بِسْمِ اللَّـهِ الرَّحْمَـٰنِ الرَّحِيمِ

Ўзбекистонда даъват аҳлини азоблаш ва қатл қилишга қачон чек қўйилади?!

Бутун дунёга маълумки, охиратини беш кунлик арзимас дунёси эвазига алмаштирган ҳокимлар ҳамда хавфсизлик ва ҳуқуқ-тартибот органлар ходимларидан иборат жиноятчи тўда тоғут Каримов бошчилигида қарийб йигирма беш йилдан буён Ўзбекистондаги Ислом ва мусулмонларга, хусусан Ислом даъватини кўтариб чиқувчиларга қарши ашаддий курашини давом эттирмоқда.

Бу курашда МХХ ва бошқа кучишлатар тузилмалари ходимлари мусулмон халқимизга, хусусан унинг даъватчи фарзандларига қарши кўз кўриб, қулоқ эшитмаган азобларни қўлламоқдалар. Ваҳоланки, бундай тазйиқ ва таъқиблар бирор сония тўхтагани, сусайгани ҳам йўқ, аксинча янада ифлосроқ суратда давом этмоқда. Меҳр-шавқатдан, ҳатто оддий инсонийлик туйғуларидан ҳам мутлоқ бегоналашиб кетган ёвуз Каримов, чорак аср давомида мунтазам қўллаб келган азоб-уқуботлари сабабли инсоният тарихида малъун Фиръавн, Абу Жахл, Абу Лаҳаб, Мустафо Камол каби лаънат эгалари қаторида номи зикр этилажак, ин ша Аллох!

Ўзбекистондаги барча жазони ижро этиш муассасаларида Ҳизб ут-Таҳрир йигитлари ҳамда даъватни кўтариб чиқувчи холис мусулмонларга нисбатан қўлланилаётган азобларнинг охири кўринмаётир. Жумладан, тинимсиз калтаклаш, руҳан эзиш, энг оғир юмушларга мажбур қилиш, оч қўйиш ва “касалсан” дея, орттирилган иммунитет танқислиги синдроми (ОИТС — СПИД) вирусини юқтириш мақсадида ОИТС билан касалланган кимсаларга ишлатилган шприцлар билан укол қилиш, ибодат қилгани ёки бошқа арзимас айбларни рўкач қилиб жазолаш изолятори ва карцерларга ташлаш, шунингдек, энг сўнгги услублардан яна бири темир каравотларга эрталабдан то кечга қадар боғлаб қўйиш каби жирканч услубларда сурункали азобламоқдалар.

Каримовнинг журналистлар билан қилган очиқ мулоқотида ота-оналарга таҳдид қилган ҳолда: Фарзандларингни ҳизбдан қайтаринглар, акс ҳолда “насилька” да юбораман деган эди. Ҳа, унинг ушбу сўзлари ҳамон амалда, яъни Ислом ва мусулмонларга бўлган чуқур адовати ҳамон сўнгани йўқ ва сўнмайди ҳам! Шунингдек, жазони ижро этиш муассасалари (ЖИЭМ) даги ўз инсоний қадр-қийматини елкаларидаги погонларига алмашиб улгурган раҳбарлар томонидан эътиқоди туфайли қамалган маҳбусларга қарата: “Сенларни ҳар бир сўзингдан сиёсатни ҳиди келмоқда”, “Сенлар бу ердан тирик чиқиб кетмайсанлар”, “Кечирим сўрасаларинг ҳам, сўрамасаларинг ҳам фарқи йўқ, барибир сенларни ўлдирамиз” дея, очиқдан-очиқ қилаётган таҳдидларининг ўзиёқ, Каримов ҳукуматининг ҳамда унинг содиқ малайларининг қалбларидаги мараз ниятларини очиқ баён этиб турибди.

Аллоҳ Таоло бундай кимсаларни мусулмонларга нисбатан адоватларини ўз каломида шундай сифатлайди:

قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ

  – “Уларнинг сизларни ёмон кўришлари оғизларидан ошкор бўлди. Дилларидаги адоватлари эса янада каттароқдир”.     (3:118)

Фикримизнинг далили сифатида шуни айтамизки, қотил режимнинг аввалда қатл этган юзлаб мусулмонларга қўшимча равишда жорий йилнинг ўтган тўрт ойида ваҳшийларча қийнаб ўлдирилган Ҳизб ут-Таҳрир партияси йигитларининг исм-шарифларини келтириб ўтамиз:

Холматов Икромжон Довутович. 1979 йил Андижон вилояти, Қорасув шаҳрида туғилган.

Хасанов Маҳмуджон Нўмонович. 1974 йил Андижон шаҳрида туғилган.

Ан Евгений. Ушбу Корейс миллатига мансуб биродаримиз, Косондаги 64/51 сонли муассасадан чиқди.

