بسم الله الرحمن الرحيم

Устозлар, мусулмон фарзандлари борасида Аллоҳдан қўрқинглар!!!

(давоми)

Болаларга эртанги кун учун нималар олиб келишларини ва китобларни эхтиёт қилишларини тайинладим. Кейин кўчада кутиб турган ота-оналарининг олдиларига кузатиб қўйдим. Таснимани эса бироз сухбатлашиб, яқинроқ танишиб олиш бахонасида ўзим билан олиб қолдим. Қизалок ўзига келиб қолган эди. Мен синфга кирганимда китобларини авайлабгина папкасига солаётган экан. Унинг ёнига бориб ўтирдим.

– Чарчаб колмадингми, Таснима?

– Йук устоз, чарчамадим – деди, жилмайганича.

Кўзларидаги бироз қизаришни айтмаганда юзида бояги хафалик ўрнида нимадандир хурсандлик ва розилик туйғулари акс этарди.

– Нега рўмол ўрайсан?

– Мени Аллоҳ яратган, қиз бола бўлганим учун рўмол ўрашни буюрган. Аллоҳ мени яхши кўради, шунинг учун менга кўп нарсалар берган. Мен ҳам Аллоҳни яхши кўраман, шунинг учун буюрганларини қиламан. Буюрганларини қилмасам мендан хафа бўлади.

– Буларни сенга ким ўргатган?

– Айтсам хеч кимга айтиб қўймайсизми? – деганича савол назари билан қаради.

– Йўқ, айтмайман. Айтавер…

– Буларни менга дадам ўргатганлар. Дадамлар жуда яхшилар. Аллоҳни ҳамма буйруқларини қиладилар. Лекин хозир қамоқдалар. Аллоҳни ёмон кўрадиган одамлар қамаб қўйишган.

Таснима бу гапларни гапирар экан, мен ўзимни хеч нарсани билмайдиган ёш боладек хис қилар эдим. Мен уни яхши гапириб, тушунтириб рўмолини ўрамасликка кўндириш учун олиб қолгандим аслида. Энди эса, нима дейишни ҳам, нимани тушунтиришни ҳам билмай қолгандим. Шу пайт Гавҳар опанинг важохатли сўзлари эсимга тушдию секин гап бошладим.

-Бояги сенга каттикрок гапирган аёл бизни директоримиз бўлади. Гавҳар опа исми, ундан хафа бўлмагин хўпми.

-Йўқ, устоз хафа эмасман. Дадам айтганлар, устозлар ўзи яхши бўлишади. Фақат биз таниган Аллоҳни яхши танишмайди. Шунинг учун шунақа қилишади. Пайгамбаримиз С.А.В пайтларида ҳам Аллоҳни танимаган одамлар бўлган экан. Пайгамбаримиз С.А.В ўша одамларни Аллоҳни танишларини дуоларида сўраб, кейин уларга Аллоҳни танитишганида улар таниб олишган экан. Кейин яхши одам бўлиб қолишган экан. Дадам ҳам шундай қилади. Мен ҳам дадамга ўхшаб дуо қиламан. Хечам хафа бўлмайман.

– Опанг Муслимага ўхшаб каттароқ қиз бўлганингда ўрасанг бўлмайдими рўмолни? Хали кичкинасанку. Бундай қайсарлик қилаверсанг директор опамиз яна урушиб беради, кейин яна йиғлайсан.

-Муслима опамдек бўлгунимча ўлиб қолсамчи… Кейин Аллоҳга нима дейман? Боя йиғлаганимда эса, директор опадан эмас Аллоҳдан қўрқиб йиғладим. Аллоҳдан қўрқиб йиғласам Аллоҳ мени ва ота-онамни гуноҳларимизни кечиради ва бизга жаннатдан катта уй беради.

Бу гаплардан кейин хеч кандай тушунтириш ишларига хожат ҳам, хоҳиш ҳам колмади менда. Қалбимда шу кичкинагина қизалоққа нисбатан қандайдир кучли меҳр ва фахр туйғулари уйғонган эди. Сухбатимизни шу ерда якунлаб Таснимани қўлларидан тутиб кўчада кутиб турган акасига топширдим. Рўмол хақида хеч нарса демадим.

