بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Сиёсий ечим Башар Асад ва унинг режимини қўзғолон интиқомидан қутқаришга қаратилган

Ҳишом Бобо қаламига мансуб

Биз БМТнинг Суриядаги махсус вакили Стефан де Мистуранинг «терроризм»га қарши курашдаги саъй-ҳаракатларни давом эттириш зарурлигини таъкидлашда жонбозлик кўрсатиб, «Суриядаги ечим фақат сиёсийдир», деган гапини тинмай такрорлаётганини эшитяпмиз. Бир пайтнинг ўзида, «Оқ уйдаги» хўжайини оғзидан ҳам «сочларимни Сурия кризиси оқартирди», «Сурияда сиёсий ечимдан ўзга ечим ҳаргиз бўлмаслигини таъкидлаймиз», каби сўзларни эшитяпмиз. Кейин эса мана шу Ғарб сиёсатининг «ота»си қонхўр Асад ва унинг қаттол режими учун америкача расмий узрлар тақдим этиш билан кутилмаганда бутун дунёни ҳайрон қолдирмоқчи бўлаётганини кўряпмиз. Бу кимса режимнинг жинояткор армияси озод этилган ва Шом қўзғолони аҳолиси яшаётган ерларда оддий фуқароларни бомбардимон қилганини «хато нишонга олинган», дея оқлов келтирмоқда.

Башарият қонига нисбатан бунчалик қабиҳлик, пасткашлик ва менсимасликка илгари бутун тарих мобайнида ҳеч ким гувоҳ бўлмаган! Суриянинг барча минтақасида қонлар дарё бўлиб оқмоқда, Ғарб коалицияси, турклар, руслар ва асадчиларнинг учоқлари оддий фуқароларни қасддан нишонга олмоқда… Бутун Ғарб оламида бу ҳолни рад этаётган ёки бутун дунёдаги журналистлар бу ҳақда оғизларига толқон солиб олмасликларидан олдин бир оғиз ҳақ сўзни айтган ҳалол инсонни тополмаяпмиз, фақат Роббим раҳм қилган кишилардан эшитяпмиз, холос!

Ҳатто Ғарб қўғирчоғи бўлган коалиция ҳам ёлғон ва адаштирувга тоқат қилолмай, ниҳоят, унинг муваққат ҳукумати раиси тилга кирди ва Сурияда тўкилаётган қонлар жавобгарлигини Америкага юклади. Чунки суратлар нафақат тиниқ кўрсатмоқда, балки бугун одамлар кўзларидаги парда ҳам кўтарилиб, кўзи ожиз кимсадан ўзга бугунги ҳақиқатни инкор этувчи қолмади. Бу инкор этиб бўлмас ҳақиқат шуки, Америка шу замоннинг Фиръавни ва Ғарб оламининг Ҳомонидир. Бутун дунёдаги террорни, хусусан, Ислом диёри маркази ва Росулуллоҳ САВ Шомида террорни боқаётган мана шу Америкадир. Унинг ёлланган аскарлари – исломий юртлар ҳукмдорлари – эса саройларда ястаниб ётишибди, мажруҳ Уммат аламлари уларнинг парволарига ҳам келмаяпти, улар Истанбулда Халифалик ағдарилганидан бери, мустамлакачи кофир Уммат бойликларига эга чиқиб, қон томган қўллари билан уни бошқаришга, фарзандларини қатли ом қилишга, бойликларимизни ҳеч қандай назоратчисиз бемалол ташиб кетишга ҳафсала билан киришгандан бери шу аҳволда ётишибди.

