Матбуот баёноти

Европа ва Ғарб ўз мафкурасининг бузуқлиги ва ҳукуматларининг заифлашуви ортидан ҳақиқий инқирозни бошдан кечирмоқда

2020 йил 2 октябрь куни Франция президенти Эммануэль Макрон: «Ислом бугун бутун дунёда инқирозни бошдан кечираётган диндир», дея баёнот берган эди. Бугун эса, мана, уч ҳафтадан зиёд вақтдирки, Европада норозилик намойишлари тўлқини авж олмоқда. Дастлаб Францияда бошланган бу ҳаракатлар тез орада Бельгия, Италия, Португалия, Испания, Греция, Австрия ва ҳатто Албаниягача ёйилди. Маиший-ижтимоий ва соҳавий муаммолар бирлашиб, Европа бўйлаб умумий ғазаб тўлқинини юзага чиқарди. Францияда таълим соҳасидаги муаммолар ҳамда педагог кадрлар етишмовчилиги талабалар норозилигига туртки берган бўлса, Испания ва Португалияда турар жой ҳамда ижара нархларининг кескин кўтарилиши халқ ғалаёнларининг асосий сабабига айланди. Намойишлар қамрови кенгайган сари, талаблар Италия ва Бельгияда инфляция, нарх-навонинг қимматлашуви ҳамда қаттиқ тежамкорлик сиёсатига қарши умумий исён тусини олди. Албанияда эса бу жараён сиёсий коррупцияга қарши норозилик ҳаракатлари билан уйғунлашиб кетди. Мазкур инқироз бутун кўлами билан ҳукуматлар олиб бораётган сиёсат ҳамда аҳолининг ҳақиқий харид қобилияти ўртасидаги жарлик тобора чуқурлашиб бораётганини яққол намоён этмоқда.

Европада бу каби йирик халқ норозиликларининг аланга олиши биринчи бор кузатилаётгани йўқ. Охирги ўн йиллик давомида минтақада кетма-кет беқарорлик тўлқинлари ва кенг кўламли халқ қўзғолонлари юз бериб келмоқда. Хусусан, 2019–2024 йиллар оралиғида Германия, Нидерландия, Франция, Польша ва Италияда транспорт қатнови деярли фалаж ҳолатга келди; фермерлар экологик қонунчилик чекловлари ҳамда ишлаб чиқариш харажатларининг кескин ортишига норозилик сифатида асосий транспорт артерияларини тракторлар билан тўсиб қўйдилар.

 2023 йилда Франция касаба уюшмаларининг пенсия ёшини ошириш тўғрисидаги қонунга қарши миллионлаб киши иштирокидаги намойишлари ушбу иқтисодий ва ижтимоий инқирозни янада чуқурлаштирди. Бу ҳолат 2022 йилда Бельгия ва Италияда инфляция даражаси ҳамда энергия тўловларининг рекорд даражада ошишига қарши ғазабнок омманинг майдонларга чиқиши билан бир вақтга тўғри келди. Маиший-иқтисодий қийинчиликлар 2020 йилда Беларусь, 2023 ва 2024 йилларда эса Сербия ҳамда Грузияда содир бўлган сиёсий силкинишлар ва коррупцияга қарши ҳаракатлар билан туташиб кетди. Бундан ташқари, 2020–2021 йилларда коронавирус пандемияси чекловларини рад этиб, Буюк Британия, Австрия, Германия, Бельгия ва Нидерландияни қамраб олган кескин тўқнашувлар ҳам кузатилди. Натижада бутун Европа узлуксиз норозилик ҳаракатлари майдонига айланиб, халқларнинг орзу-интилишлари билан ҳукуматлар қабул қилаётган қарорлар ўртасидаги жарлик нақадар кенгайиб бораётганини намойиш этди.

