بِسْمِ اللهِ الرَّحْمٰنِ الرَّحِيم

Иордания суд тизими яҳудийлар вужуди билан газ шартномаси имзоланишини қонунийлаштирди

Суд душанба куни чиқарган ўзининг қарорида ҳуқуқий нормаларга таяниб, миллий электроэнергетика компанияси – гарчи унинг барча акциялари давлатга тегишли бўлса-да – бу унга давлат муассасаси мақомини бермайди, шунинг учун у давлатнинг умумий маъмуриятига бўйсунмайди, дея таъкидлади.

Шартнома матнида айтилишича, Иордания ўн беш йил давомида тахминан 15 миллиард доллар қийматида газ етказиб беради. Жаҳон нархларининг пастлиги ва муқобил манбалар мавжудлигини ҳисобга олганда бу улкан миқдор, деб ҳисобланади.

Шартномада жазо шартлари белгилангани ҳамда шартнома бекор этилган ва Иордания қонунларига риоя қилинмаган тақдирда 1.5 миллиард доллар жарима солиниши айтилди.

Роя газетаси шарҳи:

Бу шартнома Иордания аҳли манфаатларига зидлигидан ташқари, яҳудийлар вужуди манфаатларига хизмат қилади. Бироқ Иордания суди бундай хоинона шартномани амалга оширишда Иордания режимига бўйсунишни ўзига муносиб кўрди. Ҳатто бу суд айни шартномани АҚШ кўрсатмасига биноан иш тутаётган режимни ноқулай аҳволдан қутқарувчи юридик нормалар ёрдамида қонунийлаштиришга уриняпти. Зеро, бу шартномага АҚШ раҳнамолик қиляпти ва Иордания режимининг унга риоя қилишига кафолат беряпти. Яъни айни шартномада «Noble Energy» АҚШ воситачи компанияси Иорданиянинг шартнома бекор қилинган тақдирда 1.5 миллиард доллар жарима тўланиши шарт қилингани сабабли ундан асло воз кечмаслигига кафолат берган.

Бу жинояткор режимга, унинг коррупцияси ва тил бириктирувларига қарши курашиш суд, ҳукумат, вакиллар палатаси сингари шу режим гумашталарига мурожаат қилиш билан бўлмайди. Балки мустамлакачи Ғарбга қул бўлган шу режимни илдизи билан қўпориб ташлашга ҳаракат қилиш ҳамда муборак Фаластин заминини озод этиш учун армияларни ҳаракатга келтириш билан амалга ошади. Ана шунда нафақат айни хоинона шартнома бекор қилинади, балки бутун манфур яҳудийдар вужуди йўқ қилинади.

Роя газетасининг 2019 йил 25 сентябр чоршанба кунги 253-сонидан