بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Сиёсий онг Ғарб ва унинг қўғирчоқлари тил бириктируви ва макрларидан сақлайдиган қалқондир

Ҳижрий 1438 йил 15 шаввол, милодий 2017 йил 9 июл якшанба куни «Жаридатукал Явм» сайтида қуйидаги хабар нарш қилинди:

«Кеча америкалик генерал Роберт Софгиннинг айтишича, Ироқ режими «ИШИД» ташкилоти қўлидан Мосул шаҳрини қайтариб олиш жангида тўла ғалаба қозонганини «яқин вақт ичида» эълон қилади. Генерал «France-Presse» агентлигига «Ғалаба эълонига жуда оз вақт қолди, буни бугун-эрта содир бўлади, деб башорат қилмоқчи эмасман-у, аммо жуда яқин вақт ичида албатта содир бўлишига аминман», деди.

«ИШИД» ташкилоти жангарилари ўзларининг эски Мосул шаҳридаги маконларидан Дижла дарёси бўйлаб қочишга уринишди, бироқ ироқлик кучлар қўлида ҳалок бўлишди, деди кеча бир ҳарбий масъул.

Ироқ гувоҳи бўлаётган «Мосулни қайтариб олиш» номли энг катта ҳарбий амалиёт бошланганига 9 ой бўлгач, «ИШИД» ташкилоти эски шаҳардаги Майдон минтақасида кичик масофа ичида қамалда қолди. Ҳолбуки, у 2014 йилдан бери юртнинг жуда катта қисмини ўз назоратида ушлаб келаётган эди.

Кечадан олдинги куни Ироқ расмий телевидениеси бир ҳарбий воиз билан боғланиб, унинг «ИШИД» ташкилотининг мудофаа чизиғи барбод бўлди, деган сўзларини олиб берганди. Унда телевидение диктори, Мосулда Дижла дарёси бўйидаги қадимий шаҳарда экстремистик ташкилотга қарши курашувчи хавфсизлик кучлари орасида ишлаётган мухбир билан уланиб, унинг ушбу сўзларини олиб берди: «Жангнинг охирига етиб келишга бир неча метр қолди, холос… Якуний ғалабани эълон қилишимизга бир неча соат қолди».

Мосул тортиб олингач, «ИШИД» ташкилоти назоратидаги ерлар бир мунча қисқаради. Асосан, Мосул ғарби ва жанубидаги минглаб аҳоли истиқомат қиладиган қишлоқ ва саҳро минтақаларига чекланиб қолади».

Роя газетаси шарҳи:

Давлат ташкилоти бугунги кунда улкан ва кетма-кет мағлубиятларга учраб, катта инсоний ва молиявий талофатларни кўрди. Бу ташкилот ўзи босиб олган ерлардан қувилиб, катта ҳажмдаги ерларни зўравонлик билан назоратида ушлаб келганидан сўнг, энди бир неча юз метрли ерларга тўпланиб қолди… Шундай ишлардан сўнг, энди бу ташкилотга алданиб-фитналаниб қолган, жадал ва айниқса, кутилмаган ғалабаларига қойил қолган мусулмонлар, хусусан шу ташкилот қўмондонлари ва аскарларининг ўзлари ҳам, барчалари бир фикрлаб кўрсинлар: Бу ташкилот жуда осон ғалабаларга эришди, шу орқали 2014 йилда Мосул шаҳрини тўла қўлга киритди, қарангки, у ердаги 50.000 ироқлик аскар мингта ҳам келмайдиган, бир неча юз нафар ИШИДчи жангарилар олдида шаҳарни ташлаб чиқиб кетди. Ҳатто ҳеч қандай жангсиз ва тўқнашувсиз чиқиб кетишди. Улар Американинг тонна-тонна ривожланган қирғинбарот қуролларини ташлаб кетишди. Ҳарбий техникалари ҳам қолди… Ҳатто бу ишлардан Моликийнинг ўз аскарларини шаҳардан чиқиб кетишга буйруқ бергани ҳам маълум бўлиб қолди. Нега бундай бўлди? Гап шундаки, Моликий хўжайини Американинг буйруғини бажарди. Бу билан унинг манфаатларини рўёбга чиқариб, ифлос мақсадларига хизмат қилди. Мана, бугунга келиб, Америка Ислом ва унинг аҳкомлари номини булғаш, Халифалик тузумини ёмонотлиқ қилиш учун олиб борган ишларидан кифоялангач, ҳукм юритиш ва малайлик қилишда ўша Моликийдан қолишмайдиган Ибодийнинг ушбу «ўйин»ни тамомлашига буйруқ берди. Чунки АҚШнинг мақсади амалга ошди. Энди бу ташкилот ҳукмронлигига чек қўйиш ва аскарларини саҳроларга қувиб солиш вақти келди. Уларни мусулмонларни кофирга чиқариб, уларга қарши ақлсизларча ва сиёсий онгсизлик билан содир этган зўравонликларидан фойдаланиб бўлинди…

Хўш, Давлат ташкилоти буларни англаб етармикин? Эртага яна Американинг нопок сиёсатини ижро этиш, ярамас манфаатларини рўёбга чиқариш учун хизмат қилишдан энди ўзларини сақлармикинлар? Аллоҳ Таолодан мана шу нарсани сўраб қоламиз.

Роя газетасининг 2017 йил 19 июл чоршанба кунги 139-сонидан