Мана бу воқеага ҳам роппа-роса бир йил тўлди. Директордан қочиб, беркиниб, комиссия келганида шкаф ичига беркитиб, кўриб қолишганда эса эшитадиганимни эшитиб бир йилни ўтказдим. Лекин мен шу бир йил ичида унга хеч ҳам рўмолингни еч деб айтмадим. Аксинча ундаги қийинчиликларни енгишда ёрдам бериб келяпман. Бу ишни мен қалбимни хотиржам бўлиши учун қиляпман десам адашмайман. Бу ишимдан жуда хурсанд бўлиб кетаман. Синфдошлари ҳам Таснимани жуда яхши кўришади. Синфга директор ёки бегона бир киши келаётганини кўришса дарров уни огохлантириб шкафга беркитишади.

Мени эса бир савол қийнайди. Қачонгача бу ҳолат давом этади??? Юртимизда ўз динимизга ашаддий қаршилик асосидаги сиёсат қачон ўзгаради?? Қачонгача динимизга яшириниб амал қиламиз, қачонгача қочиб юрамиз?? Аҳир ҳаммамиз мусулмонмиз. Исломга тўла иймон келтирганмиз. Нега ўз динимиздаги қадриятларга қарши курашишимиз керак?? Бошидаги рўмолини биров мажбурлаб ечиб олса Аллоҳдан қурқиб йиғлайдиган кичкина қизалоқчалик ҳам бўла олмаймизми?? Нега бундай ақлсизликлар, адолатсизликлар, муқаддас динимизга қаршиликлар авжига чиқиб кетмоқда?? Бу ишлар юзасидан бошлиқларимиздан хисоб талаб қиладиган вақт етиб келмадимикан?? Яна энг ёмони бу ишларда энг кўп гуноҳни бўйнига олишга мажбур бўлаётганлар айнан ўкитувчилар бўлиб қолмоқда! Рўмолга қарши бевосита курашаётган ҳам, болаларни масжидлардан, Аллоҳга ибодат қилишдан тўсаётганлар ҳам, жума кунлари мусулмонлар жамоасига балодек кўриниб масжид эшигида қайси мактаб боласи келар экан деб пойлоқчилик қилаётганлар ҳам, “тепадан” келган буйруқ асосида соҳталаштирилган терроризм, экстремизм хавфини бўрттириб кўрсатиб дарслар ўтаётганлар ҳам ўқитувчилардир. Афсуски мен ҳам шулар қаторидаман. Иложи борича гуноҳлардан қочишга ҳаракат килсамда, бу ишларни олдини олиш қўлимдан келмагани учун ўзимни ёмон кўриб кетаман. Мен қатори бир нечта хамкасбларим ҳам бу ҳолатлардан қаттиқ норозилар. Лекин дардимиз ичимизда. Шу фурсатдан фойдаланиб Ўзбекистондаги барча ўқитувчиларга шуни эслатиб қўймокчиман.

Эй хамкасбларим!!! Мени Таснима қизалоғим айтганидек бизлар ҳам мусулмонлармиз. Аллоҳ бизни ер юзида Ўзигагина итоат қилишимиз учун яратган. Бошлиқларимизнинг буюрганларини бажариб Аллоҳнинг кўрсатмаларини оёқости қилмайлик. Бир кун келиб барчамизнинг бу дунёдаги ҳаётимиз тугайди. Бизга имтихон учун берилган фурсат ўтиб бормоқда. Динимизга ашаддий қаршилик қилаётганлар ким бўлишидан қатъий назар бир кун келиб Жаханнам каърига равона бўлишади, агар уларга эргашаверсак бизни ҳам ўзлари билан тортиб кетишади. Шундай хотимадан қўрқишга чақираман сизларни. Бу қийин ишдир, лекин Аллоҳ бизларга тоқатимиздан ортиқ ишни юкламаган. Совет давридаги динга қарши сиёсатни ўзининг амалларига дастур қилиб олган ўқитувчиларни динсиз ҳукумат қулагач одамлар лаънат ва қаттиқ ёмон кўриш билан эслашганини гувоҳи бўлганмиз. Давлатлар, ҳукуматлар, сиёсатлар ўзгаради. Лекин Ислом динимизнинг кўрсатмалари хеч қачон бекор бўлмайди. Бу ўзгаришлар эса Аллоҳнинг бизни синаш учун юборган синовидир.

Мусулмон фарзандларини динга амал қилишдан тўсиш борасида Аллоҳдан қўрқинглар!!!

Ўзбекистон Ҳизб ут-Таҳрирининг медиа офиси аёллар бўлими

Омина Рашидова

01.10.2015й.