بِسْمِ اللهِ الرَّحْمنِ الرَّحِيمِ

Ўзбекистон халқининг энг оғриқли муаммоларидан

Сарлавхани ўқиган жуда кўпчилик бу қандай муаммо эканлигини тушуниб етишса керак. Албатта да, табиий газ ва электр энергия. Хозир газ ва светнинг узилишлари ёки умуман йўқлиги хақида гапирмоқчи эмасмиз. У хақида жуда кўп гапирилди, ёзилди. Бу муаммонинг бошқа тарафи хақида, яъни унинг оқибатлари, хусусан бу муаммонинг орқасидан кимларнингдир кўраётган фойдаси хақида сўз юритамиз.  

Бунинг орқасидан ким фойда кўриши мумкин, деб хайрон бўлаётгандирсиз? Халқимизда бир мақол бор “отнинг ўлими, итнинг байрами” деган. Хўш, бу мақолнинг бу муаммога қандай алокаси бор? Мана светни олайлик, Ўзбекистон туманларидаги ахоли, корхона ва ташкилотлари учун светдаги узилишлар аллақачон енгиб бўлмас муаммога айланиб улгурган. Светга бўлган ишонч, хозирда Ўзбекистон банкларига бўлган ишончдан ҳам пастроқ, десак муболаға бўлмаса керак. Шундай бўлгандан кейин ахоли, айниқса корхона ва ташкилотлар, хусусий савдо дўконлари, умуман хамма бошқа йўл билан светни ўрнини босувчи генератор ва инвенторлар, қўйингки хар хил асбоблар билан бу муаммони хал қилишга харакат қилишаяпти. Уларни эса асосан Хитойдан олиб келинади, нимани эвазига, албатта доллар эвазига, ахир валютамиз сўм хеч қаерга ўтмайдику. Булардан ташқари хар хил чироқлар, ёритгичларни ҳам қўшиб қўйинг. Долларга боғланган иқтисодиёт учун эса валютанинг четга чиқиб кетиши иктисодиётга салбий таъсир кўрсатади. Мана энди бизга “от” киму “ит”нинг кимлиги ойдинлашди. Хитой биздан сотиб олаётган газнинг пулларини ана шундай қилиб қайтариб олаяпти. Бу муаммоларни хал қилиши керак бўлган хукумат эса газ ва светдан ахолининг қарздорлигини хисоблаш ва ундириш билан банд.  

Улар шу даражага етдики, ўзлари чиқарган ва қабул қилган қонунлар ва қарорларига ҳам тупуриб, коммунал тўловларни бюджет ташкилотлари ишчи ва ходимларининг иш хақидан мажбурий тарзда ушлаб қолишга ва иш хақи тўловлари билан тенглаштириб қўйишга оғзаки топшириқлар беришди. Яъни иш хақи ва унга тенглаштирилган тўловлар биринчи навбатда тўланадиган тўловлар бўлса, унга коммунал тўловларни битта хат билан тенглаштиришди қўйишди. Агар сиз иш хақингизни вақтида ололмасангиз бу қўрқинчли эмас, оласизда ойнинг охиригача. Лекин агар худо кўрсатмасин иш хақидан ушланган коммунал тўловлар озгина муддатга кечикса борми, нақд осмон узилиб ерга тушади. Ўша куни селекторда жавобгар шахслар ўлган қариндош–уруғларигача қолмай сўкиш эшитишади.  

Мавзудан озгина чалғиб кетдик чоғи. Газ муаммосига келсак, тўғриси бу бир катта мавзу, бутун бошли роман ёзса бўлади, лекин асосийси газнинг йўқлиги бошқа бир бизнес турларига йўл очиб бераяпти. Хаммамизга сир эмас, ўтин, кўмир, пропан, брикет (кўмирнинг бошқача тури) ва бошқалар билан газнинг ўрнини босишга харакат қилинаяпти. Бу ёқилғи турлари биринчидан қиммат, иккинчидан газга қараганда фойдаси, яъни иссиқлик бериш қобилияти кам. Буларни сотиб олиб ишлатишга аксар оилаларнинг маблағи етмайди. Хукумат эса хали етказиб берилмаган газ ва свет учун ахолидан пул йиғишни ўйлашдан бошқа хеч нима қилаётгани йўқ. Бу хукумат ўзи нимага давлат тепасига келган, хайронсиз? Халқнинг муаммоларини хал қилганими ёки ўзининг чўнтагини тўлдирганими? Шунинг учун ҳам хеч ким норози бўлиб чиқмайдида, чунки барибир уларни эшитадиган одамнинг ўзи йук. Қолаверса, бизга шиор бўлиб қолган «сиёсатга аралашма» ибораси бор.

Қачонгача сиёсатга аралашмаймиз, эй мусулмонлар! Қачонгача давлат хал қилиши керак бўлган ва бурчи хисобланган муаммоларимизни ўзимиз хал қиламиз, айтинг қачонгача? Қачонгача ўзимизнинг бойликларимиз бўла туриб ночорликда яшаймиз, айтинг қачонгача? Яна қанча гапирайлик, яна қанча нидо қилайлик, Эй Ўзбекистоннинг мусулмон уммати? Яна қанча далил–исбот келтирайлик кўзингиздаги пардани олиб ташлаш учун? Нахотки 2х2=4 дегандай очиқ–ойдин воқеликни кўриб туриб ҳам жим юрсангиз? Эй менинг кадри топталган халким, Халифаликни тиклашга жидду–жахд билан харакат қилсаккина бу муаммолардан халос бўламиз. Ва бу харакатда Ўзбекистондаги Ҳизб ут-Таҳрирга яқиндан ёрдам беринг. Шундай экан, динимизга қайтайлик ва азизлигимизни қайта тиклайлик.

Фарруҳ

24.03.2014й.