بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Мусулмонлар азоб-уқубатлари ва уларнинг денгизга ғарқ бўлишлари зараркунанда ҳукуматлар соясида ва Ислом бошқаруви йўқ бўлган бугунги кунда давом этаверади

Ўрта Ер денгизида 24 соат ичида 730дан зиёд муҳожир қутқарилди

Италия соҳилбўйи қўриқлаш хизмати ва ноҳукумат ташкилотлари шанба-якшанба кунлари Ўрта Ер денгизининг Ливия яқинида 24 соат ичида 730дан зиёд муҳожирни қутқариш ишлари ўтказилганини, лекин икки аёлнинг денгизда бир неча соат туриши ортидан тана ҳарорати пастлаб кетиши оқибатида вафот этганини билдирди.

Қутқарув амалиёти шанба эрталабдан якшанба эрталабгача бўлган вақт мобайнида катта ҳажмдаги бешта резина қайиқлар ҳамда яна бешта ёғочли ва резинали кичик ҳажмдаги қайиқлар ёрдамида ўтказилган.

Шанба куни «Чегарабилмас Шифокорлар» каби ташкилотларга хизмат қилувчи «Аквариус» кемаси сувга тушиб кетган муҳожирларни қутқарди.

Бунинг акси ўлароқ, қутқарув гуруҳи шанбадан якшанбага ўтар кечаси икки аёлни қутқаришга муваффақ бўлолмадилар. Бортида ушбу икки аёл қолган катта қайиқларни денгиз ўз қаърига тортди…

Қутқарувчилар билан муҳожирлар якшанба куни Италияга йўл олдилар. Бу юрт соҳилларига жорий йилда 173 мингдан зиёд муҳожир етиб борган бўлиб, айни кўрсаткич аввалги йилгига нисбатан 12 % кўп ҳисобланади.

БМТнинг таъкидлашича, биргина шу йилнинг ўзида Ўрта Ер денгизини кечиб ўтаётиб қурбон бўлган муҳожирлар сони 4700 кишини ташкил этади. (Скай-Ньюс арабийя).

Роя газетасининг 2016 йил 6 декабр чоршанба кунги 107-сонидан