамлакачи томонидан тузилган. Сиёсий ҳаётда ҳам шу расмий доира ҳукм юритмоқда. Бироқ, у одамлар ишончини йўқотди. Чунки улар олтмиш йилдан бери илмонийлик бошқарувини ўз тажрибаларида синаб, унинг ҳар бир бошқарув шаклини, яъни диктаторлигу демократик бошқарувини, соқолликларинию соқол қиртишлаганларини синовдан ўтказди ҳамда бу тузумдан алам ва азоб-уқубатдан бошқа нарсани кўрмадилар. Шунинг учун унга қарши чиқиб, қўзғолон қилдилар ва юрт бошини ағдардилар… Улар бошлаган қўзғолон ҳамон давом этмоқда ва ҳозирда бу қўзғолон ўзининг асл қароргоҳига қайтмоқчи. Чунки зўравон мустамлакачи ва унинг хору расво малайларидан батамом озод бўлиш ва ҳақиқий ўзгариш ясаш ўша ердан таъминланади, ўша ердан Уммат ўз мустақиллиги ва етакчилигини қайта эгаллаб, инсонлар учун чиқарилган энг яхши Уммат мақомига кўтарилади. Аммо бу имконият илмонийларда йўқ, балки улар бошқарувни эплашолмаяпти. Чунки улар фикрда ҳам, сиёсатда ҳам фақат тобеликни билишади, денгиз ортидан келадиган кўрсатмаларни хору зорлик билан бажаришдан бошқа нарсани билишмайди.
Тунис ва бошқа исломий юртлардаги бундай вазият бутун расмий доирадагиларни довдиратиб қўйди, ҳатто уларни пайдо қилган мустамлакачиларни ҳам. Чунки мустамлакачиларнинг қўғирчоқлари (илмоний сиёсий доира) шунча макр ва фитна ишлатиб ҳам одамларни адаштиришни ва залолатга етаклашни уддалай олмади. Натижада вазият мустамлакачиларга нисбатан икки хавфни намоён қилмоқда: Биринчиси, қўзғолон доираси кенгайиб, Тунисдаги ҳар бир жой ва қатламни ўз ичига олган ҳолда давом этаётганлиги. Иккинчиси, ҳақиқий альтернативанинг мавжудлиги. Ҳа, Ислом ва Халифалик кўҳна Ҳизб томонидан тиниқ-шаффоф суратда кўрсатилган альтернатива бўлиб, одамлар ушбу Ҳизбнинг йигитларини танийдилар, уларнинг ростгўй ва холисликларини биладилар. Улар Исломнинг соғлом тушунчасини шу йигитларда кўриб, Ҳизбнинг давлатлар олиб бораётган ўйинлар ва қўяётган тузоқларни фош этишга қодир эканига гувоҳ бўлдилар. Мусулмонлар билан Халифалик ўртасида атиги бир нарса турибди. У ҳам бўлса, куч-қудрат аҳлининг ҳаракатга келиб, малайлар кишанидан халос бўлиши ҳамда динлари, Умматлари ва етакчилари (Ҳизб ут-Таҳрир) томонига ўтишлари қолди, холос. Зеро, Ҳизб, йигитлари ва раҳбарлари ҳаммага таниш.
Ҳа, вазият Ғарб учун ғоят қалтис:
Гап шундаки, Ҳизбнинг дунёга келиши уларнинг Исломни ҳаётдан четлатишга бўлган жиноий уринишларини барбод қилди. Чунки кеча Халифаликни ва Исломни йўқ қилдим, деб ўйлаган Ғарб бугун Халифалик мафкурасининг дунёда ҳам, қўзғолон бошланган ва бутун исломий юртларга тарқалган Тунисда ҳам жамоатчилик фикрига айланаётганига гувоҳ бўляпти… Тунисдан то Шом, Индонезия, Покистон ва Афғонистонгача Халифаликка чақирилаётганини кўриб, эшитиб турибди. Халифаликка бўлган чақириқни дунёнинг ҳар еридаги мусулмонлар ҳам, дунёнинг ҳар ерида капитализм оташида ёнаётган инсонлар ҳам эшитишмоқда.
Чунки Ҳизб ут-Таҳрир даъват қилаётган Халифалик – Пайғамбарлик минҳожи асосидаги Халифаликдир. У ичкарида Исломни татбиқ қиладиган, ташқарида даъват ва жиҳод билан инсониятни капитализм жиноятларидан қутқарадиган давлатдир.