Ғарб ушбу норозиликлар ортида турган асл сабабларга эътибор қаратиш ва муаммонинг илдизини топиб, уни ҳал этиш ўрнига, АҚШ президенти Трамп 2026 йил 18 октябрь, якшанба куни баёнот бериб, Франциядаги тартибсизликларга миграция сабаб бўлганини даъво қилди ҳамда расмий Парижга «чегараларни ёпиш» чақириғини ташлади. У ўзининг «Truth Social» платформасидаги постида: «Франция ёняпти! Бутунлай бошқа дунёдан келган, қалби нафратга тўла одамларнинг миграцияси бир пайтлар буюк бўлган бу мамлакатни вайрон қилди», — дея ёзди. Бу билан у мусулмонларга ишора қилган эди. Трамп бундан олдин ҳам Францияда ўтган сентябрь ойидан буён давом этаётган талабаларнинг оммавий норозиликларида миграция ва Исломни айбдор қилиб кўрсатган эди. Шу тариқа улар ҳақиқатга кўз юмиб, масъулиятни бўйинга олиш ва воқелик билан юзма-юз келишдан қочиш мақсадида айбни ўзгаларга юкламоқдалар.

Ҳақиқатан ҳам улар асл муаммо ва муваффақиятсизликнинг илдизига назар солиш ўрнига, ҳар бир инқироз ва бурилиш палласида кўраётган барча эҳтиёт чоралари ҳамда ямоқ солиш услубидаги юзаки ечимларига қарамай, инсонлар манфаатини муҳофаза қилиш ва уларнинг аҳволини ислоҳ этишда ожизлигини кўрсатган капиталистик мафкурага таянган ўз сиёсатлари ва ҳукуматларининг заифлашуви билан чинакам инқирозни бошдан кечирмоқдалар. Зеро, уларнинг халқлари капитализм ва унинг нотўғри чора-тадбирлари оловида ёнди ҳамда сабр косалари тўлиб, тоқатлари тоқ бўлди (сув бўғизга етди).

Бу эса табиий ҳол ва капиталистик тузумнинг муқаррар оқибатидир. Агар капиталистик тузумга муқобил Ислом тузумини татбиқ қилиб турган Халифалик давлатини қулатиш орқали Ислом тузуми ҳаёт саҳнасидан йўқ қилинмаганида эди, бу капиталистик тузум шунча вақт – гарчи қисқа бўлсада – давом этмаган бўларди. Шу тариқа улар бутун инсониятни Исломнинг эзгу ва раҳматидан маҳрум этдилар. Натижада Аллоҳ таолонинг қуйидаги сўзи уларга нисбатан ўз тасдиғини топди:

﴿أَلَمْ تَرَ إِلَى الَّذِينَ بَدَّلُواْ نِعْمَةَ اللّهِ كُفْراً وَأَحَلُّواْ قَوْمَهُمْ دَارَ الْبَوَارِ﴾

«Аллоҳнинг неъматини куфрга алмаштирган ва ўз қавмини ҳалокат диёрига туширган кимсаларни кўрмадингми?!» (Иброҳим сураси, 28-оят).

Дарҳақиқат, капиталистик мафкура бугун омонат турибди, унинг барча нуқсон ва айблари фош бўлди, ичидан чиригани яққол намоён бўлди. Бироқ Ғарб ҳукмдорлари ҳамон унга маҳкам ёпишиб олишган, чунки улар бу тузумнинг сақланиб қолишидан бевосита манфаатдордирлар. Зеро, бу тузум айнан йирик капиталистлар ва нуфузли элита қатламнинг манфаатларига мослаб бичилган бўлиб, улар учун аҳоли оммаси ҳисобига кун кўриш ва фаровон ҳаёт кечириш имконини беради. Шу сабабли, халқлар уларни ҳокимиятдан қулатиб, ёқасидан тутмагунча ёки капитализмга ва унинг бузуқ давлатларига қақшатқич зарба бериб, инсониятни капитализмнинг азоб-уқубатлари ва танглигидан Исломнинг раҳмати ҳамда адолатига олиб чиқувчи иккинчи Рошид Халифалик давлати қад ростламагунча, улар бу тузумнинг қулашига асло йўл қўймайдилар. Бу Давлат эса Аллоҳнинг изни ила тез орада албатта барпо бўлгувчидир. Аллоҳ таоло шундай марҳамат қилади:

‎﴾ ‏ وَمَا أَرْسَلْنَاكَ إِلَّا رَحْمَةً لِّلْعَالَمِينَ‎﴿

«(Эй Муҳаммад,) Биз сизни фақат оламларга раҳмат қилиб юбордик» (Анбиё сураси, 107-оят).

Ҳизб ут-Таҳрирнинг Марказий Матбуот бўлими