بِسْمِ اللهِ الرَّحْمٰنِ الرَّحِيمِ

АҚШ Суданда ҳарбийларни қўллаб-қувватловчи фуқаровий коалиция тузди

Хартум, Судан Трибьюн веб-сайти (ҳижрий 1444 йил 6 робиуссоний, милодий 2022 йил 31 октябр душанба кунги) хабарида айтилишича, Миллий Келишув кучлари бош котиби Муборак Ардол душанба куни бир қатор сиёсий кучларни ўз ичига олувчи «Озодлик ва Ўзгариш демократик кучлари блоги» номли янги сиёсий коалиция тузилганини билдирган.

Роя:

Ўз навбатида, Ҳизб ут-Таҳрирнинг Судандаги расмий нотиғи устоз Иброҳим Усмон (Абу Халил) ушбу воқеага изоҳ сифатида Ҳизб ут-Таҳрир марказий матбуот бўлимига бундай деди:

«Инқоз ҳукумати ағдарилгандан буён Европа билан АҚШ ўртасида Судан ҳокимияти учун кураш тўхтамаяпти. Ваҳоланки, курашда 2019 йил 11 апрелдан бугунга қадар ҳокимиятни Америкага тобе ҳарбийлар назорат қилиб келмоқда. Шу давр мобайнида ҳокимиятнинг бир қисми Европага, хусусан Британияга тобе фуқаровий бошқарувга берилди. Бу бошқарув ҳокимиятни тўлиқ берилишини, шу жумладан армия структураси ҳам берилишини талаб қилиш билан қизил чизиқдан ошиб кетиб қолди… Ана шунда, Бурҳон Американинг очиқ келишуви билан инқилоб қилиб, энг заиф ҳолатга келиб қолган ушбу ноқис ҳокимиятни ҳам улардан бутунлай тортиб олди…

Кейин фуқаровий бошқарув ичига ихтилоф сизиб кериб, бу нарса уни аввалги заифлигига қўшимча янада заифлаштирди. Сўнг Фолькернинг Британия одамлари позициясини кучайтириш уринишлари бошланди… Шунда Америка Африка Иттифоқи, «IGAD» (Ривожланиш бўйича Ҳукуматлараро Орган) каби ўзининг барча минтақавий малайларини аралаштириш билан Фолькерни қуршаб олди ва унинг якка ўзи эгалик қилмаслиги учун «учлик» ташкилотини тузди. Кейин Америка етакчилигида Британия, Саудия ва Амирликлар дохил «тўртлик» тузилди ва Америка билан унинг одамларининг Судандаги ҳақиқий кучини сақлаб қилишга қаратилган келишув амалга оширилди. Зеро, Британия Суданда ҳокимиятни Америка қўлидан тортиб олишга ёлғиз ўзи қодир бўлолмаслигини англади. Америка Бурҳонга жорий йилнинг июл ойида армияни сиёсатдан чиқариш ва фуқаровий бошқарув вакилларини келишиб олишларига ташлаб қўйиш ҳақида кўрсатма берди. Америка биладики, уларнинг хўжайинлари бошқа-бошқа бўлгани учун улар асло келиша олмайдилар. Шунинг учун Америка ўзининг баъзи одамлари орқали фуқаролик бошқаруви вакиллари орасидан армияни қўллаб-қувватловчиларни топишга киришди. Муборак Ардолнинг янги коалиция ҳақидаги эълони шу нуқтаи назардан янграмоқда. Айниқса, шу кунларда фақат Миллий Конгрессни истисно қилувчи битим ва келишувлар яқинлашиб келаётгани тўғрисида гапирилаётган экан, унинг таркибида Америкага хизмат қилувчи фигуралар бўлади».

Абу Халил ўз изоҳини қуйидаги сўзлар билан якунлади:

«Аниқки, Суданда бўлаётган ишлар, хоҳ келишувга оид бўлсин ва ё бошқасига оид бўлсин бундан қатъий назар, юртга ҳаргиз яхшилик келтирмайди. Судан аҳли узоқ йиллар мобайнида Британиянинг одамлари ҳам, Американинг одамлари ҳам – юртлари катта бойликларга эга бўлишига қарамай – қашшоқлик ва ўзаро курашлардан бошқа нарса олиб келмаганини ўз тажрибаларида гувоҳ бўлганлар. Бас, Пайғамбарлик минҳожи асосидаги иккинчи рошид Халифалик давлати барпо бўлмагунича, Судан дохил барча мусулмон юртлари учун тўғри ечим бўлмайди. Ушбу давлатимизгина мустамлакачи кофир Европа ва Американинг юртларимиздаги думини қирқиб ташлаб, Роббул оламиннинг аҳкомларини татбиқ қилади, шу билан инсонлар унинг соясида хавфсизлик, тинчлик ва фаровон ҳаётга етишадилар».

Роя газетасининг 2022 йил 9 ноябр чоршанба кунги 416-сонидан