Халифаликнинг қайтиши бир фикргина эмас. Балки у худди Росули акрам ﷺ бошлаганларидек, оламни қайта исломий ҳаётга етаклайдиган ҳамда 1648 йил Вестфалияда имзоланиб, Сайкс-Пико шартномаси билан кенгайган зулматли замонга якун ясайдиган оламшумул давлатдир. Ғарбни айнан мана шу нарса қўрқитяпти, қўрқитибгина қолмай илигини қалтиратяпти. Исломнинг оламий қудрат сифатида қайтаётганидан у даҳшатга тушяпти.
Баъзилар – сизлар Ғарбнинг Халифалик давлатидан қўрқаётгани ва титраётгани тўғрисида ошириб юборасизлар, дейишади.
Уларга айтар сўзимиз шуки, мустамлакачиларнинг бераётган баёнотларининг ўзи қўрқиб, даҳшатга тушаётганликларини очиб қўймоқда. Улар дунё тартибининг ўзгаришидан қўрқишяпти, шунингдек, пойдевори 1648 йил Вестфалияда қўйилган ёвуз бинонинг ҳамда шундан кейин қурилган Сайкс-Пико ва бошқа уйларининг йиқилишидан даҳшатга тушишяпти. Ана, Генри Киссинжер Вестфалия шартномаси тугаганини ҳис қилиб, ўзининг доклад ва мақолаларида унинг тугаб-битиши яқинлашаётганини баён қилди. Уларнинг Зейно Баран хоними эса ўзининг 2004 йилдаги тадқиқотида Ҳизбдан огоҳлантириб, «Ҳизб ут-Таҳрирнинг энг хавфли томони, у инсонларни илҳомлантирувчи идеология яратган», деди. Зейно бу гапи билан социализм капитализмга қарши тура олмай, йиқилганидан кейин капитализмга альтернатива ҳисобланган ва дунё одамларини ўзига йўналтириши кутилаётган Исломни назарда тутмоқда. Шуни ҳам таъкидлаш лозимки, йирик давлатлардаги қарор соҳибларининг китоб жавонлари Ҳизб ва Халифалик ҳақида ҳамда Ҳизбнинг Халифаликни барпо этишини қандай олдини олиш тўғрисида ёзилган ҳисоботлар билан тўлиб тошди.
Демак, Тунис ва бошқа мусулмон юртларидаги Ҳизб ут-Таҳрирдан қўрқув ҳақиқатдир. Бу тобе ва малайларнинг қўрқуви эмас. Чунки улар бу хавфни тушунадиган ақл-фаросатга эга эмаслар, хўжайинлари диктоват қилганидан ортиқчасини тушуна олмайдиган ёлланма кимсалардир. Асли, Ҳизб ва Халифаликдан қўрқаётганлар Оқ уйдагилар ва мустамлакачилик стартегик тадқиқот марказларидигилардир. Чунки бунинг ўсиб бораётганини ўшалар кўра биляпти. Шунинг учун ҳам қутурган ҳолда малайларини Ҳизбга ҳужум қилишга ундаб, шу орқали Ҳизб ва унинг даъватига тўсиқ қўя оламиз, деб ўйлашяпти. Чунки улар ўз тузумларининг давом этишини исташяпти ҳамда Умматни оч қўйиб, хорлаш билан унинг маънавиятини бузишга, иродасини синдиришга, холис етакчиларини адаштириб, ёмонотлиқ қилишга уринишяпти. Билмайдиларки, Халифалик бирор жамоанинг ёки Ҳизб ут-Таҳрирнинг иши эмас, балки ҳар нарсадан олий ва ҳар ишга қодир Аллоҳнинг иши бўлиб, У ўз бандаларига Халифаликни хоҳлаяпти. Аллоҳ нимани хоҳласа, тамом албатта уни қилади ва Аллоҳнинг ваъдаси ҳаргиз ёлғон эмас.
Аллоҳ Таоло бундай деган:
﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَٰلِكَ فَأُولَٰئِكَ هُمُ الْفَاسِقُونَ﴾
«Аллоҳ сизлардан имон келтирган ва яхши амаллар қилган зотларга худди илгари ўтган зотларни халифа қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар фосиқлардир» [Нур 55]
Роя газетасининг 2023 йил 15 март чоршанба кунги 434-сонидан
