Матбуот баёноти

Нега Ўзбекистон расмий ахборот агентликлари сукут сақлашда давом этмоқда?

بسم الله الرحمن الرحيم

04.01.2024й. пайшанба эрталаб чамаси соат 6:00 ларда, Тошкент шаҳрида ўнга яқин мусулмон хонадонларнинг тонгги сукунатини тўсатдан эшик қоққанлар “ташрифи” бузди. Гап шундаки, ўша хонадонларнинг ҳар бирига юзларига маска таққан формали кимсалар бостириб кириб, тинтув ўтказган. Диний адабиётларни бирма-бир титиб, уларнинг ичидан нималарнидир излашган. Ҳеч нарса топмагач, оила бошлиқларини ўзлари билан олиб кетишган. Ўша куни уйида бўлмаган оила бошлиғи ўрнига эса, оиласидан бирини ҳеч қандай сабабсиз ИИБ бўлимига боришга мажбурлашган. Эътиборлиси шуки, ўша ваҳима ва шов-шувлар билан олиб кетилганлар – яқин йилларда қамоқдан чиқиб, эндигина оиласи бағрига қайтган мусулмон йигитлар эди. Уларнинг барчаси 20-22 йиллик йигитлик даврларини қамоқларда ўтказган Ҳизб ут-Таҳрир Исломий сиёсий партияси аъзолари бўлишган. Хўш, улар қандай жиноят қилдиларки, оилалари эндигина дийдор қувончига тўлганида бундай нотинчликка қайта дучор қилинди – оилалардаги қариялар юрак чангаллаб қолди, онахонлар хушидан кетай деди, гўдаклар қўрқувдан чирқираб йиғлади. Яқиндагина чорак асрлик қамоқдан чиқиб болалари ва набираларини бағрига босган бу мазлумлар қўлларига яна кишан солинди. Бугунги президент аввалги раҳбарнинг фитнаси туфайли узоқ йиллар қамоқда ушлаб турилган мусулмонлардан бир қанча юзлабини озод қилиб, кўпгина қари-ю ёшларнинг қувончига сабаб бўлганди. Аммо Мирзиёевнинг бу ишига ва гапирган айрим гапларига мутлақо тескари бўлган бундай босқинчилик ИИБ ходимлари томонидан содир этилганини қандай тушуниш керак?! Энг ажабланарлиси, ўша йигитларни оддийгина чақирув қоғози орқали таклиф қилинса ҳам, айтилган жойга боришлари аниқ бўла туриб, одамларда ваҳима уйғотувчи бундай сценарийни қўллаш кимга керак бўлди экан? Чунки ўша оилаларнинг саросимага тушган қўшнилари ва қолаверса, маҳалла аҳли бу йигитлар ҳақида қандай фикрга келишлари мумкин? 

Бу ҳақдаги дастлабки тахминлар қуйидагича: Биринчидан, ҳукуматга Россия ва бошқа куфр давлатлари томонидан терроризм ва экстремизмга қарши кураш доирасида қандайдир тавсиялар руҳидаги ташқи босимлар бўлиб, ДХХ ва ИИБ шоввозлари бу “маска шоу”ни шунинг учун саҳналаштирган бўлишлари мумкин. Иккинчидан, ўз Исломига тобора талпинаётган ёшлар қалбига қўрқув солиш мақсадида қилинган бўлиши ҳам эҳтимолдан холи эмас. Акс ҳолда, бундай шов-шувли “спектакл”га не ҳожат?!

Бу ерда яна бир муҳим нарса шуки, “Kun.uz”, “Qalampir.uz” каби расмий каналлар, ҳатто блогерларнинг ҳам бу тўғрида оғиз очмагани маҳаллий халқ эътиборини ўзига тортмоқда. Уларни бу шумқадамлар босқинидан бехабар қолишган, дея олмаймиз. Чунки юртимизнинг қайсидир чекка ҳудудида юз берган автоҳалокат ҳақида дарров хабар топадиган журналистлар, мамлакат марказида содир этилган бундай воқеадан бехабар қолишлари журналистик этикага мутлақо зиддир. Шунинг учун биз улардан юртимиз мусулмонлари устида уюштирилаётган бундай “ов”га жўяли изоҳ ёзишларини кутиб қоламиз.

Яна бир мулоҳазамиз шуки, ҳар қандай раҳбар ҳеч қачон ички душманлардан холи бўлмайди. Балки аҳолиси асосан мусулмонлардан иборат бу юрт бошлиғини обрўсизлантириш учун ичкарида эски раҳбар хуфияларидан унга чоҳ қазиш мақсадида юрганлар ҳам бордир?! Улар мусулмонлар зеҳнига “бу раҳбарнинг ҳам мусулмонларга муносабати аввалги яхудийники каби экан” деган фикрни ўрнатиш пайидадир? Буни эса вақт кўрсатади. Лекин ишонгимиз келади-ки, бугунги ҳукумат раҳбари кечаги золимнинг жирканч қатллари, таъқибу тазйиқлари ва оилаларни пароканда қилганларининг давомчиси бўлишдан ҳазар қилар, зулм қандай мудҳиш оқибатларга олиб боришини ёдда тутар! Яна ким билади, дейсиз, бу, албатта унинг танловидир!

وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ

– “Золим кимсалар эса яқинда қандай оқибатга қараб кетаётганларини билиб қолурлар”.                           (Шуъаро:227)

Ҳизб ут-Таҳрир Ўзбекистон матбуот бўлими

08.01.2024й