Таъзия

Суданда даъватнинг биринчи қалдирғочларидан бири вафот этди

Аллоҳ Таоло айтади:

﴿وَلَنَبۡلُوَنَّكُم بِشَيۡءٖ مِّنَ ٱلۡخَوۡفِ وَٱلۡجُوعِ وَنَقۡصٖ مِّنَ ٱلۡأَمۡوَٰلِ وَٱلۡأَنفُسِ وَٱلثَّمَرَٰتِۗ وَبَشِّرِ ٱلصَّٰبِرِينَ * ٱلَّذِينَ إِذَآ أَصَٰبَتۡهُم مُّصِيبَةٞ قَالُوٓاْ إِنَّا لِلَّهِ وَإِنَّآ إِلَيۡهِ رَٰجِعُونَ * أُوْلَٰٓئِكَ عَلَيۡهِمۡ صَلَوَٰتٞ مِّن رَّبِّهِمۡ وَرَحۡمَةٞۖ وَأُوْلَٰٓئِكَ هُمُ ٱلۡمُهۡتَدُونَ﴾

«Ва албатта сизларни хавфу хатар, очлик, молу жон ва мева-чеваларни камайтириш каби нарсалар билан имтиҳон қиламиз. Бирор мусибат келганда: «Албатта биз Аллоҳнинг (бандаларимиз) ва албатта биз у зотга қайтгувчилармиз», дейдиган собирларга хушхабар беринг (эй Муҳаммад). Ана ўшаларга Парвардигорлари томонидан саловот (мағфират) ва раҳмат бордур. Ана ўшалар ҳақ йўлни топгувчилардир»                    [Бақара 155-157]

Ҳизб ут-Таҳрир – Судан вилояти Аллоҳ Таолонинг қазосига имон келтирган ҳолда Аллоҳнинг изни ила мағфират қилинган устоз Муҳаммад Нуриддин Ҳасан (Абу Нур)нинг Хартумдаги Калакла районида ҳижрий 1446 йил 10 робиулаввал, милодий 2024 йил 13 сентябр, жума куни вафот этганини чуқур қайғу ила хабар қилади.

Устоз Суданда ўтган асрнинг олтмишинчи йилларида Пайғамбарлик минҳожи асосидаги рошид Халифаликни барпо этиш орқали исломий ҳаётни қайта бошлаш даъватини илк кўтариб чиққан зотлардан бири бўлиб, бу йўлда тоғут Жаъфар Нимерий даврида унинг қамоқларига сабр қилди. Бироқ сўнгги пайтларда хасталик уни ўтқазиб қўйди. Аммо бетоблигига қарамай, устоз Ҳизб аъзолари билан боғланиб турди ва ҳеч бир жон қутулиб қололмайдиган ажал келгунига қадар шу ҳолатда турди.

Алий, Қодир, Раҳмон ва Раҳим Аллоҳдан устозни анбиёлар, сиддиқлар, шаҳидлар ва солиҳларга ҳамроҳ айлашини сўраймиз, уларга ҳамроҳ бўлмоқ нақадар бахт! Қабрини жаннат боғчаларидан бир боғчага айлантиришини ва барчамизга, аҳли-оиласига, қариндошларига ва даъватдаги қардошларига сабри жамил ва гўзал таъзия ато этишини тилаймиз.

Кўзлар ёшланур, қалблар доғланур, эй Абу Нур, сиздан ажралганимиз учун қайғудамиз ва Роббимиз рози бўлувчи

﴿إِنَّا لِلَّهِ وَإِنَّآ إِلَيۡهِ رَٰجِعُونَ﴾

«Албатта биз Аллоҳнинг (бандаларимиз) ва албатта биз у зотга қайтгувчилармиз»                                                                      [Бақара 156]

деган каломдан ўзгасини айтолмаймиз.

Ҳизб ут-Таҳрирнинг Судан вилоятидаги матбуот бўлими