Муборак Қурбон Ҳайити табриги

بسم الله الرحمن الرحىم

Аллоҳу Акбар, Аллоҳу Акбар, Аллоҳу Акбар, ла илаҳа илаллоҳу Аллоҳу Акбар, Аллоҳу Акбар ва лиллаҳил ҳамд… 

Оламлар Роббиси, мўмин-мусулмонлар мададкори Аллоҳ таолога ҳамду санолар, икки олам сарвари, ҳидоят машъалини етказгувчи Пайғамбармиз Муҳаммад ﷺга, у кишининг оли байти ва асҳоби киромларига салоту саломлар бўлсин.

Азиз мусулмон биродарлар, муслима опа-сингиллар, сизларни муборак байрамимиз Ийд Қурбон билан муборакбод этамиз. Меҳрибон Роббимиздан ушбу муборак кунларда биз Ислом умматини Ўз нусрати билан сийлашини, Пайғамбаримиз ﷺ башорат қилган Рошид Халифалик давлати тезроқ тикланишини ёлвориб сўраймиз.

Азиз биродарлар! Мана бу йил Халифалик давлатимиз кофир мустамлакачилар томонидан Мустафо Камол сингари хоинлар ҳамкорлигида қулатилганига ҳам, милодий ҳисоб билан 100 йил тўлди. Келинг, энди ўтган бир аср давомида мусулмонлар Ислом давлатисиз яшаб қандай аҳволга тушиб қолганига бир назар ташлайлик. Ислом уммати мустамлакачи Ғарб томонидан сиёсий жиҳатдан, малай ҳукмдорлар орқали бошқариладиган майда миллий давлатчаларга бўлиб ташланди. Иқтисодий жиҳатдан, юртларимиз катта мустамлакачи давлатларнинг хом-ашё базаси ва истеъмол бозорига айлантирилди. ХВЖ, ЖБ каби кофир ташкилотларнинг риболи қарзлари сиртмоғидан қутулолмай қолдик. Таълим жиҳатидан, ўқув юртларимизда Ғарб дунёқараши асосида ишлаб чиқилган сақофий дастурлар қўлланилмоқда. Ижтимоий жиҳатдан, аёл кишига бўлган кўз қараш бузилди, маҳрам-номаҳрам деган тушунчаларга путур етди, зино одатий ҳолга айланиб бормоқда. Жамиятимизга гендер тенглиги, феминизм, ЛГБТ каби жирканч иллатлар зўр бериб сингдирилмоқда ва ҳоказо. Ҳолбуки, биз бир бутун уммат бўлиб ягона  давлат – Исломий Халифаликда яшаганимизда бунчалик хор бўлмаган эдик.

Шунингдек, ушбу 100 йилликда мусулмонлар аёвсиз қирғин қилинишидан қонлари дарё бўлиб оқди ва ҳозир ҳам тўхтагани йўқ. Босния ва Герцеговина (1992-1995) қирғинида 8000 дан ортиқ мусулмонлар ўлдирилган. Сабра ва Шатила қирғини (1982). Ливандаги Фаластин қочқинлари лагерида юз берган қирғинда эса 700 дан 3500 гача мусулмонлар яҳудий вужуди армияси қўллаб-қувватлаган фалангист христиан жангчилари томонидан қатл этилган. Гужоратдаги (2002) ҳинд миллатчилари томонидан уюштирилган қирғинда тахминан 1000-2000 мусулмон шаҳид бўлган. Ироқда 2003-2011 йилларда ва ундан кейин мустамлакачи АҚШ ва иттифоқчилари томонидан минглаб мусулмонлар ўлдирилди. Сурияда 2011 йилдан ҳозирги кунга қадар юз минглаб мусулмонлар ҳаётдан кўз юмди ва миллионлаб одамлар қочқин бўлди. Мянмада 2017 йилдан ҳозирги кунга қадар ҳарбий хунта томонидан уюштирилган қирғинлар натижасида юз минглаб Роҳинжа мусулмонлари ўлдирилди ва қочқинга айланди. Ёки худосиз Хитой режимининг “мияни ювиш” концлагерларида давом этаётган ғайриинсоний зулмлари остида миллионлаган Шарқий Туркистон мусулмонларидан қанча-қанчаси ҳаётдан кўз юмгани ҳамон номаълумлигича қолмоқда. Шунингдек, бугунги кунда муборак Фаластин заминида Американинг қўллови билан лаънати сионист яҳудлар томонидан 8 ойдан кўпроқ вақтдан бери амалга оширилиб келинаётган геноцид натижасида шаҳидлар сони 40 мингдан ошиб кетди. Улардан 15 мингга яқини ёш норасида гўдаклардир. Бу воқеалар мусулмонлар бошдан кечирган ва кечириб келаётган кўплаб қирғинларнинг бир қисми холос…

Бунга қўшимча равишда минглаган мусулмон биродарларимиз, опа-сингилларимиз ўз иймон-эътиқодлари туфайли ҳозирги кунгача мустамлакачи кофирлар ва уларнинг малайлари томонидан қайта-қайта узоқ йилларга қамоқларга ташланиб, азобланмоқдалар. Бунга мисол, шу кунларда Ўзбекистонда золим Каримов режими даврида қамалиб, узоқ йиллардан кейин озодликка чиққан Ҳизб ут-Таҳрирнинг 23 аъзосини ҳеч қандай асос ва далилларсиз ўзбек ҳукумати томонидан яна қайта судланаётгани сўзларимизга очиқ далилдир. 

