Матбуот баёноти

Эй армия қўмондонлари!

Сизнинг вазифангиз номусларни ва муқаддас нарсаларни мудофаа қилишдир

2024 йил 16 октябр куни «Nabd.com» веб-сайти қуйидагиларни хабар қилди: «Суверен кенгаш аъзоси, Қуролли кучлар бош қўмондони ёрдамчиси генерал-лейтенант Ёсир Ато чоршанба куни Тезкор қўллаб-қувватлаш кучлари жангарилари томонидан содир этилаётган қўпорувчилик ҳаракатларидан қутқариш учун эвакуация қилинган Тути аҳолиси жойлаштирилган бошпана марказини зиёрат қилди. Ато аҳолига бундай баёнот берди: «Биз бутун оламга шуни билдириб қўймоқчимизки, вояга етмаган қизлар Жанжавид жангариларига мажбуран турмушга берилмоқда. Бутун дунё билиб қўйсин, бугун Судан қизлари Дарфур ва Африканинг бошқа минтақаларида қул сифатида сотилмоқда. Шунинг учун биз Судан аёлларининг ҳуқуқларини ҳимоя қилиш йўлида Жанжавид жангариларига қарши охирги томчи қонимизгача курашамиз». У Судан халқининг мунтазам равишда геноцид, талон-торож ва инсон ҳуқуқлари бузилишига дучор бўлаётганини урғулади.

Биз Ҳизб ут-Таҳрир – Судан вилояти матбуот бўлими аёллар қисми қуролли кучлар бош қўмондони ёрдамчисининг бу баёноти қаршисида қуйидагиларни таъкидлаймиз:

«Ҳақиқатда, бутун олам сиз Судан армияси қўмондонларининг ҳукмронлиги вақтида кўп нарсага гувоҳ бўляпти, жумладан, барча муқаддас нарсалар поймол қилинганда сиз қўл қовуштириб кузатиб турибсиз ва ўз истеҳкомингиздан секингина чекиняпсиз ҳамда гоҳ хоинлик ҳақида гап сотиб, гоҳ мағлубият жавобгарлигини бечора халққа юклаяпсиз! Хўш, куч-қудратга эга бўлган инсон фақат сўз билан таскин бериб, душманининг қилмишини фош қиладими ёки Тезкор қўллаб-қувватлаш кучлари содир этаётган жирканч жиноятларга ҳақиқий жавоб қайтарадими?! Сизнинг ягона ташвишингиз пропаганда ва антипропаганда қилишми? Ҳар сафар Тезкор қўллаб-қувватлаш кучлари жиноят содир этганда, сиз инсон ҳуқуқлари бўйича келишувлар ҳақида гапирасиз ва бизга қарши тил бириктирган Ғарбни ўз келишувларини бузганликда айблайсиз. Аммо анави қотил босқинчилар содир этган қонунбузарлик ва жиноятлардан жабр кўрган бечораларни ҳимоя қилишга бирор жиддий чора кўрмайсиз! Сиз қандай қўмондонсиз, ўзи?!

Сиз Судан армияси қўмондонлари зиммангиздаги бурчингиздан воз кечдингиз, ваҳоланки, тупроқни ва номусни мудофаа қилишга қасамёд қилгансиз. Бурчингизга бепарво бўлганингиз Тути, Хартум, Жазира, Жанина ва бошқа жабр кўрган минтақалар аҳолиси бошига шунча фалокатлар тушишига сабаб бўлди. Сиз Америка манфаатлари учун бошлаган прокси урушингизда Судан халқига хиёнат қилдингиз ва Судан халқига қарши фитнанинг бир қисмига айландингиз.

Росулуллоҳ ﷺнинг замоналарида яҳудий кимса муслима аёлга тажовуз қилган пайтда, бир мусулмон киши ўша аёлнинг номусини ҳимоя қилиб, яҳудийни ўлдирган эди. Сўнг, бошқа яҳудийлар келиб, уни ўлдиришади… Ана шунда давлатнинг раҳбари ва Умматнинг Пайғамбари ﷺ томонидан бу жиноятга жавоб қайтарилиб, Бани Қайнуқо яҳудийлари Мадинадан сургун қилинади. Халифа Мўътасим даврида битта муслима аёлнинг тажовузга учрашиши ўша Амурия районини фатҳ этилишига сабаб бўлган. Ҳажжод Ироқ волийси бўлиб турган пайтда муслима аёлларга қилинган ҳужум ва уларнинг баъзилари асирга олиниши Синд ва Ҳиндистоннинг фатҳ этилишига сабаб бўлган. Ислом ўз ақидаси билан Уммат қўмондонларини тинимсиз ҳаракатлантириб турган замонда муслима аёлларнинг шаънига зиён етказишни ўйлаган ҳар бир кишига шундай жавоб берилган.

Ерни титратувчи жавоб шундай бўлади, шикоят қилиш, дод-вой солиш ва гувоҳлик келтириш билан бўлмайди. Бутун дунё Тезкор қўллаб-қувватлаш кучлари қўмондонларидан олдин ҳарбий раҳбарларни қораламоқда!

Халифалик давлати, шубҳасиз, мусулмон ва муслималарнинг мудофаачисидир. Чунки унинг раҳбарлари Аллоҳ Субҳанаҳу ва Таолонинг олдидаги жавобгарликдан қўрқадилар. Зеро, бу жавобгарлик уларга фуқаро номуси йўлида ҳалок бўлишни буюрган. Мустамлакачи кофир Халифаликни ағдариб, ўрнига кичик-кичик функционал Сайкс-Пико давлатларини ўрнатгач, бу давлатлар раҳбарлари кофир Ғарбнинг инсон ҳуқуқларини ҳимоя қилиш каби тушунчаларига амал қилишди ва айни мудофаадан воз кечишди. Шунингдек, оммавий ахборот воситалари орқали бир-бирларининг мазкур шартнома ва конвенцияларни бузганликда айблашда ким ўзар ўйнайдиган бўлишди. Ҳолбуки, бу шартнома ва конвенциялар мусулмонларнинг жонлари ва номуслари олдида сариқ чақалик қадри йўқ. Аксинча, улар юртлар ва фуқаролар устидан ҳукмронлик қилиш учун ухлатувчи шиорлардан бошқа нарса эмас. Бас, агар Судан армияси раҳбарлари Роббул оламин томонидан зиммаларига юкланган ўз вазифаларига қайтмайдиган бўлсалар, ўз халқларига қарши бўлаётган тил бириктирувнинг асосий марказида қолаверадилар, сўнг Роббиларига йўлиқадилар.

﴿وَسَيَعۡلَمُ ٱلَّذِينَ ظَلَمُوٓاْ أَيَّ مُنقَلَبٖ يَنقَلِبُونَ﴾

«Золим кимсалар қандай оқибатга қараб кетаётганларини яқинда билиб олурлар»     [Шуаро 227]

Ҳизб ут-Таҳрирнинг Судан вилоятидаги расмий нотиқаси – аёллар қисми