بِسْمِ اللهِ الرَّحْمٰنِ الرَّحِيمِ

Фуқаровий жамият ташкилотлари масаласи қаердан қаерга қадар

Устоз Маҳмуд Лайсий

Ҳизб ут-Таҳрирнинг Миср вилоятидаги матбуот бўлими аъзоси

Мисрда фуқаровий жамият ташкилотлари устидан ўн уч йил аввал очилган суд иши яқинда Миср режими томонидан тўхтатиб қўйилди. Унинг тўхтатилиши Мисрга 12 миллиард доллар кредит беришга оид Европа-Миср музокаралари бўлаётган бир пайтга тўғри келди… Биз бу кредитлардан Миср режимини сақлаб қолиш кўзланган, дея оламиз. Афтидан, айни суд ишини ёпиш масаласи музокара столига ташланган кўринади ёки кредитларни бериш учун сабаб бўлган бўлиши ҳам мумкин.

Бизга маълумки, ушбу фуқаровий ноҳукумат ташкилотлари Миср режимини ҳеч хавотирга солмайди, чунки қабул қилган фикрлар жиҳатидан уларнинг ҳаммаси Ғарбга боғланган… Ғарб бу ташкилотларни молиялаштиради, улар эса Ғарб фикрларини жамиятга сингдиришга ҳаракат қилишади ва шу фикрларга чақиришади, улардан бошқа фикрларга қарши курашишади… Ғарб фикрларига эса, Исломдан бошқаси қарши курашолмайди, Исломгина фикрий кураш билан уларни мағлуб қила олади. Айни ташкилотлар Ислом фикрларига қарши зимдан курашмоқдалар ва улар буни яхши ниятдами, ёмон ниятдами, билибми ёки билмайми амалга оширишяпти. Бошқача қилиб айтганда, бу ташкилотларнинг Ғарб қўлида қўғирчоқ бўлишда ва Ғарб уларни истаган тарафга ишлатишида ҳукмдорлардан ва элитадан фарлари йўқ. Фақат йўналишда ва қайси давлатга тобе бўлишда фарқ қиладилар, холос.

Яқинда ёпилган ташкилотларнинг кўриб чиқилаётган ишида кузатилган нарса шуки, бу иш январ инқилобидан кейин ҳарбий кенгаш даврида, бу ташкилотлар аъзолари инқилобда иштирок этгани ва унинг фаолиятида қатнашгани учун очилган. Шунга қарамай, унга айни шу ишда айбланаётган 15 нафар чет эллик, жумладан, 8 нафар америкалик киритилмаган. Балки 2012 йилда ҳарбий кенгаш АҚШнинг собиқ президенти Барак Обама аралашувидан сўнг тўсатдан чиқарилган суд қарори билан уларнинг Мисрдан чиқиб кетишига рухсат берган эди. Улар билан қарорга бўйсунган, мол-мулклари олиб қўйилган ва якуний қарор чиқишига қадар сафарга чиқиши тақиқланган бошқа судланаётганлар ўртасида нима фарқ бор.

Фуқаровий ташкилотлар ва уларнинг орқасидагиларнинг ҳам, Миср режимининг ҳам мақсад ва ғояси бир. Барчасининг мақсад-ғояси Ғарб тушунчалари, сақофати ва ҳаётга нисбатан қарашларини Миср ва унинг аҳлига сингдириш, уларни аввал демократияга бўйсунишга ва унинг остида яшашга мажбурлаб, сўнг бу демократияни уларнинг ўзлигига айлатириш ҳамда Ғарб тушунчаларининг одамлар миясига жойлашга тўсқинлик қилаётган Ислом ва унинг фикрларига қарши курашишдан иборат. Шунга қарамай, бу ерда Европага содиқ бўлганлар билан Америкага содиқ бўлганлар ўртасида кураш ва Европанинг уринишлари сақланиб қолмоқда. Биз унинг уринишлари Америка ва унинг малайлари билан рақобатлашиш ва уларни сиқиб чиқариш учун бўляпти деб айта олмаймиз. Балки бу шунчаки тўқнашув бўлиб, ундан мақсад Америка малайларини фош қилиб, қийин аҳволга солиб қўйиш ва бу орқали бироз бўлсада фойдани қўлга киритиш, холос.

