بسم الله الرحمن الرحيم

Роя газетаси:

Аслида, америкаликлар муаммоси фақат қонунларида эмас, балки қабул қилган системаларидадир

Ҳижрий 1439 йил 6 ражаб, милодий 2018 йил 24 март шанба куни «Арабий 21» веб-сайти нашр қилган хабарда бундай дейилади:

«Кеча шанба куни Вашингтонда юз минглаган одам намойишга чиқди. Бу намойиш Қўшма Штатларда бир асрдан буён амал қилиб келинаётган ўқ отар қуролларга эга бўлишни тартибга солиш чақириғи билан чиққан намойишларнинг энг каттасига айланиши мумкинлиги тахмин қилинмоқда. Айниқса, Флоридадаги ўрта мактабда содир этилган қирғин ортидан айни талаб янада кучайди.

Вашингтоннинг турли минтақаларида уюштирилаётган юришлар орасидаги энг каттаси – америкалик қонунчилар қароргоҳи бўлган Капитолий биноси яқинида уюштирилиши режалаштирилган. Намойишчилар шу орқали уларга таъсир ўтказишни кўзлашмоқда.

Намойишчилар кўтариб чиққан плакатларнинг бирида «Энг яхши қуролимиз овозларимиз бўлсин», деб ёзилган эди. Намойиш шанба куни туш пайтида расмий тарзда бошланиб, уч соатдан кўпроқ давом этди.

Намойиш бўлаётган минтақага ўтиш йўли тўсиб қўйилди… Чунки унинг кўлами кенгайиб, кўчаларда ярим миллион атрофида одам йиғилган эди. Шунингдек, кўчаларга «Ўз ҳаётимиз учун биргаликда ҳаракат қилайлик» шиори акс этиб турувчи катта экранлар ўрнатилди.

Ғарбий Виржиниядан 67 ёшли Билли МакЛафлин «қонуннинг иккинчи моддаси – менинг фикримча – автоматга эга бўлиш ҳуқуқини кафолатламайди», деди.

Нью­Йоркдан 68 ёшли Жефф Тортхен «Бизнинг жамиятда қўлимизда ўқ отар қурол бўлмаслиги керак. Анави болаларнинг гапи тўғри. Улар миллий қуроллар ассоциациясининг республикачиларга катта миқдорда пул тўлаётганини айтишяпти», деди. Президент Дональд Трамп ҳам мана шу Республикачилар партиясидан бўлиб, бу партия сенат ва вакиллар палатасига ҳукмронлик қилади».

Роя газетаси шарҳи:

Америкаликлар муаммоси фақатгина мамлакатларида татбиқ қилинаётган қонунда эмас, балки капиталистик системаларида ва ундан келиб чиққан низомда. Бу система манфаатни ҳаётдаги ҳар бир нарса учун асос қилган. Бинобарин, юрт сиёсатига ҳукмронлик қилиб, бошқарув тизгинини қўлида ушлаб турган кимсалар ҳам ана шу қурол­аслаҳа ва бошқа товарлар ишлаб чиқарадиган компанияларга эгалик қилувчилар ҳам йирик капиталистлардир. Айнан шулар қонунларни ўз нафс­ҳаволари ва шахсий манфаатларига мувофиқ ишлаб чиқишади. Бу нарса мамлакатни турли хил офат ва кризисларга мубтало қилиб, жамиятдаги турли хил жиноятчиликларга сабаб бўлса ҳам уларни заррача ташвишлантирмайди. Шунинг учун америкаликлар тинч ва хотиржам ҳаёт билан таъминлайдиган бирор реал ўзгаришни исташаётган бўлса, улар ушбу бузғунчи капиталистик системаларидан бошқа системани қидиришлари керак бўлади. Шуни билиб қўйишсинки, бирдан­бир тўғри, реал альтернатив низом Ислом низомидир. Зеро, Ислом низоми бутун башарият ҳаётини муҳофаза қилиб, руҳий, ахлоқий ва инсоний қийматларни моддий қийматлардан аввалга қўяди, жамиятдаги ҳар бир шахсни башарият аралашмайдиган низомга итоат этишга ундайди. Чунки у башарият Холиқи ва унга нима фойдаю нима зарар эканини яхши билгувчи Аллоҳ Таоло томонидан нозил қилинган.

Роя газетасининг 2018 йил 4 апрел чоршанба кунги 176-сонидан