Ҳа, биродарлар, биз мусулмонларнинг бугунги аҳволи, воқелиги ман шундай аянчлидир. Устимиздаги ўзларини мусулмон санаган бошлиқлар эса, Умматнинг ғами ва ҳимоясига келганда қулоқлари кар, кўзлари кўрдир. Уларнинг ягона ғами – ўтирган тахтлари ва мустамлакачи хўжайинларини рози қилиш холос!    

Азиз биродарлар, албатта, бошимиздан кечириб келаётган бу аламли воқеалар катта мусибат. Бироқ мусибатларнинг энг каттаси ва боиси ҳаётимизда Ислом шариатининг татбиқ бўлмаётганидир. Чунки мусулмонлар ҳаётларидаги ҳар қандай муаммони шариат қонунлари асосида ҳал қимоқлари фарздир. Аллоҳ таоло дейди:

فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنفُسِهِمْ حَرَجًا مِّمَّا قَضَيْتَ وَيُسَلِّمُوا تَسْلِيمًا

– “Йўқ, Роббингга қасамки, сени ўз ораларида чиққан келишмовчиликларга ҳакам қилмагунларича, кейин чиқарган ҳукмингга дилларида танглик топмасдан, бутунлай таслим бўлмагунларича, зинҳор мўмин бўла олмаслар!” (Нисо:65)

Ислом шариати эса Халифалик давлатисиз тўлиқ татбиқ бўлмайди. Зеро, Пайғамбаримиз ﷺ саҳобалари (Аллоҳ улардан рози бўлсин) билан ҳар қандай қийинчиликларга қарамай Ислом давлатини қойим қилганларидан, бу ишни амалга ошириш  мусулмонлар учун қанчалик муҳимлигини билиш қийин эмас. Шунинг учун ҳам бугунги кунда ҳар бир мусулмонга Халифалик давлатини тиклаш йўлида ҳаракат қилиш шартдир.

Азиз биродарлар! Биз шундай даврда яшаяпмизки, бу кунлар ҳақида ва бундан кейин нима бўлиши борасида Пайғамбаримиз ﷺ шундай деганлар:

“…Сўнг, зулм-зўравонлик асосидаги подшоҳлик бўлади. У ҳам Аллоҳ бўлишини хоҳлаган пайтгача бўлади. Сўнг Аллоҳ уни кўтаришни хоҳлаган пайтда кўтаради. Кейин пайғамбарлик минҳожи асосидаги Халифалик бўлади. Сўнг сукут сақладилар”.

Ҳа, бу даврдан кейин пайғамбарлик минҳожи асосидаги Рошид Халифалик бўлади, иншаАллоҳ. Аммо бу давлат ўз-ўзидан ёки фаришталар томонидан тикланиб қолмайди. Бу давлатни Пайғамбаримиз ﷺ саҳобалар билан қай тариқа тиклаган бўлсалар, бугун ҳам худди шу йўл билан тикланади. Бугунги кунда ушбу тариқат асосида ҳаракат қилаётган жамоат бу – Ҳизб ут-Таҳрирдир. Ушбу жамоа аъзолари бу йўлда – Алҳамду лиллаҳ – туну-кун тиниб билмай ҳаракат қилмоқдалар. Ислом шариатини тўлиқ татбиқ қилувчи Халифалик давлатини тиклаш учун ҳаракат қилиш ҳар бир мусулмон зиммасида қолаётган экан, демак, ушбу жамоага ёрдам беришлари, қўллаб-қувватлашлари вожибдир.

Азиз биродарлар! Яна бир бор Ийд Қурбон байрамингиз муборак бўлсин! Ва Роббимиздан ушбу Рошид Халифалик давлати тикланишини тезда насиб этишини илтижо қилиб сўраймиз. Зеро, у хурсандлик кунлари Аллоҳнинг изни ила жуда яқиндир.

وَيَوْمَئِذٍ يَفْرَحُ الْمُؤْمِنُونَ ‎﴿٤﴾‏ بِنَصْرِ اللَّهِ ۚ يَنصُرُ مَن يَشَاءُ ۖ وَهُوَ الْعَزِيزُ الرَّحِيمُ

– “Ўша кунда мўминлар Аллоҳнинг нусрати сабабли шодланурлар. (Аллоҳ) Ўзи хоҳлаган кишини ғолиб қилур. У қудрат ва раҳм-шафқат эгасидир”. (Рум:4-5)

Аллоҳу Акбар, Аллоҳу Акбар, Аллоҳу Акбар, ла илаҳа илаллоҳу Аллоҳу Акбар, Аллоҳу Акбар ва лиллаҳил ҳамд…

Ҳизб ут-Таҳрир Ўзбекистон матбуот бўлими