بِسْمِ اللهِ الرَّحْمٰنِ الرَّحِيمِ

Ғазонинг ҳаққи «Ғазо учун белгиланган ғазаб куни»дан каттароқдир

Эй дунёнинг ҳар еридаги мусулмонлар!

Сизнинг кўчаларга чиқиб, юришлар ўтказиб, иш ташлаш ва фуқаролик исёнга чақиришларингиздан Ғазо ва унинг оғриқларини унутмаганингиз, воқеликка кўникмаганингиз, душман кундан-кунга ваҳшийлашиб бораётган ҳаётда яшашга ҳаргиз рози бўлмаганингиз, ҳукмдорларнинг Ғазо аҳлини ёрдамсиз қолдириш даражасидан ҳам ошиб ўтиб, уларга қарши жиноятга тил бириктириш ва унда иштирок этиш даражасига етганини асло қабул қилмаганингиз кўриниб турибди. Дарҳақиқат, ўзининг биродарларидан атиги бир чақирим наридаги Ғазо, яшаш учун ҳеч бир жой қолдирмаган қирғин билан қамал ўртасида қолди.

Эй кўчаларга чиққан ғазабнок мусулмонлар!

Ғазонинг зиммангиздаги ҳаққи фақат намойишлар ёки иш ташлашлар ўтказишдан каттароқдир. Фақат қоралашдан ва тажовузнинг тўхтатилишини талаб қилишдан, шунингдек, қамални даф қилиб, озиқ-овқат, дори-дармон ва кафанларни киритишдан ҳам каттароқдир.

Ғазонинг устингиздаги ҳаққи улардан душманни даф қилиш, уларга узатилган гуноҳкор қўлларни кесиб ташлаш ва мусулмон ўлкаларидан ўтган геноциднинг таъминот линияларини узиб ташлашдан иборат. Ғазонинг Аллоҳ сиздан рози бўладиган ҳаққи қўшинларингизни озодлик сари холис мужоҳидлардек ҳаракатлантиришдан иборат. Ғазонинг зиммангиздаги ҳаққи сиз то армиялар казармаларини бузиб чиққанини ва Ақсо масжиди томон ҳаракатга келиб, уни озод этиш учун Аллоҳни зикр қилган ҳолда артиллериялари ва самолётлари ёрдамида душман истеҳкомини тор-мор қилганини ўз кўзингиз билан кўрмагунча тўхтамаслигингиздан иборат.

Ғазо аҳлининг устингиздаги ҳаққи анави тил бириктирувчи хоин режимларни ағдармагунча қайтмаслигингиздан иборат. Зеро, бу режимлар яҳудийларга биродарларингизни ўлдиришда ёрдам бериб, ўз ҳаво ҳудудларини яҳудийларнинг Шом ва Яманга қарши тажовузи учун очиб беришяпти. Анави жинояткор ҳукмдорлар қўшинларингизни Аллоҳ йўлида жиҳод қилишдан тўсиб, ўз биродарларига ёрдам беришларига ва биринчи қиблаларини озод этишларига йўл беришмаяпти. Илгари бу ҳукмдорлар сизларни қўрқув ва очликда ушлаб туриб, диёрларингизни душманга ҳалол қилиб беришган ҳамда дин ва дунёнгиз борасида сизга қарши уруш қилиб келишган эди.

Ғазонинг зиммангиздаги ҳаққи Фаластинни озод қилишдан бошқа ҳар қандай ечимга рози бўлмаслигингиз, малай ҳукмдорларнинг барча хиёнат ташаббуслари ва таклифларини рад қилишингиз, Аллоҳнинг ғазабига учраган яҳудий вужудини илдизи билан қўпориб ташлайдиган ҳақиқий ёрдамга ва Аллоҳнинг йўлидаги жиҳодга чақиришингиздан иборат.

Исломий Уммат аскарлари Ақсо масжиди саҳнига такбирлар остида кириши учун Ғазо сизларга нидо қилмоқда. Зеро, Ғазода тўкилаётган қонлар жавобгарлигидан қутулишнинг бундан бошқа йўли йўқ. Агар шу йўлдан юрсангиз, Аллоҳнинг нусратига ноил бўлган аскарларига айланасиз. Аллоҳ Таоло айтади:

﴿فَلۡيُقَٰتِلۡ فِي سَبِيلِ ٱللَّهِ ٱلَّذِينَ يَشۡرُونَ ٱلۡحَيَوٰةَ ٱلدُّنۡيَا بِٱلۡأٓخِرَةِۚ وَمَن يُقَٰتِلۡ فِي سَبِيلِ ٱللَّهِ فَيُقۡتَلۡ أَوۡيَغۡلِبۡ فَسَوۡفَ نُؤۡتِيهِ أَجۡرًا عَظِيمٗا * وَمَا لَكُمۡ لَا تُقَٰتِلُونَ فِي سَبِيلِ ٱللَّهِ وَٱلۡمُسۡتَضۡعَفِينَ مِنَ ٱلرِّجَالِ وَٱلنِّسَآءِ وَٱلۡوِلۡدَٰنِ ٱلَّذِينَ يَقُولُونَ رَبَّنَآ أَخۡرِجۡنَا مِنۡ هَٰذِهِ ٱلۡقَرۡيَةِ ٱلظَّالِمِ أَهۡلُهَا وَٱجۡعَل لَّنَا مِن لَّدُنكَ وَلِيّٗا وَٱجۡعَل لَّنَا مِن لَّدُنكَ نَصِيرًا * ٱلَّذِينَ ءَامَنُواْ يُقَٰتِلُونَ فِي سَبِيلِ ٱللَّهِۖ وَٱلَّذِينَ كَفَرُواْ يُقَٰتِلُونَ فِي سَبِيلِ ٱلطَّٰغُوتِ فَقَٰتِلُوٓاْ أَوۡلِيَآءَ ٱلشَّيۡطَٰنِۖ إِنَّ كَيۡدَ ٱلشَّيۡطَٰنِ كَانَ ضَعِيفًا﴾

«Аллоҳ йўлида бу ҳаёти дунё эвазига охиратни сотиб оладиган зотлар жанг қилсинлар. Ким Аллоҳ йўлида жанг қилиб ўлдирилса ёки ғалаба қилса, унга улуғ мукофот ато этажакмиз. (Эй мўминлар), сизларга нима бўлдики, Аллоҳ йўлида ва «Парвардигоро, бизни эгалари золим бўлган бу шаҳардан озод қил ва бизга ўз ҳузурингдан бир дўст бергин, бизга ўз ҳузурингдан бир ёрдам берувчи қилгин», деяётган эркаклар, аёллар ҳамда болалардан иборат бўлган бечоралар(ни озод қилиш) йўлида жанг қилмаяпсизлар?! Иймон эгалари Аллоҳ йўлида жанг қиладилар, кофир кимсалар эса шайтон йўлида жанг қиладилар. Бас, шайтоннинг дўстларига қарши жанг қилингиз! Шубҳасиз, шайтоннинг макри заиф бўлгувчидир»                                                                    [Нисо 74-76]

Ҳизб ут-Таҳрир                                                                 9 шаввол 1446ҳ

Муборак Фаластин замини                                           7 апрел 2025м