Матбуот баёноти

Яҳудий вужуди билан газ битимини тузиш ўғирланган бойликларимиз учун пул тўлаш ва тажовузкор босқинчи душманимизни қўллаб-қувватлашдир

Навбатдаги бу ҳолат Миср режимининг нақадар таназзул ва мутелик ботқоғига ботганини яққол намоён этмоқда. У яқинда яҳудий вужуди билан Фаластиннинг босиб олинган ҳудудларида жойлашган «Левиафан» газ конидан табиий газ импорт қилиш ҳақида йирик битим имзоланганини маълум қилди. Қиймати тахминан 35 миллиард доллар бўлган ва 2040 йилгача амал қиладиган ушбу келишувда яҳудий вужудининг Мисрга қарийб 130 миллиард куб метр газ етказиб бериши қайд этилган. Мазкур газ Мисрнинг ички бозор эҳтиёжларини қондириш, шунингдек, мамлакатдаги суюлтириш станциялари орқали қайта экспорт қилиш учун ишлатилади. Битим расман «энергетика хавфсизлигини мустаҳкамлаш» сифатида тарғиб этилган бўлса-да, аслида у – Умматга қилинган очиқ хиёнат, унинг бойликларини ҳаддан ташқари исроф ва талон-торож қилиш, шу билан бирга тажовузкор душман ва унинг танг аҳволдаги иқтисодиётини қўллаб-қувватлаш демакдир.

Яҳудий вужуди иқтисодий ва сиёсий инқироз гирдобида қийналаётган бир пайтда, ушбу битим унга ҳақиқий молиявий ва стратегик қутқарув чамбараги бўлиб хизмат қилади. Зеро, у ҳар йили миллиардлаб доллар даромад келтиради, ишончли экспорт ҳамкори билан таъминлайди ва минтақадаги энергия бозорида ўзини марказий ўйинчи сифатида мустаҳкам жойлаштириш имконини беради. Эвазига эса Миср халқи янада чуқурроқ қарз ботқоғига, хорликка ва қашшоқликка ботади. Чунки бу битим уларга қарз, солиқ ва нарх ошишидан бошқа ҳеч нарса бермайди. Ахир шундоқ ҳам бу азиз халқ электр ва газ танқислиги ҳамда ҳаёт қимматчилиги оғирлиги остида азият чекмоқда.

Бу битимга назар ташлаган киши чуқур таҳлилга эҳтиёж сезмайди, ундаги хавфли зиддият дарров кўзга ташланади: Миср, мусулмон юрт бўла туриб, муборак заминни босиб олган вужуддан газ харид қилмоқда! Бундан ҳам даҳшатлиси шундаки, «Левиафан» ва бошқа газ конларида яҳудий вужудининг ҳеч қандай ҳаққи йўқ эди. Чунки бу манбалар унга 2018 йилда Миср режими имзолаган ноқонуний денгиз чегараларини белгилаш келишувлари орқали берилди. Ушбу келишувлар орқали Миср Умматнинг иқтисодий сув ҳудудидаги ҳаққидан воз кечиб, бу билан жиноятда тўлиқ шерик эканини очиқдан-очиқ намоён қилди.

Миср режими бу битимни гўё иқтисодий ютуқдек тарғиб қилмоқда. Ҳолбуки, аслида у босқинчи душманга бўйсуниш, унга таслим бўлиш ва иқтисодий жиҳатдан унинг тузоғига илинишдир. Бу битим Миср режими яҳудий вужуди, Кипр ва Греция билан тузган денгиз чегараларини белгилаш тўғрисидаги келишувларнинг бевосита маҳсулидир. Ушбу келишувлар орқали режим Умматнинг иқтисодий сув ҳудудларининг катта қисмидан яҳудийлар манфаати йўлида воз кечди. Шариат ҳукмига кўра, бу келишувлар мутлақо ботилдир. Зеро улар яҳудийлар учун ер, сув ва бойликдан воз кечиш ҳамда уларнинг вужудини очиқ ва расман эътироф этишни англатади.

Бу газ битими Миср режими томонидан муборак замин ва унинг аҳлига нисбатан амалга оширилган хиёнатлар, шунингдек, босқинчи вужуд билан қилинаётган ҳамкорликлар рўйхатига қўшилган яна бир оғир жиноятдир.

Эй Кинона аскарлари! Ҳушёр бўлинглар! Тарих сизни Уммат ўз замонасида кўрган энг улкан хиёнатга ёлғон гувоҳлик берганлар сифатида ёзиб қўймасин! Ҳушёр бўлинглар! Аллоҳ Таоло ҳар бирингизни – кўтармаган қуролингиз, чиқармаган овозингиз ва кўз олдиларингизда бўғизланаётган, аммо ёрдам бермаганингиз Уммат ҳақида – алоҳида сўроқ қилади. Унутманглар, ҳисоб соати албатта келади. Аллоҳни шиорлар билан алдаш мумкин эмас, ном ва унвонлар уни ҳеч қачон чалғита олмайди. Сел кўпигидек ўткинчи ва таъсирсиз бўлманглар! Динни орқадан ханжарлаётган ботилнинг посбонларига айланманглар. Акс ҳолда, улар сизнинг устингизда ёлғон байроқларини кўтариб чиқадилар. Биз Аллоҳдан сизларни ҳақ йўлга бошлашини ва унга эргашишни насиб этишини сўраймиз.

﴿يَٰٓأَيُّهَا ٱلَّذِينَ ءَامَنُواْ لَا تَتَّخِذُواْ ٱلۡيَهُودَ وَٱلنَّصَٰرَىٰٓ أَوۡلِيَآءَۘ بَعۡضُهُمۡ أَوۡلِيَآءُ بَعۡضٖۚ وَمَن يَتَوَلَّهُم مِّنكُمۡ فَإِنَّهُۥ مِنۡهُمۡۗ إِنَّ ٱللَّهَ لَا يَهۡدِي ٱلۡقَوۡمَ ٱلظَّٰلِمِينَ﴾

«Эй мўминлар, яҳудийлар ва насронийларни дўст тутмангиз! Уларнинг баъзилари баъзиларига дўстдирлар. Сизлардан ким уларни дўст тутса, бас, у ўшалардандир. Албатта, Аллоҳ золим қавмни ҳидоят қилмас»  [Моида 51]

Ҳизб ут-Таҳрирнинг Миср вилоятидаги матбуот бўлими