Ўрмонов Қахрамон ҳам жонсиз жасади 3 январь куни Косондаги 64/51 сонли муассасадан оила аъзоларига тапширилди.

Аллоҳ Субҳанаҳу эътиқодлари йўлида қатл этилганларни тириклар дея зикр этиб, шундай дейди:

– “Аллоҳ йўлидаги жангда ўлдирилган зотларни ҳаргиз ўликлар деб ўйламанг! Йўқ, улар тириклардир! У зотлар Аллоҳ ўз фазлу карами билан берган неъматлардан хушнуд ҳолларида баҳраманд бўлмоқдалар ва ҳали ортларидан етиб келмаган биродарларига ҳеч қандай хавфу хатар йўқлиги ва ғамгин бўлмасликлари ҳақида хушхабар бермоқдалар”.                                                                   (3:169-170)

(Аллоҳдан ушбу қатл қилинган барча биродарларимизга шаҳидлик мақомини беришини илтижо қилиб қоламиз).

Мусулмонлар қонига ташна ушбу  жиноятчи тўда ўзларини оқлаш учун ҳизб йигитларининг тилларидан, “Мен ватан хоиниман”, “Мен ҳукуматга қаршиман”, “Одамларни кўргани кўзим йўқ”, “Ота-онам ва оиламдан воз кечдим”  деб сўзлашга, ёзишга ва имзо чекишга мажбур қилмоқдалар. Бунга эришишда эса, улар ҳар қандай услубни қўллашдан тоймаяпти. Ойнаи жаҳон орқалигина инсон қиёфасида пайдо бўлиб, ўзини халқпарвар қилиб кўрсатишга уринаётган Каримовнинг холис мусулмонларга қилаётган ушбу жирканч ишларидан унинг нақадар жирканч ва нопок кимса эканлиги яққол кўринмоқда.

Демократия даъвосидаги Каримов ва унга содиқ малай ижрочилари мусулмонлардан фақатгина “Роббим Аллоҳ” деганлари учун ўч олмоқда.

                                                  وَمَا نَقَمُوا مِنْهُمْ إِلاَّ أَنْ يُؤْمِنُوا بِاللَّهِ الْعَزِيزِ الْحَمِيدِ

– “Улар (мўминлардан) фақат у(мўмин)лар қудрат ва мақтов эгаси бўлган Аллоҳга — осмонлар ва ернинг подшоҳлиги Ўзиники бўлган зотга иймон келтирганлари учунгина ўч олдилар!” (85:8)

Ушбу режимнинг инсон қиёфасидаги ваҳший терговчилари ҳизб йигитларини тергов қилиш давомида аввалги қийноқ усулларига қўшимча янада ваҳшийроқ услублар ўйлаб топиб,  ҳибсдаги йигитларни энг оғир қийноқлар остида сўроққа тутмоқда. Тергов пайтида ҳизб йигитларини итларга талатиш, зўрлаш билан таҳдид қилиш ва яланғоч ҳолатда қутурган каламушлар солинган идишга ўтқазиб сўроққа тутиш каби ваҳшиёна услубларни қўлламоқдалар.

Аллоҳ Таоло айтади:

إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآخِرَةِ وَأَعَدَّ لَهُمْ عَذَاباً مُّهِيناً * وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَاناً وَإِثـْماً مُّبِيناً

– “Албатта, Оллоҳга ва Унинг пайғамбарига озор берадиган кимсаларни Оллоҳ дунёда ҳам, охиратда ҳам лаънатлагандир ва улар учун хор қилгувчи азобни тайёрлаб қўйгандир. Мўмин ва мўминаларга бирон гуноҳ қилмасликларидан озор берадиган кимсалар ҳам бўҳтон ва очиқ гуноҳни ўз устларига олибдилар”.                                                                                                             (33:57,58)

Бироқ шунча тазйиқлар, таҳдиду таъқиблар, қамашлар, қийноққа солишларга қарамасдан, сабр қилиб, Аллоҳ ризосини умид қилиб шаҳид бўлаётганликларига қарамасдан, Аллоҳ Субҳанаҳу ва Таолонинг фазли ¬карами ила Ҳизб ут-Таҳрир жамоасининг Ўзбекистондаги йигит ва қизлари ҳолдан тойганлари йўқ, ин ша Аллоҳ тоймайдилар ҳам, аксинча, буларнинг ҳаммаси уларни ўз ҳизбларини ва унинг даъватини янада маҳкамроқ ушлайдиган, унинг ғоясини рўёбга чиқаришда янада қаттиқ турадиган мақомга эриштирди. Ҳа, Каримов Аллоҳ ва унинг дўстлари бўлган даъват аҳлига макр қилмоқчи бўлди, аммо у ўйлагандек бўлмади. Чунки мусулмонларнинг роббиси бўлган Аллоҳ Субханаҳу улардан кўра маккорроқдир.

