Ўзбекистонда муборак Рамазон ойи ўзбек режимининг Исломга тоқатсизлигини эслатиши билан бошланди
بِسْمِ اللهِ الرَّحْمٰنِ الرَّحِيمِ
Матбуот баёноти
Ўзбекистонда муборак Рамазон ойи ўзбек режимининг Исломга тоқатсизлигини эслатиши билан бошланди
Ўзбекистондаги дин ишлари бўйича қўмита бош мутахассисининг ҳар қандай Исломий материални – хоҳ у Жума табриги бўлсин, хоҳ бошқа нарса бўлсин – тарқатиш қонун билан тақиқланганлигини айтгани ҳақидаги видеолавҳа ижтимоий тармоқларда кескин мунозара ва баҳсларга сабаб бўлди. Шундан бир неча кун ўтиб Ўзбекистон мусулмонлари идораси бунга муносабат билдирди. Аниқроғи, дин ишлари бўйича қўмита ва унинг мутахассисига эмас, балки одамларни асоссиз хабарлар тарқатиш жавобгарликка сабаб бўлишини эслатиш билан қўрқитилган баёнот эълон қилди.
Ўзбекистонда ҳар қандай исломий материалларни тарқатиш, ҳатто биргина “лайк” босиб қўйиш ҳам аллақачон жиноят сифатида малакаланиб, бир неча йиллик қамоқ жазоси берилиши одатий ҳолга айланиб қолган. Бу юртда ҳеч қайси нарсага исломий материалга қаралгандек катта “хавф” деб қаралмайди. Ўзбекистонда одамлар ижтимоий тармоқларда хоҳлаган нарсасини тарқатиши, бузуқ, савиясиз ва яланғоч контентларни саҳифасига жойлаши ва бўлишиши, бузуқ эътиқодлардан келиб чиққан ҳар қандай фикрни айтиши, ҳатто Ислом муқаддасотларини таҳқирлаши ҳам мумкин. Аммо исломий манбадан – у хоҳ давлат рухсат берган расмий, хоҳ тақиқлаган норасмий бўладими, фарқи йўқ – икки оғиз сўз тарқатиш асло мумкин эмас. Ўзбек режими буни Ўзбекистоннинг дунёвий давлат экани билан оқламоқчи бўляпти, аммо озгина фикрлаган одамга ҳам маълумки, аслида у золим Каримов бошлаб берган Ислом ҳамда унинг ҳаётбахш мафкураси ва аҳкомларини битта қўймай жамиятдан йўқ қилиш ишини давом эттирмоқда. Бунинг учун керак бўлса ўзи қабул қилган принцип ва қонунларига ҳам тупуриб қўймоқда…
Мусулмон халқимизга аввалдан таъкидлаб келаётганимиздек, капиталистик демократия тузумидаги виждон эркинлиги, эътиқод эркинлиги, деган нарсалар тагида мусулмонларга ўз динларига эмин-эркин амал қилишини таъминлаш эмас, балки бунинг тамоман акси – уларни Ислом ва унинг аҳкомларидан йироқлатиш мақсади ётибди. Буни анави диний қўмита мутахассиси рўйи-рост, ҳеч қандай шубҳа қолдирмайдиган даражада тушунтириб ҳам берди. Яъни аҳолисининг 90 фоизидан ортиғи мусулмон бўлган юртда мусулмонлар бир-бирларига диндан гап гапириши тақиқланганлиги, ҳатто Жума билан табриклаши ҳам мумкин эмаслигини очиқ айтди. Бир сўз билан айтганда, Исломдан сўз очиш уни тарғиб қилиш билан баробар бўлиб, бу Ўзбекистоннинг дунёвийлик принципларига зид эмиш. Ўзбек режими талаб қилаётган яна бир абсурд ишлардан бири, кимки қандайдир исломий контент тарқатмоқчи бўлса, у диний идорадан рухсат сўраши керак, агар ҳатто бу контент давлат маъқуллаган расмий манбадан бўлса ҳам. Режимнинг бундай сиёсатига дин ишлари бўйича қўмита ҳам, диний идора ҳам куну тун хизмат қиляпти.
Албатта, бу ишларнинг муборак Рамазон ойининг илк кунларида содир бўлаётгани тасодиф эмас. Зеро, ушбу муқаддас ойда юртимиз мусулмонларининг ўз динига бўлган муҳаббати ва интилиши кучайиб, солиҳ амаллар қилишга рағбати янада ортади. Режимнинг бундан юраги сиқилиб, қўлидан келган барча услуб-воситаларни ишга солган ҳолда бундай исломий кайфиятни жиловлашга уринади. Аммо у бир нарсани ёдидан чиқармоқда: Аллоҳнинг динига қарши чиқувчи ҳар қандай золим режимларнинг оқибати фақат битта бўлган, у ҳам бўлса икки дунё шармандалиги ва афсус-надоматидир!
Юртимиздаги мўмин ва мўминаларга айтар сўзимиз шуки, бугун дунёда бўлаётган ишлар нусрат тонгги яқинлашаётганидан далолат қилмоқда. Ҳозир эса зулматнинг энг кучайган пайти бўлиб, у узоқ давом этмайди ва Аллоҳнинг динини маҳкам ушлаб, собит ва собир бўлганлар ушбу зулматдан нусрат тонгига ёруғ юз билан эсон-омон чиқадилар. Шундай экан, динингизни маҳкам ушланг ҳамда золимлар босими ва таҳдидларига бўйин эгманг! Уларга энг яхши раддиянгиз Аллоҳга таваккул қилиш, Унинг ўзидангина қўрқиш ва Унгагина таянишдир!
﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَن كَفَرَ بَعْدَ ذَٰلِكَ فَأُولَٰئِكَ هُمُ الْفَاسِقُونَ﴾
– “Аллоҳ сизлардан имон келтирган ва яхши амаллар қилган зотларга худди илгари ўтган (имон-эътиқодли) зотларни халифа қилганидек, уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавф-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирор нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар итоатсиз кимсалардир”. (Нур:55)
Ҳизб ут-Таҳрир Ўзбекистон Матбуот бўлими
