بسم الله الرحمن الرحيم 

Роя газетаси:

Ливия ҳукумати Америка ҳужумларини суверенитетни бузиш дея ҳисобламоқда

Халқаро миқёсда тан олинган Ливия ҳукумати шанба куни Триполи яқинидаги Сабрата шаҳрида ИШИД ташкилоти қароргоҳига қилинган Америка ҳужумларини қоралади. Ҳукуматга кўра, у билан мувофиқлашмаган ҳолда амалга оширилган ушбу ҳужум Ливия суверенитетини «қўпол равишда бузиш» ҳисобланади.

Ҳукумат ўзининг Фейсбук саҳифасида нашр қилган баёнотида билдиришича, у «АҚШ ҳаво кучларининг Сабрата шаҳридаги муайян объектларга қилган ҳаво ҳужумларидан норози ва уларни қоралайди». Бу шаҳар пойтахт ғарбидан 70 км. узоқликда жойлашган.

Ўз қароргоҳини Ливия шарқидаги Байзо шаҳрида жойлаштирган ушбу ҳукуматнинг таъкидлашича, Америка бу қадамини у билан «мувофиқлашмаган ёки маслаҳатлашмаган ҳолда» ташлаган. Ҳукуматга кўра, «бу каби ҳар қандай мудохала Ливия давлати суверенитетини ҳам, халқаро конвенцияларни ҳам очиқ-ойдин ва қўпол тарзда бузиш» ҳисобланади.

Ушбу ҳукуматга тарафдор бўлган кучлар Ливия шарқидаги аксар шаҳарларни назорат қилиб келмоқда. Бироқ юрт ғарбидаги шаҳарларни эса, шу жумладан, Сабрата билан пойтахт Триполини бир йил, бир ярим йилдан бери «Фажри Ливия», номи остидаги қуролли жамоалар коалицияси назорат қилади.

Жума куни Сабрата марказидан 8 км. узоқликдаги ИШИД ташкилоти қароргоҳи нишонга олинган Америка ҳаво зарбаларида 49 нафар одам ҳалок бўлди. Ҳалок бўлганлар орасида ўтган йилнинг ноябр ойида ўғирлаб кетилган икки нафар серб фуқаролари ҳам бор. (Франс 24).

Роя газетаси шарҳи:

Америка барча қонунни оёқ ости қилиб, ҳеч бир қадриятни эътиборга олмай, фақат ўзининг мустамлакачилик манфаатларини ўйлаб ҳаракат қиляпти. Унинг ушбу агрессив ҳаракатлари кучайишига исломий юртлардаги малай ҳукмдорлар сабабчидир. Чунки улар Америкага қарши туришга ботинишолмайди.

Ливия ҳукумати баёнотига келсак, бу қўрқоқ ҳукумат ушбу ҳаво ҳужумини Ислом ва мусулмонларга қарши душман давлатнинг мутлақ рад этиладиган ҳужуми, деб ҳисобламаяпти. Балки ўзи билан аввалдан мувофиқлашилмаган ҳолда содир этилгани учун рад этиб, қоралаяпти… Шу тариқа ўзининг Ислом ва мусулмонлар душманлари билан мувофиқлашишга тайёр эканини кўрсатиб қўймоқда.

Роя газетасининг 2016 йил 24 феврал чоршанба кунги 66-сонидан