وَاللَّهُ خَيْرُ الْمَاكِرِينَ

– “Аллоҳ «макр» қилувчиларнинг яхшисидир“.     (8:30)

Аввало, Ҳизб ут-Таҳрир йигитларининг Умматни уйғотиш ҳамда уларни яшаб турган бузуқ воқеликдан халос этиш йўлида кўрсатган буюк фидоийликлари бўлса, иккинчидан Каримов умматга қарши содир этган зулм, адоват ва ваҳшийликдир. Шу икки нарса одамларни ким ишончга лойиқ, ким хоин, ким дўсту ким душман эканини ажратиб олишга ундади.

Натижада, уммат вакилларини ҳизб тарафига шаҳдам қадам ташлаб, унинг атрофига жипслашадиган ҳамда ҳизб йигитларини худди ўз фарзандлари каби бағрларига босадиган қилиб қўйди. Хукуматнинг ОАВ орқали туҳмату-бўхтонлари хам хақақатни синдира олмади. Аксинча, ҳизбга аъзо бўлишга интилаётганлар ҳам келажакда улар бу йўлда зулмлар ва машаққатларга дуч келишларини кўриб, ҳис этиб турсаларда, Аллоҳ Субҳанаҳу ва Таолонинг динига ёрдам бериш йўлида ҳар қанча молу жонларини қурбон қилишга тайёр эканларини намоён қилиб, ҳамон журъат ва шижоатлари сўнмай, аксинча янада ортган ҳолда сабот билан фаолиятларини давом эттирмоқдалар.

يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ

– “Улар Оллоҳнинг нурини (яъни Исломни) оғизлари (яъни беҳуда гаплари) билан ўчирмоқчи бўлурлар. Оллоҳ эса, гарчи кофирлар истамасалар-да, Ўз нурини (яъни динини) тўла (яъни ҳар тарафга) ёйгувчидир”.     (61:8)

Аллоҳ Субҳанаҳуни изни ила яқин кунда эълон қилинажак Буюк Халифалик Давлати Каримов ҳукмронлигидаги золимлардан албатта интиқом олгай, Макка фатҳ қилинган даврда Каъба деворларига ёпишиб олган тақдирларида ҳам ўч олиниши айтилганлар сингари! Чорак асрдан буён мусулмонларга қилинаётган зулмлар, бу мазлум халқнинг ўч-интиқом олишга мажбур қилиб қўйди. Оллоҳ Таоло айтади:

وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ

– “Золим кимсалар эса яқинда қандай оқибатга қараб кетаётганларини билиб олурлар”.                                                                                                      (26:227)

Каримов ва унинг эркаклик ғурурини йўқотган малайлари Ислом даъватини кўтариб чиқаётган эркакларнигина қамаш ва қийноққа солиш билан чекланмай, ҳар қандай инсонийликни ҳатлаб ўтиб, муслима аёлларга ҳам тажовуз қилиб, эътиқод ва фикрлари учун уларни ҳам зиндонбанд қилмоқда.

Биз бундай жиноятларни амалга ошираётган жиноятчи Каримов ва унинг ҳамиятсиз жаллодларига лаънатлар айтар эканмиз, муслима опа-сингилларимизга, Аллоҳ йўлида қийноққа дучор бўлаётган барча мазлум мусулмонларга, “Сабр қилинглар” деб айтамиз. Иймон-эътиқодингизни маҳкам ушлаган ҳолда сабр қилинглар, зеро Аллоҳ сабр қилгувчилар билан биргадир:

لَتُبْلَوُنَّ فِي أَمْوَالِكُمْ وَأَنْفُسِكُمْ وَلَتَسْمَعُنَّ مِنْ الَّذِينَ أُوتُوا الْكِتَابَ مِنْ قَبْلِكُمْ وَمِنْ الَّذِينَ أَشْرَكُوا أَذًى كَثِيرًا وَإِنْ تَصْبِرُوا وَتَتَّقُوا فَإِنَّ ذَلِكَ مِنْ عَزْمِ الآمُورِ

– “(Эй мўминлар), албатта молу жонларингизда имтиҳон қилинурсизлар (яъни, Аллоҳ Таоло мол ва жонларингизга хилма-хил офату балолар юбориб, сизларнинг иймонингизни текшириб кўрар) ва албатта сизлардан илгари китоб берилган кимсалар томонидан ва мушриклар томонидан кўп азият ва маломатлар эшитажаксизлар. Агар (озорларига) сабр-тоқат қилсангизлар ва Аллоҳдан қўрқсангизлар (нажот топурсиз). Чунки бу иш (яъни, сабр-тоқатли бўлиб, Аллоҳдан қўрқиш) ишларнинг мақсадга мувофиғидир”. (3:186)

Ҳизб ут-Таҳрирнинг Ўзбекистондаги медиа офиси Зайниддин

27.04.2016й.

0

0