بِسْمِ اللهِ الرَّحْمنِ الرَّحِيمِ

Рамазон ойи фурқон ойи

شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ

«Рамазон ойидирки, бу ойда одамлар учун ҳидоят бўлиб, ҳидоят ва фурқон (ҳақ билан ботилни ажратгувчи)нинг очиқ оятлари бўлиб, Қуръон нозил қилинган, бас, сизлардан ким бу ойга ҳозир бўлса, рўза тутсин» [Бақара 185]

Аллоҳ Таоло ҳақ ва ботил ўртасини ажратувчи, одамларни ҳидоятлаб, зулматлардан нурга чиқувчи Қуръони Каримда Рамазонни буюк ой қилди. Ушбу ойни улуғлаш Аллоҳнинг оятларини улуғлаш билан ҳамда Аллоҳнинг буйруқларига риоя қилиш ва қайтарган ишларидан қайтиш орқали аҳкомларини улуғлаш билан бўлади.

Аслида, рўза тақвони зиёда қилади:

يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ

«Эй мўминлар, тақволи кишилар бўлишингиз учун сизлардан илгари ўтганларга фарз қилингани каби сизларга ҳам рўза тутиш фарз қилинди»  [Бақара 183]

Умид қиламизки, Рамазон ойи мусулмонларни Аллоҳга мустаҳкам боғловчи, Аллоҳнинг даргоҳида даражотларини кўтарувчи бўлсин.

Эй мусулмонлар!

Аллоҳ Таоло Қуръони Каримни одамлар ўртасида ҳукм қилиш учун нозил қилди:

إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللّهُ

«Албатта, Биз сизга ушбу ҳақ Китобни одамлар орасида Аллоҳ қўрсатган йўл билан ҳукм этишингиз учун нозил қилдик»  [Нисо 105]

Муҳаммад САВни одамлар ўртасида динни барпо этиш учун юборди. Аллоҳ Субҳанаҳу бундай деди:

شَرَعَ لَكُم مِّنَ الدِّينِ مَا وَصَّى بِهِ نُوحاً وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَى وَعِيسَى أَنْ أَقِيمُوا الدِّينَ وَلَا تَتَفَرَّقُوا فِيهِ

«(Эй мўминлар, Аллоҳ) динни барпо қилинглар ва унда бўлиниб кетманглар, (дея) диндан сизга ҳам Нуҳга буюрган нарсани ва Биз сизга ваҳий қилган нарсани, (шунингдек) Биз Иброҳим, Мусо ва Исога буюрган нарсани – шариат қилди»   [Шуро 13]

Қуръони Карим Аллоҳ Таоло бутун оламга огоҳлантирувчи қилиб, кофирлар, осийлар ва мунофиқларга қўрқитувчи қилиб нозил қилган фурқондир:

تَبَارَكَ الَّذِي نَزَّلَ الْفُرْقَانَ عَلَى عَبْدِهِ لِيَكُونَ لِلْعَالَمِينَ نَذِيراً  

«Бутун оламни (охират азобидан) огоҳлантирувчи бўлсин деб Ўз бандасига Фурқон-Қуръон нозил қилган зот – Аллоҳ баракотли – Буюкдир»    [Фурқон 1]

Қуръони Карим солиҳ амалларни қилувчи тақво эгаларига хушхабар беради:

إِنَّ هَـذَا الْقُرْآنَ يِهْدِي لِلَّتِي هِيَ أَقْوَمُ وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْراً كَبِيراً

«Албатта, бу Қуръон энг тўғри йўлга ҳидоят қилур ва яхши амалларни қиладиган мўминларга катта ажр-мукофот борлигини(нг) хуш хабар(ини) берур»    [Исро 9]

Эй мусулмонлар!

Албатта, ушбу Қуръон энг тўғри йўлга ҳидоят қилади ва сизни унинг оятларини ва Набиййингиз суннатларини ҳукмрон қилишга даъват қилади. Зеро, Аллоҳнинг аҳком ва оятлари сизга – биз оёқ ости қилинмоқдамиз, дея кечаю кундуз нола қилмоқда. Ахир, сиз судхўрлик ҳақидаги оятни ўқий туриб, процентли қарзлар билан одамларни ҳалок этаётган банкларга қарши бирор сўз айтяпсизми? Аллоҳ нозил қилган нарсалар билан ҳукм юритиш тўғрисидаги оятларни ўқий туриб, тоғут ҳукмдорларни устингиздан динсизлик қонунлари билан ҳукм юритишдан қайтаряпсизми?!

Ислом олдидаги жавобгарлигингиз жуда катта. Чунки Аллоҳ Ўз Росули САВга ваҳи нозил қилди, сўнг ул зотдан кейин, сизга уни етказиш ва татбиқ қилиш амонатини юклади. Шу боис сиз динни барпо этишга жавобгарсиз. Бу сизга Халифаликни барпо этишга даъват қилаётган зотлар билан бир жону бир тан бўлиб ҳаракат қилишни буюради. Зотан, Росулимиз САВнинг ўзлари ушбу Пайғамбарлик минҳожи асосидаги Халифаликнинг қайта барпо бўлиши тўғрисида башорат берганлар. Чунки у инсонлар ўртасида адолат ўрнатади, мазлумларга ёрдам беради, жазо-ҳадларини ижро этади, муқаддас жойларимизни озод қилади, кофирлар макрини қайтаради, Ислом учун ва Аллоҳнинг калимасини олий қилиш учун нусрат бериш сари армияларимизни сафарбар қилади.

Эй муборак замин аҳли!

Яҳудийлар ва тоғут ҳукмдорлар ушбу муборак заминингизни оёқ ости қилмоқда. Биз, сиз билан бирга Исломнинг буюк дахлсиз жойларининг биридан жавобгармиз. Бас, шундай экан, Исломни ва мусулмонлар қудратини асосий масалангизга айлантиринг. Муборак Рамазон ойида Ислом овозининг ушбу муборак заминда юксак бўлиб туришини сақлаб қолишга, динингизда собит туришга, воз кечиш ва таслим бўлиш лойиҳаларини рад этишга, динни барпо этиш ва Ақсо масжидини босқинчилардан озод этишга мусулмонларни ва армияларни нусратга чақиришга аҳд-паймон қилинг. Қудратли Аллоҳга чуқур ишончда бўлинг, У нақадар яхши хожангиз, нақадар яхши нусрат берувчингиздир.

يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ

«Эй мўминлар, агар Аллоҳга ёрдам берсангиз, У ҳам сизга нусрат-ёрдам беради ва кадамларингизни собит қилади» [Муҳаммад 7]

Ҳизб ут-Таҳрир                                                                           9 рамазон 1436ҳ

Фаластин                                                                                     26 июн 2015м