Абужа саммити Боко Ҳарамга қарши курашда янада кучлироқ ҳаракат қилишга чақирмоқда
بِسْمِ اللهِ الرَّحْمٰنِ الرَّحِيم
Роя газетаси:
Абужа саммити Боко Ҳарамга қарши курашда янада кучлироқ ҳаракат қилишга чақирмоқда
Боко Ҳарам жамоаси хавфини бартараф этиш учун ўтказилган олий даражадаги Абужа саммити халқаро ҳамжамиятдан айни кураш учун ҳарбий ва молиявий жиҳатдан янада қаттиқроқ ҳаракат қилишни талаб қилди. Саммит баёнотида Боко Ҳарам жамоаси кенг ёйилган ерларда экстремизмни илдизи билан қуритиб ташлашга чақирилди.
Нигерия пойтахти Абужада ўтказилган саммитнинг якуний баёнотида бу жамоа хавфини бутунлай йўқ қилиш йўлида оғир ва енгил қурол-аслаҳаларни жамлаб, халқаро жиҳатдан бирлашишга даъват қилинди. Саммит иштирокчилари Чад дарёси минтақаларида айни жамоа чекинишга мажбур бўлганини, бироқ уни бутунлай яксон этиш учун халқаро ҳамжамият ҳарбий ва молиявий саъй-ҳаракатларни яна ҳам кучайтирмоғи зарурлигини, ташвишланарли моддий қийинчиликни бошдан кечираётган аҳолига моддий ёрдам кўрсатилиши лозимлигини таъкидладилар.
Саммитда Чад, Бенин, Камерун, Нигер каби Нигерияга қўшни давлатлар раҳбарлари ва бошқа африкалик раҳбарлар, шунингдек, Франция президенти Франсуа Олланд, Британия ташқи ишлар вазири Филип Хэммонд, Америка ташқи ишлар вазири ёрдамчиси Энтони Блинкен каби раҳбарлар иштирок этишди. Нигерия ва унинг бир неча регионал қўшни давлатлари Боко Ҳарам қуролли жангариларига қарши кураш учун 8500 нафар аскарни жойлаштиришлари кутилмоқда. Маълумки, Нигерия шимолий шарқидаги айни жамоа назорати остидаги кўплаб ерларни ўтган 15 ой ичида бир мунча қисқартиришга эришилди. (Ал-Жазира нет).
Роя газетаси шарҳи:
Халқаро ва регионал анжуманлар ҳамда терроризмга қарши кураш билан боғлиқ ушбу маҳаллий даражадаги анжуман, буларнинг барчаси, ё Исломга қарши курашга ёки тоғут малай ҳукмдорлар бошқарувини мустаҳкамлаб, терроризмга қарши кураш остида уларнинг зулму зўравонликларини оқлашга қаратилган. Ёки бўлмаса, бу анжуманлар йирик давлатлар ўртасидаги курашларда фойдаланиладиган бир қурол бўлишдан нарига ўтмайди. Шундай бўлгач, дунёдаги энг нуфузли давлатлар оддий бир қуролли ташкилотни қандай йўқ қилишни муҳокама қилиш учун йиғилди, деган гапга қайси ақлирасо инсон ишонади??!!
Роя газетасининг 2016 йил 18 май чоршанба кунги 78-сонидан