Дунёнинг ҳамма ерида Америка билан нуфуз талашадиган, аммо фақат Сурияда нуфуз талашмаётган Европага келсак, унинг давлатларидан бири Франция ташқи ишлар вазири ҳам тилга кириб «Эрон билан Россия мудом Суриядаги уруш муддатини узайтирар эканлар, айни уруш жиноятларида ўзаро тил бириктирадиган бўлиб қолишди», деди. Бу икки давлатни Асаднинг қўллаб-қувватловчилари, деб сифатлади! Ташқи ишлар вазири ёзма баёнотда «Акс ҳолда, Россия ҳам, Эрон ҳам Ҳалабда содир этилаётган уруш жиноятларида шерикка айланишади», деди. Бу сўзлари билан ўнлаб бегуноҳ инсонларни ҳаётдан олиб кетган Ҳалабдаги бомбардимонларга ишора қилди. Европа иттифоқининг бу ва бошқа баёнотлари жамоатчиликни чалғитишдан ва Европанинг бадбашара юзини оқлашга уринишдан ўзга нарса эмас. Барча дипломатик баёнотлар унинг манфур башарасини ҳам, Суриядаги режим жиноятларидаги шериклигини ҳам асло яширолмайди, албатта. Америка ёлғонлари худди шу мазмунда янграб турди. Бу сафар унинг БМТдаги элчиси Саманта Пауэр «Россиянинг Суриядаги ишлари ваҳшийликдир, терроризмга қарши кураш эмас», деди. У бу билан Россиянинг Сурияда, айниқса, Ҳалабда олиб бораётган бомбардимонлари билан Вето ҳуқуқидан нотўғри фойдаланмоқда, демоқчи. Бир вақтнинг ўзида, АҚШнинг Суриядаги вакили Стефан де Мистура Суриядаги ўзгаришларга оид ҳисобот чиқарди. Бу ҳисобот 2016 йил 25 сентябр якшанба куни АҚШ, Британия, Франциянинг Ҳалаб шаҳридаги шарқий районларида содир этилаётган қирғин ва қамал масаласини гўё муҳокама этиш учун ўтказилган сохта анжуман спектакли орқали чиқарилди. Ўз навбатида, Россиянинг БМТдаги ёлғончи элчиси ҳам «Биз Суриядаги мўътадил мухолафатни террористик жамоалардан ажратишни талаб қиламиз», деди ва бу гапи билан Вашингтоннинг ўт очишни тўхтатиш келишуви шартларига риоя қилмаётганига шама қилди. Де Мистура ҳисоботидан кўп нарса фош бўлди! Масалан, унда Ҳалабдаги асосий икки сув станциясининг ёпиб қўйиш ҳақида ва уларнинг ёпилиши билан эса шаҳар аҳолиси ифлос сув ичишга мажбур бўлганлари ҳақида айтилди. Шунингдек, Ҳалабнинг шарқий районларидаги қамал қилинган 270 минг аҳолининг ҳаммаси террорист бўлиши мумкин эмас дейилди (табиийки, бу ерда террорист деганда қонхўр режим кучларини эмас, қўзғолончилар назарда тутилган) ва улардан жароҳатланганларини кўчириш талаб қилинди.

Шундай бўлса-да, Асад режими танг аҳволда. Шом аҳлига қарши бирор тузукроқ қурол-аслаҳаси йўқ, ифлос маблағ билан сулҳ бор, холос. Шу боис БМТ вакили – ҳозир у Башар ва режимининг вакилига айланиб олган – Ҳалаб шарқига ёрдамлар етиб бориши мумкин бўлган 48 соатлик ўт очишни тўхтатишга давъат қилди, бир вақтнинг ўзида, Суриядаги ўт очишни тўхтатиш битимининг харобалар остида кўмилиб кетишига йўл қўймаслигини таъкидлади.

Бу ифлос баёнотлар занжири Ислом ва мусулмонлар душмани ва Халифалик давлати бузғунчиси бўлган юртнинг БМТдаги элчиси Мэтью Рикрофт баёноти билан охирига етди: «АҚШ билан Россиянинг Сурияда тинчлик ўрнатишдаги уринишлари мақсадга етай деб қолди, Хавфсизлик Кенгаши ўз жавобгарлигига вафо қилишга тайёр бўлиши керак». Бу гапи билан у Россия уруш жиноятларини амалга оширишда Сурия ҳукумати билан шерик эканини таъкидлаяпти. Уларнинг барчасини Аллоҳ лаънатласин, қандай адашмоқдалар-а».

Бироқ Шомнинг содиқ собир аҳли АҚШ ва унинг ғарбу шарқдаги думлари зўравонлигидан қутулмоқнинг фақат бир йўли борлигини, у ҳам бўлса, Аллоҳ Субҳанаҳу ва Таолонинг

يَا أَيُّهَا الَّذِينَ آمَنُوا إِن تَنصُرُوا اللَّـهَ يَنصُرْكُمْ وَيُثَبِّتْ أَقْدَامَكُمْ

«Эй мўминлар, агар Аллоҳга ёрдам берсангиз, У ҳам сизга нусрат-ёрдам беради ва кадамларингизни собит қилади»    [Муҳаммад 7]

деган нусрат ваъдасига чуқур ишонган ҳолларида, ҳар қанча қимматга тушмасин, ҳукмдорларини тахтдан ағдаришдан иборатлигини англаб етдилар. Ислом Уммати ҳам менинг вазифам ўзгаришга ҳаракат қилиш, деб билмоқда. Аммо ўзгариш, аслида, қачон бўлишини ёлғиз Аллоҳнинг Ўзи билади, Уммат билмайди. Шунинг учун аҳд-қароримиз асло синмайди, саботимиз Америка, Европа, Россия ва уларнинг думлари тахтларини ларзага келтирмоқда. Бу эса, аслида, нусратнинг яқин қолганидан хабардир. Ушбу нусрат аввалда ёмғир мисол томчилайди, сўнг содиқ собит мўминлар учун салқин оромбаҳш бўлиб шаррос қуйиб беради… Карами кенг, қудрати улуғ Аллоҳ бундай демоқда:

إِن يَنصُرْكُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ

«Агар сизларга Аллоҳ нусрат берса, ҳеч ким сизлардан ғолиб бўлолмас ва агар сизларни ёрдамсиз қўйса, Ундан ўзга ҳеч бир зот ёрдамчи бўлолмас, бас, мўминлар Аллоҳнинг ўзигагина таваккал қилсинлар (суянсинлар)»    [Оли Имрон 160]

Роя газетасининг 2016 йил 28 сентябр чоршанба кунги 97-сонидан