بِسْمِ اللهِ الرَّحْمنِ الرَّحِيمِ 

Роя газетаси:

Ливиядаги низолашаётган қўғирчоқлар ўртасидаги курашга барҳам бериш учун уларнинг хўжайинлари пайини қирқмоқ лозим

Ҳижрий 1439 йил 24 муҳаррам, милодий 2017 йил 14 октябр шанба куни «Элаф» сайтида қуйидаги хабар нашр қилинди:

«Ливия делегацияси БМТ раҳнамолиги остида олиб борилаётган навбатдаги сессияда қатнашиш учун шанба куни Тунисга борди. Бунга Ливияни бошбошдоқликдан, хатарли сиёсий ва иқтисодий бўҳронлардан қутқаришга уриниш доирасида қарор қилинди.

Депутат Мабрук Хаттобий бир-бирига қарши жанг қилаётган томонлар, Марокашнинг Сухайрот (Схират) шаҳрида 2015 йил охирида имзоланган битимни якшанба кундан эътиборан қайта ишлаб чиқиш билан шуғулланадилар, деди.

Сухайрот битимидан келиб чиққан ва Файз Саррож етакчилик қилаётган миллий Вифоқ ҳукумати Ливиядаги консенсус (ижмо)га эришишга муваффақ бўлмади.

БМТнинг Ливиядаги махсус вакили Ғассон Саломанинг якшанба кунги анжумандан олдин шанба куни делегатлар билан алоҳида учрашиши белгиланган».

Роя газетаси шарҳи:

Ливиядаги кураш, АҚШ билан Европа – хусусан, Британия, маълум даражада Франция, бир оз Италия – ўртасидаги курашдир. Гарчи маҳаллий қўғирчоқлардан фойдаланилаётган бўлса-да, лекин аслида, у ерда давлатлараро кураш-талаш кетмоқда. Шунинг учун то мана шу давлатларнинг Ливияга чўзаётган мустамлакачилик қўллари қирқиб ташланмас экан ҳамда шу давлатларга малайлик қилаётган арзонгаров маҳаллий қўғирчоқлар ағдарилмас экан, у ерда ҳаргиз барқарорлик бўлмайди. Чунки бу қўғирчоқлар сотилишяпти, сотиб олинишяпти, мустамлакачиларнинг Ливия ишига аралашишига замин яратишяпти, уларга хизмат қилишяпти, уларнинг вакили сифатида жанг қилишяпти!

Шунинг учун онгли холис мусулмонлар бундай ажнабий аралашувнинг ҳар қандай турини барбод этишга, юртдан, хоҳ европалик бўлсин, хоҳ америкалик, барча мустамлакачиларни қувиб чиқаришга, уларнинг ечимларию, лойиҳаларини улоқтириб ташлашга жиддий бел боғлашлари зарур, бунинг муқобилида, ҳокимиятни олиб, Аллоҳнинг бошқарувини барпо этмоқлари лозим. Бизнинг Ливия аҳлида ҳамон яхшилик борлигига ишончимиз комил. Чунки ушбу Қуръони Каримни ёд олган ҳофизлар юртида ҳақиқий ростгўй эр кишилар кўп. Аллоҳнинг изни ила, улар Ислом ва унинг аҳлини ёмон кўрувчи анавиларнинг режаю лойиҳаларини чиппакка чиқаришга қодирдирлар, чунки қудрати улуғ Аллоҳ Ўзига ёрдам берганларга албатта нусрат-ёрдам берувчидир:

يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ* وَالَّذِينَ كَفَرُوا فَتَعْساً لَّهُمْ وَأَضَلَّ أَعْمَالَهُمْ r

«Эй мўминлар, агар сизлар Аллоҳга ёрдам берсангизлар, У ҳам сизларга нусрат-ёрдам берур ва жанг майдонида қадамларингизни собит-барқарор қилур. Кофир бўлган кимсалар учун эса ҳалокат бўлур ва (Аллоҳ) уларнинг амалларини зое кетказур»                                                                                [Муҳаммад 7-8]

Роя газетасининг 2017 йил 18 октябр чоршанба кунги 152-сонидан