Роя газетаси:

Покистон ҳукмдорлари Америка маъмуриятидаги мулозимлардек иш тутишмоқда!!!

Покистон Америкага Ҳиндистон ҳаво базасига қилинган ҳужумнинг «ҳақиқатини» аниқлашга ваъда бермоқда

Покистон бош вазири Навоз Шариф Америка ташқи ишлар вазири Жон Керрига ўтган ҳафта Ҳиндистон ҳаво базасига қилинган ҳужум ортида ким турганига оид тезкор тергов-суриштирув ишлари Покистон томонидан олиб борилаётганини, яқин орада бунинг ҳақиқати аён бўлишини маълум қилди.

Кеча кечқурун Шариф идораси чиқарган баёнотга кўра, телефон орқали бўлган мулоқотда Керри – бу ҳужумнинг «регионал хавфсизликка манфаат келтиради», дея баҳоланган сўзлашувларга путур етказмаслигидан умидвор эканини билдирди. Шариф ҳам бундай деди: «Биз Керрига айтдик, шаффоф тарзда тергов олиб боряпмиз. Яқинда ҳақиқатга эришамиз. (…). Бутун дунё бизнинг бу борадаги қобилиятимиз ва холислигимизга гувоҳ бўлади».

Покистон ҳудуди яқинидаги базага қилинган ҳужум ҳар икки давлатнинг ташқи ишлар вазирлари ўртасида январ ойида ўтказилиши белгиланган дипломатик сўзлашувларни шубҳа остига қўйди. Бироқ жорий ойнинг иккинчи кунида олти нафар жангари томонидан базага ҳужум қилиниб, етти нафар хавфсизлик ходими ўлдирилганидан кейин учрашувнинг ўз кучида қолган ёки қолмагани очиқланмади. (Ҳаёт газетаси).

Роя газетасининг 2016 йил 13 январ чоршанба кунги 60-сонидан

0

0

Related posts:

Раҳил-Навоз режимининг заиф реакцияси Ҳиндистоннинг назорат чизиғига ҳужум қилишига сабаб бўлди Америка сиёсати ҳомийлигидаги Ҳиндистон билан Покистон ўртасидаги алоқалар Навбатдан ташқари Вена анжумани Американинг вақтдан ютиши учун ўтказилаётган қатор анжуманлардан биридир Балки, улар – биз ғолиб жамоатмиз, дейишар, яқинда ўша жамоат енгилиб, ортларига қараб қочиб қолурлар!