Гап шундаки, бу ташкилотлар ва улар орқали фаолият қилаётганлар Ғарбнинг қўғирчоқлари бўлиб, мақсадлари жуда кўп. Жумладан, жамоатчилик фикрини ўрганишади, одамларнинг нафас олишларини ва йўналишларини ўлчаб, ғарблик хўжайинларига ҳисобот топширишади, хўжайинларига мусулмон юртлари ва халқларига қарши тузоқ қўйиш режаларини ишлаб чиқишда ёрдам беришади. Яъни бу ташкилотлар шу орқали бир жиҳатдан ҳукмдорларнинг ролини такомиллаштириб беришса, бошқа жиҳатдан, одамларни тузумни ёмонлигидан чалғитишади ва уларга кризис фақат тузум бошлиғида қилиб кўрсатишади. Бу ташкилотларнинг вазифаси воқеликка қараб ҳаракат қилиш ва диоира ичидан чиқмай фикрлашдан иборат… Яъни одамларни шу доирага чеклашни исташади, одамларнинг танловлари Ғарбнинг лойиҳаларига хизмат қиладиган, Мисрга ҳукмрон бўлишига ва аҳлини қул қилишига олиб борадиган ишлардан иборат бўлиши хоҳлашади. Қачон давлат бу ташкилотларни тақиқласа ва уларга қарши курашса, демак, бундан ё уларни қайта жонлантиришни ва шу орқали одамларни улардан маълум даражада рози қилишни, бу билан янги услуб-воситалар ёрдамида одамларни яна алдашни мақсад қилган бўлади. Ёки бу ташкилотлар бошқа томонларга малайлик ва содиқлик қилаётган ҳамда режим тизгинини қўлда ушлаб турган хўжайиндан бошқа бир хўжайинга хизмат қилишаётган бўлади. Чунки малайларнинг ўзаро ғоялари бир бўлса-да, бироқ бойликларни талашаётган йирик томонлар ўртасидаги курашда, манфаат талашишда фарқ бўлади. Бироқ курашнинг қурбони ҳамон халқларимиз ва юртларимиз бўлиб қолмоқда.

Ғарбнинг юртларимизда маълум мақсадлари бор ва уларга эришиш учун у малайларга муҳтож. Миср режими ҳам шу малайлардан бири. Ғарб уни кредит пакетлари билан қайта жонлантиришга ҳаракат қиляпти. Қарз эса, режимни яшашига ёрдам беради, аммо қутқармайди, оқибатда режим доим Ғарбга муҳтож бўлиб қолаверади, унинг қўйнига киришда, топшириқ ва режаларини бажаришда, Умматга қарши тил бириктирувларига қўшилишда давом этаверади… Айниқса, Ғазо аланга олган ва оловининг қачон ўчиши, оловда бу режимлардан ва эскирган хизматкорлардан қай бири ёниши номаълум бўлиб турган ҳозирги дамда. Бу режимлардан ташқари фуқаролик жамияти ташкилотлари ҳам борки, уларнинг ўзи Ғарб ғояларини кўтариб чиқувчи ва уларга унумдор замин яратувчи сиёсий марказни ташкил этиши мумкин ёки улар орқали сиёсий марказ ташкил этилиши мумкин. Бу марказ ватанпарварлик, миллатчилик ва булардан бошқа шиорларни кўтариб чиқиб, Уммат муаммоларини шу нуқтаи назардан келиб чиқиб ўрганади. У Фаластин масаласига босқинчидан озод этилиши ва у ердан босқинчилар тўлиқ қувиб чиқарилиши вожиб бўлган Уммат масаласи сифатида эмас, балки қардош қўшни араб давлатининг миллий масаласи сифатида қарайди. Шунинг учун режимларнинг бор-йўқ ниятлари йўлакларни очиш ва донор давлатларнинг инсонпарварлик ёрдамларини киритиш, жароҳатланганларга тиббий ёрдам кўрсатиш, холос. Гўё бу билан ўзларини Фаластин учун ёрдам бераётгандек кўрсатишяпти, одамларни Фаластин ва унинг аҳли олдида шариат фарз қилган вазифадан узоқлаштиришяпти. Ушбу вазифа эса, зудлик билан армияларни оёққа турғазиш ва яҳудий вужудини ҳамда юрт армиясининг Фаластинни озод қилишига тўсқинлик қилаётган томонни илдизи билан қўпориб ташлашдан иборат. Зотан, яҳудий вужудини қўриқлаётган ҳам, армияларнинг сафарбар қилинишига ва уларнинг муборак заминни озод этиб, унинг аҳлига нусрат беришларига тўсқинлик қилаётган ҳам Миср режимидир.

