بِسْمِ اللهِ الرَّحْمنِ الرَّحِيمِ

Планни бажармадингми, сени ҳам кўкартирмаймиз

Ҳа, бу ҳукуматга буғдой бер, пахта бер, пилла бер, ўзинг ўласанми, қоласанми унга барибир. Муҳими унинг талаби бажарилиши шарт, қолгани қизиқтирмайди. Чунки у халқни итоаткор қулдек кўради ва унинг муаммолари билан заррача бўлсин қизиқмайди. “Озодлик” нинг берган маълумотига кўра, “Хоразм вилоятидаги Ҳазорасп туманининг Овшар қишлоқ фуқаролик йиғини ҳудудида фермерлик қилаётган 44 ёшли Бахтиёр Рўзиметов 11 июл куни туман машина трактор паркига қарашли “Магнум” русумли шудгор тракторини ёқиб юборди.  

Исми сир қолишини сўраган овшарлик Озодлик манбасининг айтишича, "Бахтиёр туман ҳокими томонидан қилинган зулмга чидай олмай" бу ишга қўл урган: – Бахтиёр ёш фермерлардан бири. У буғдой топшириш планини бажара олмагани учун туман ҳокими томонидан тазйиққа учраган. Ҳоким унинг томорқасидаги пишиб қолай деган кунгабоқарни ҳайдаб ташлаш учун трактор юборган. Бахтиёр эса норозилик сифатида ана шу тракторга ўт қўйган, – деди овшарлик манба.

Овшар қишлоқ фуқаролар йиғинининг раиси Ражаббой Искандаров Озодлик билан суҳбатда шундай воқеа бўлганини тасдиқлади: – Бахтиёр Рўзиметовнинг ноқонуний экилган кунгабоқари бўлган. МТП нинг трактори уни ҳайдаб ташлашга келган. Менимча, Бахтиёр қаттиқ қаршилик қилганми, тракторчи тракторини ташлаб уйига кетган. Кейин кечаси Бахтиёр бензин обориб ёқиб юборган. Мен эрталаб бориб кўрганимда трактордан бир уюм темир-терсак қолган эди, холос,- деди Ражаббой Искандаров.”

Афсуски, бугунги куннинг ҳақиқати шундай. Агар сиёсатга қарши чиқиш тугул, бир гап гапирсангиз тамом, сиз халқ ва давлат хоинига чиқасиз. Юқоридаги ҳолатга баҳо берадиган бўлсак, биз тракторни ёқиб юборишни оқламаймиз албатта, лекин шу ишни қилишгача етиб борган кишини ҳам тушуниш мумкин. Режани бажармаган бўлса, унинг тирикчилик манбаи бўлган, ўзи меҳнат ва сарф-ҳаражат қилиб етиштирган экинини пайҳон қилиш керакми? У ҳам одам, у ҳам инсон, инсон адашади, нотўғри иш қилади, бу табиий. Лекин ҳукуматни режадан бошқа нарса билан иши йўқ, бир муаммони ҳал қилишга келганда кўзини кўр, қулоғини кар қилиб олади, ҳатто сўкиб ҳам қўяди, мени олдимда дардингни достон қилма деб. Дарҳақиқат, ҳукумат олиб бораётган “оқилона” сиёсатнинг “меваси” бу, одамларни жонидан тўйдираётган сиёсат бу. 

Ўзбекистонда фермерликни ривожлантиришга алоҳида эътибор берилишининг бошланиши, бу соҳани ҳам, бошқа соҳалар қатори таназзулга юз тутишининг бошланиши бўлган эди, десак адашмаймиз. Аввалда фермерларга дон сепиб, яъни давлат томонидан бир қатор ёрдамлар, масалан, лизингга тракторлар бериш, минерал ўғитлар, солярка ва бошқалар билан ёрдам берди. Орадан ҳеч қанча вақт ўтмай, бу “саҳий” ликларнинг сабаби аён бўлди. Фермерларга отни калласидек режа ва топшириқлар, давлат томонидан майда-чуйда ишларигача аралашиш, айниқса, пахта ва буғдой мавсуми даврида селектор йиғилишларига чақириб олиб, шахсиятга тегадиган гаплар билан ҳақоратлаб, қулдек муомала қилиши ҳаммасидан ўтиб тушди. Натижада эса, фермерлар жонидан тўйиб, ҳаттоки ўз жонига қасд қилишгача бориб етишди.

Шунинг учун ҳам, инсон ҳеч бўлмаганда ўзи яшаётган давлатнинг сиёсатидан хабардор бўлишга, унинг чиқараётган қонун ва қарорларини таҳлил қилган ҳолда, унга ўз муносабатини билдиришга ҳаракат қилиши лозим. Чунки бизнинг эртамиз қандай бўлиши шуларга боғлиқ. Аслини олганда, сиёсатга аралашма, сиёсат бизни ишимиз эмас, деган фикр билан яшаганимиз учун ҳозирги хор ҳолатга тушиб қолдик. Ўз қадр-қимматимиз ва ҳаққимизни оёқ ости қилдириб қўйганимиз учун қулдек ҳаёт кечирмоқдамиз.

Шунинг учун, агар биз ҳақиқатдан ҳам келажаги буюк давлатда яшамоқчи бўлсак, аввало ўзимизни ўзгартиришимиз керак, яъни аслида ким бўлганлигимизни, энди эса кимга айланиб қолганлигимизни бир ўйлаб кўрайлик. Аллоҳ айтади:

إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ

– „Аниқки, то бирон қавм ўзларини ўзгартирмагунларича, Аллоҳ уларнинг аҳволини ўзгартирмас“.                                                                   [13:11]

Биз мусулмонмиз, бизнинг қувватимиз Исломда, бизнинг бахтимиз Исломда. Ана шу қувватимизни тиклаб, бахт сари қадам ташлашни бугундан бошлайлик.

Ҳизб ут-Таҳрирнинг Ўзбекистондаги медиа офиси Фаррух

21.07.2014й.