بِسْمِ اللهِ الرَّحْمنِ الرَّحِيمِ

Улардан эмас, мендан қўрқинг!

إِنَّمَا ذَلِكُمُ الشَّيْطَانُ يُخَوِّفُ أَوْلِيَاءهُ فَلاَ تَخَافُوهُمْ وَخَافُونِ إِن كُنتُممُّؤْمِنِينَ

“Албатта, бундай бўлишингиз шайтондандир, у ўз яқинларидан қўрқитади. Бас, агар мўъмин бўлсангиз, улардан қўрқманглар, Мендан қўрқинглар”. (Оли Имрон. 175)

Ушбу оятни мулоҳаза қиладиган бўлсак, осон тушунамизки, шайтон мусулмонларни ўзининг ёрдамчилари орқали қўрқитади. Унинг ёрдамчилари эса, куфр давлатлари, куфр давлатларига хизмат қилувчи мусулмонлар устидаги хоин, малай хокимлар, хоин хукуматларга хизмат қилиб, мусулмонларни мўътадил Ислом, муросасозлик йўли каби тушунчаларга чақирувчи хоин, сарой олимлари ва бошқа мунофиқлардир.

Юқоридаги оятдан билинадики, агар инсоннинг қалби Аллоҳдан қўрқмайдиган бўлса, қалбига ҳақиқий Аллоҳдан қўрқув ўрнашмайдиган бўлса, унда инсоннинг қалби шайтоннинг ёрдамчилари қўрқитувларидан қўрқадиган бўлиб қолади.

Кўпхудолар ўзлари эътиқод қилиб олган Худоларидан, олов, бут, қуёш, ёки шунга ўхшаш нарсалардан қўрқишарди. Чунки уларнинг тушунчасида, ўша сиғинаётган бутлари ва бошқаларини ундан қўрқилувчи, унга сиғинилувчи, деб хис қилишар эди. Аллоҳ ушбу оятларини нозил қилишда айтмоқдаки, “Улардан қўрқманг, Мендан қўрқинг”, яъни қалбингизга ўрнашиб қолган, қўрқишим керак деб тушунган нарсаларингиздан қўрқманг, балки Мендан қўрқинг.

Ислом душманлари мусулмонлар қалбига қўрқувлар солишда, уларнинг қалбидаги Аллоҳдан бошқа бирон нарсадан қўрқмаслик керак деган тушунчани йўқ қилиб, мусулмонларни бир бирларига нафратли, пароканда ва тафриқага солиш ишларида энг маккор, энг хийлакор ва бу каби хийлаларни ўйлаб топишда устаси фаранг бўлиб кетди. Бундай холатга мисол қилиб, турли йўллар билан халқни доимий тарзда хукуматдан қўрқиб туришини таъминлаш ва яна Ислом оламида содир қилинган бирон бир ишни катта ваҳима қилиб кўрсатилиб, бутун оламни мусулмонлар жангарилари таҳдид соляпти деган гаплар билан қўрқитиб, мужоҳидларни террорчи қилиб кўрсатилаётгани холида, куфр олами режаси билан ўлдирилаётган минглаган мусулмонларнинг холатини, фақатгина интернет саҳифаларида, мусулмонлар ўзлари гапиришаётгани, куфр олами эса, ўзининг бу каби қилаётган жиноятларини яшираётгани каби ишларни келтириш мумкин.

Куфрнинг бундай хийлаларига содиқлик билан хизмат қилиб бераётган мамлакатлар иқтидоридаги диний идоралар олимлари ҳам, куфрга малайликни қойиллатиб, мусулмонларни Аллоҳдангина қўрқишга, Ундан бошқалардан қўрқмасликка чақириш ўрнига, юқоридаги каби, мусулмонларни бошқа мусулмонлардан қўрқитиш, нафратлантириш ишларига ёрдам беришмоқда.

Аллоҳдангина қўрқиб, Унинг розилиги учун собит қадам ташлаган, Унинг дини мусулмонлар хаётида татбиқ бўлиши учун харакат қилган бандасига Аллоҳ Таъоло Ўзи ёрдам беришини ваъда қилган.

يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْأَقْدَامَكُمْ

“Эй иймон келтирганлар, агар Аллоҳга (Унинг динига)ёрдам берсангиз, У ҳам сизга ёрдам беради ва (бу йўлда) қадамларингизни собит қилади”.            (Муҳаммад. 7)

Шунинг учун, бизлар мусулмонлар, агар Аллоҳ ва охират кунига хақиқий иймон келтирган бўлсак, Аллоҳдан қўрқишимиз, унга тақво қилиб яшашимиз учун қиладиган харакатларимизда, шайтоннинг ёрдамчилари орқали бизларга турли қўрқинчларни кўрсатиши, таҳдидлар қилиши ва бошқа, асл Исломдан чалғитувчи холатлардан эхтиёт бўлишимиз керак.

أَتَخْشَوْنَهُمْ فَاللّهُ أَحَقُّ أَن تَخْشَوْهُ إِن كُنتُممُّؤُمِنِينَ

“Улардан қўрқасизми?! Агар мўъмин бўлсангиз, қўрқишингиз лойиқ зот Аллоҳдир!”  (Тавба. 13)

Ҳизб ут-Таҳрирнинг Ўзбекистондаги медиа офиси Муслим

13.11.2014й.