بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Ислом аҳкомлари татбиқ этилмаган замонда мусулмонлар ва барча инсонлар тинчлик-омонлик билан ҳаргиз таъминланмайдилар

Индонезия президенти: кимёвий бичиш педофилияга чек қўяди

Индонезия президенти Жоко Видодо яқинда унинг давлати кимёвий бичиш орқали болаларга нисбатан жинсий зўравонлик жиноятларидан «халос бўлиши»ни айтди.

Би-Би-Сига берган интервьюсида Видодо Индонезия инсон ҳуқуқларини ҳурмат қилишини, бироқ қачон масала мана шундай жинсий жиноятга қарши жазо қўллаш билан боғлиқ бўлиб қолганда «ўртача ечим»га ўрин йўқлигини таъкидлади.

Индонезияда яқинда шу ой бошида болаларга нисбатан жинсий тажовуз жиноятини содир этганларга қарши кимёвий бичиш жазосига рухсат берувчи янги қонунлар қабул қилингани парламентда тортишувларга сабаб бўлди.

Индонезиядаги шифокорлар касаба уюшмаси – бизнинг аъзолар тиббиёт касби нормаларини бузувчи бундай тадбирда қатнашмасликлари керак, деди.

Кимёвий бичиш, деб пуштсизлантириш ёки жинсий олатни олиб ташлаш услубларини қўлламаган ҳолда жинсий шаҳватни йўқ қилиш учун таблеткалардан фойдаланишни айтилади.

«Конституциямиз инсон ҳуқуқларини ҳурмат қилади, бироқ масала жинсий жиноятлар билан боғлиқ бўлганда ўртача ечимга ўрин йўқ», деди Видодо. Кейин «Биз кучлимиз ва ғоят талабчан бўламиз, жинсий жиноятлар тўғрисида энг қаттиқ жазо қўллаймиз», дея қўшимча қилди. «Назарий жиҳатдан олганда, кимёвий бичишни биз доимий татбиқ этиш жинсий зўравонликларга чек қўяди ва биз вақт ўтган сари уларни бутунлай йўқ қилишга муваффақ бўламиз», дея сўзини давом эттирди. (Би-Би-Си Арабий).

Роя газетаси шарҳи:

Индонезия президенти аётаётган жинсий жиноятлар ҳам, Индонезия ва Ғарбу Шарқдаги бутун дунё мусулмонлари дуч келаётган жиноятлар ҳам, барчаси капиталистик системани татбиқ этилаётганига бориб тақалади. Бу система эркинликлар орқали инсоннинг жинсий майли ва шаҳватини жиловсиз қўйиб қўйган. Бу эркинликлардан бири шахс эркинлиги бўлиб, у инсонни ҳамма нарсани фарқламай ямлаб ютаверадиган ваҳший ҳайвонга айлантириб қўяди. Инсоният – Аллоҳнинг раҳмига муяссар бўлган инсонлардан ташқари – шу шахс эркинлигидан фойдаланиб, кўнгли тусаган қилиқларни содир этиш билан ўз шаҳватининг асирига айланиб қолди. Ҳақиқатда, Ислом низоми татбиқ этилмагунча, мусулмонлар ва бутун инсоният мана шу капитализм, деган вабодан ҳаргиз қутулолмайдилар. Ушбу низом инсон ҳурматини сақлашга ва ҳаётини муҳофаза этишга кафил бўлган бебаҳо ва ахлоқлий муолажалар тизимини жорий этади.

Роя газетасининг 2016 йил 26 октябр чоршанба кунги 101-сонидан