بسم الله الرحمن الرحيم

Роя газетаси:

Раҳил-Навоз режимининг заиф реакцияси Ҳиндистоннинг назорат чизиғига ҳужум қилишига сабаб бўлди

Шаҳзод Шайх қаламига мансуб

2016 йил 1 ноябр Покистон қуролли кучлар бош алоқалар бўлимининг маълум қилишича, чегара назорат чизиғида ўт очишни тўхтатишга оид икки давлат ўртасида имзоланган битимни Ҳиндистон бу йилнинг ўзида 178 марта бузган. Бунинг оқибатида 19 нафар покистонлик шаҳид бўлган, саксон нафари жароҳатланган. Бу воқеалар ривожи БМТнинг Ҳиндистон ва Покистондаги кузатувчилар гуруҳининг Озод Кашмирдаги Котли райони яқинидаги назорат чизиғини зиёрат қилган бир пайтга тўғри келди. Шунингдек, бир вақтнинг ўзида, Покистон 2016 йил 3 ноябрда саккиз нафар ҳиндус дипломатини жосуслик ва террорчиликда айблади. Уларни Синд ва Балужистон вилоятларида беқарор вазият келтириб чиқарганликда айблаш билан бирга, Покистон билан Хитой ўртасидаги «Иқтисодий йўлак», дейилаётган йирик иқтисодий лойиҳани барбод этганликда ҳам айбламоқда. Харажати 46 миллиард доллар бўлган бу лойиҳа Хитойни Араб денгизи бўйлаб Покистон соҳилини боғловчи транспорт ва энергия инфратузилма лойиҳаси ҳисобланади. Шунингдек, Покистон мазкур саккиз дипломатларга Покистон Толибони билан алоқа қилиш ва улар билан Покистон-Афғонистон муносабатларини бузишга уриниш айбловларини ҳам қўйди. Уларга айбловлар қўйишдан олдин Ҳиндистон тўрт нафар покистонлик дипломат номини фош этиб, уларга Покистон жосуслик хизматчиси, деган айблов қўйган эди.

Жорий йил саккизинчи июлда Ҳиндистон томонидан Бурҳон Воний ваҳшийларча шаҳид қилиниши ортидан яқинда Кашмирда халқ кўтарилиши аланга олди. Ҳиндистон дунё эътиборини ўзининг ваҳший ҳаракатларидан чалғитиш учун қўлидан келган ҳамма воситалардан фойдаланмоқда. Масалан, Кашмирдаги тартибсизликлар ортида Покистон ҳукумати турибди, деган айблов эълон қилгани каби. Ҳиндуслар босиб олган Кашмирдаги Парумала минтақаси Ури шаҳрида жойлашган ҳарбий базага 2016 йил 18 сентябрда қилинган ва 17 нафар аскар ҳалок бўлган ҳужумдан сўнг Ҳиндистон ҳужум Покистон томонидан келди, деган иддиони қилди. Покистон армиясининг айни иддиони инкор этишига қарамай, Ҳиндистон чегара назорат чизиғида ўт очиш ва бомбардимон қилишни, бегуноҳ мусулмонларни қиришни, мусулмонларнинг чорваларига, мулкларига жиддий зарар етказишни давом эттирди. Шунча ҳужумлардан кейин Раҳил-Навоз режими – биз Ҳиндистон қуроллари овозини ўчириш билан уларнинг ҳужумларига лойиқ жавобни бердик, деган даъвони қилди! Қизиқ, агар бу режим лойиқ жавоб қайтарган бўлса, нега Ҳиндистон ҳужумларини давом эттириб, зўравонлик ва ваҳшийликни баттар кучайтиряпти?!

Воқе Раҳил Навоз режимининг ҳиндуслар ҳужумига лойиқ жавоб қайтармаётганини кўрсатиб турибди, чунки унинг Вашингтондаги хўжайинлари бунга рухсат беришмаган. Ҳақиқатдан ҳам, АҚШ бу режимга ўзини қўлга олишни ва Ҳиндистоннинг «терроризм»га оид чегара бўйидаги қўрқувларидан фориғ этишни маслаҳат берди. Масалан, 2016 йил 30 сентябрда, Ури ҳужуми ортидан «Оқ уй» Исломободни Лашкари Тойиба жамоаси билан Жайши Муҳаммад жамоаси ва уларнинг қисмларини йўқ қилишга чақирди.

Покистон мусулмонларни қираётган ҳиндуслар армиялари жойлашган объектларни кулини кўкка совуришга қодир йирик ҳарбий кучга ва мард аскарларга эга бўлишига қарамай, мусулмонлар унинг Ҳиндистон ҳужумларига лойиқ жавоб қайтарганига бир марта ҳам гувоҳ бўлган эмас. Улар бу режимнинг ҳиндус дипломатларини юртдан чиқариб юборишини ва юртга қарши амалий уруш олиб бораётган Ҳиндистон давлати билан уруш ҳолатига ўтишини шу пайтга қадар кутиб келдилар. Бироқ мусулмонлар бугун шуни гувоҳи бўлиб турибдиларки, Ҳиндистон ўзидан покистонлик дипломатларни чиқариб юборди, Покистон режими эса бунга ожизона реакция билдирди. Бинобарин, бундай заиф жавобни кўрган Ҳиндистон шижоатланиб кетиб, хужумларини кучайтиришда давом этяпти ва бунга қарши бирорта ҳам тийиб қўювчи кучни кўрмаяпти.

Покистонни фуқаровий демократия бошқарадими ёки ҳарбий диктатура бошқарадими, бундан қатъий назар, юртнинг бугунги режимидан ҳиндуслар ҳужумига яраша жавоб бериб, эсларини танитиб қўйишлари ҳаргиз кутилмайди. Шубҳасиз, Аллоҳнинг изни ила, яқинда барпо бўлажак Пайғамбарлик минҳожи асосидаги рошид Халифалик соясидаги исломий бошқарув, Ҳиндистон ҳужумларига етарли жавоб қайтаради, у билан муносабатларни узиб, Покистондаги (юртда террористик амалиётларни уюштираётган) элчихоналарини ёпиб ташлайди, дипломатларини қувиб солади. Бундан ташқари, Кашмирни ва бутун босиб олинган юртларни озод этиш сари қуролли кучларни сафарбар қилади. У буни Аллоҳ Субҳанаҳу ва Таолонинг ушбу каломини тасдиқи сифатида адо этади:

وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ

«Уларни (сизлар билан уруш олиб бораётганларни) топган жойингизда ўлдирингиз ва сизни (қувиб) чиқарган жойдан уларни ҳам қувиб чиқарингиз!»   [Бақара 191]

0

0

Related posts:

Покистон Америкага Ҳиндистон ҳаво базасига қилинган ҳужумнинг «ҳақиқатини» аниқлашга ваъда бермоқда Покистоннинг ядровий материалларни етказиб берувчи гуруҳга қўшилиш ҳақидаги талаби Ливия ҳукумати Америка ҳужумларини суверенитетни бузиш дея ҳисобламоқда Ал-Қоида Фил Суяги Қирғоғидаги ҳужумни ўз зиммасига олди