Фарзандларингизга фаровон ҳаёт қолишига ишонасизми?

بِسْمِ اللهِ الرَّحْمٰنِ الرَّحِيم

Нафақат инсонлар, балки ҳатто ҳайвонлар ҳам зурриётларига фақат ва фақат яхшиликни истайди. Ёмонликдан эҳтиёт қилади, ёмонлик бўлишини истамайди. Ўзига хавф туғилса ҳам зурриётлари учун кўксини тутади. Инсонда бундай ҳиссиёт янада кучлироқ кўринишга эга, чунки биз баъзида воқеликда гувоҳ бўламизки, ота-оналар ўзи оч қолса ҳам фарзанди оч қолмаслиги учун ҳаракат қилади. Ўзи эскисига рози бўлиб фарзандига янги бўлишини истайди. Кўп эшитганимиз “Мен кўрган кунларни болам кўрмасин” ёки “Менинг бошимга тушганлар боламнинг бошига тушмасин”.

Мана шундай ўйлар билан ҳаётимизга қараб фикрлаб кўрайлик, фарзандларимиз учун қандай ҳаётни қолдирмоқдамиз?! Эртанги кун, яъни фарзандларимиз яшайдиган кун яхши бўлишига ишонч борми?! Яхши яшашга интиляпсиз, бор кучингиз билан ҳаракат қиляпсиз, лекин болаларингизнинг ҳаётини қандай тасаввур қиляпсиз?!  Шу каби саволларни ўзингизга беринг ва жавобини ҳам изланг.

Атрофимизда зурриётларининг келажаги учун ўзи билганича яхши ҳаётни ҳозирлаётганлар ҳам йўқ эмас. Лекин уларнинг аксарига бу соҳада қулоқ солсангиз, дунёқарашларига афсусланмай иложингиз йўқ. Яна бошқалар эса, ўзининг ҳолати тузалишидан умидини узган, болалари яхши ҳаёт кечиришидан умидвор, лекин қатъий ишонч йўқ. Нега шундай?! Бундай ҳолатга нима сабаб?! 

Ҳаётимиздаги ҳар бир муаммо бизнинг устимизда татбиқ қилинаётган тузум билан боғлиқ. Қачонки тузум тўғри бўлса шундагина бизда келажакка ишонч, қалбларимизда чинакам қувонч бўлади. Қалбларда ҳаёт учун пайдо бўлган шу қувонч яшаш тарзидан хотиржамлик аломатидир. Яшаш тарзидан шу жамиятдаги инсонлар хотиржам бўлсаларгина бу ҳаётни фаровон ҳаёт, деб аташ мумкин бўлади. Фаровон ҳаётдагина нафақат ўз ҳаётингиз яхши бўлади, балки келажак авлодларингиз ҳаётини ҳам гўзал суратда тасаввур қилиш имкони бўлади. Келажак авлод учун ишонч вужудга келади.

Тўғри тузум эса, шак-шубҳа йўқки, Исломдир. Аввало, Аллоҳнинг розилиги бор бу дин татбиқида. Шунингдек, Ислом татбиқ қилинсагина ўзингиз ва фарзандларингиз ҳаёти фаровон бўлиши учун кафолат бўлади. Ҳатто Охират ҳаётингиз яхши бўлиши учун ҳам Ислом татбиқ қилиниши керак. Сизга ҳар томондан яхшилик ато қилгувчи Исломдан бошқа яна нима бор?!

Ҳизб ут-Таҳрирнинг Ўзбекистондаги медиа офиси. Абдуллоҳ

06.11.2019й