Ғарбнинг бундай ташкилотларга бўлган эҳтиёжи чексиз. Чунки малай режимларнинг кирдикорларидан одамлар назарини буришда айни ташкилотларнинг ҳиссаси катта. Шунинг учун биринчи мақсад, грантлар, кредитлар ва ёрдамлар ташкилотдаги 12 нафар малайни чиқариб, озод этиш ва уларга фаолият қилиш имконини бериш билан боғлиқ бўлди. Иккинчи мақсад, бу ташкилотларни режимлардан хотиржам қилиб, Ғарбнинг юртларимиздаги мақсад ва ғояларини амалга ошириш учун хавфсиз равишда ўз вазифаларини бажаришларига имконият яратиш бўлди.

Энди қуйидаги саволларни ўртага ташлаш лозим: Юртларимиз қачонгача Ғарбнинг кўз олайтирадиган, бойликларимизни талайдиган, ўйинлар қуриб, режа ва фитналарини амалга оширадиган майдони бўлиб қолаверади?! Қачонгача Ғарб йўлида дарё бўлиб оқизиладиган қон бизнинг қон бўлиши керак?! Наҳотки Уммат орасида холис эр кишилари йўқ?! Наҳот Умматда душманга ва унинг фикрларига қарши курашиб мағлуб этувчи мафкура йўқ?! Умматда етакчилик қилишга ва уни ривожланиш йўлидан етаклашга қодир альтернатива лойиҳа йўқми?!

Буларнинг барчаси Умматда бор. Татбиқ қилишга тайёр муқобил лойиҳа фақат Ислом Умматининг қўлида ва у Ислом давлати, яъни Пайғамбарлик минҳожи асосидаги рошид Халифалик давлатида гавдаланади. Умматнинг холис фарзандларида уни дарҳол татбиқ қилишга куч-лаёқат ҳам бор. Унга фақат Умматнинг ҳалол қўшинлари томонидан холис ҳақиқий нусрат етишмаяпти, холос. Нусрат беришга энг муносиб инсонлар Кинонадаги энг сара қўшинлардир. Бас, шундай экан, улар орасида Исломни татбиқ қилиш йўлида фаолият қилаётганлар билан биргаликда Исломни қайта ҳокимият тепасига олиб чиқадиган мардларни қачон кўрамиз?! Шу орқали Ислом ва унинг давлати ёрдамида Ғарбнинг юртларимизга кўз олайтиришига чек қўйишини ва бойликларимизни талон-торож қилаётган қўлларини кесиб ташлашини қачон гувоҳ бўламиз?! Аллоҳга қасамки, бу дунёда куч-қудратга, охиратда ҳурмат-икромга эришиш мана шундадир. Мисрни, унинг аҳлини ва қўшинини айни шу нарсадан насибадор айлашини Аллоҳдан сўраб қоламиз.

﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡۖ وَٱعۡلَمُوٓاْ أَنَّ ٱللَّهَ يَحُولُ بَيۡنَ ٱلۡمَرۡءِ وَقَلۡبِهِۦ وَأَنَّهُۥٓ إِلَيۡهِ تُحۡشَرُونَ﴾

«Эй мўминлар, Аллоҳ ва Унинг Пайғамбари сизларни абадий ҳаёт берадиган нарсага даъват қилар экан, уни қабул қилинглар. Шуни билингларки, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар» [Анфол 24]

Роя газетасининг 2024 йил 10 апрел чоршанба кунги 490-сонидан