Ҳомилани олдиндан жинсини белгилаш тўғрисидаги саволга жавоб

Сайтимиз электрон почтасига  Huzayfa исмли мухлисимиздан келган саволга жавоб.

 Савол:

 Ассалому алайкум. Менда ўғил фарзанд кўриш ҳақида савол бор эди.  Аёлимни ўғил кўриш ниятида табибга олиб борсам бўладими? Ҳомила 3 ойлик бўлганда келинг, мен ҳомилани ўғил туғилишига ёрдам қиламан деганди. Бунинг шаръий хукми кандай бўлади? Жавоб учун олдиндан рахмат.

Жавоб:

بسم الله الرحمن الرحيم

 يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ ۖ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ۚ ذَٰلِكَ خَيْرٌ وَأَحْسَنُ تَأْوِيلًا

“Эй иймон келтирганлар, Аллоҳга итоат қилинг ва пайғамбарга ҳамда ўзларингиздан бўлган (яъни мусулмон бўлиб Аллоҳнинг ҳукмларини татбиқ қилаётган) ҳокимларга бўйинсунинг! Бордию бирон муаммога дуч келсангиз,— агар ҳақиқатан Аллоҳга ва охират кунига ишонсангиз — у муаммони Аллоҳга ва пайғамбарига қайтаринг! Мана шу яхшироқ ва чиройлироқ ечимдир”. (Нисо. 59)

Ва алайкум ассалом ва роҳматуллоҳи. Она қорнида инсонни яратилиши тўрғисида ва инсонларнинг бу мавзуга қандай муносабатда бўлишлари тўғрисида ҳам Ислом мабдаси аниқ ечимларни берган. Она қорнидаги ҳомиланинг жинси ҳақида маълумот билиш, унинг яратилишида таъсир ўтказиб, ўғил ёки қиз туғилишига ҳаракат қилиш каби ишларнинг барчаси Аллоҳ Таъоло ўзига хослаган ишлар бўлиб, бу каби ишларнинг биронтасига на инсон зоти ва на бошқа бир мавжудотнинг таъсири бўлиши мумкин эмас.

Ҳомиланинг жинси ҳақида олдиндан билиш бу инсондан яширинган, ғайб илмига тегишли муълумот бўлиб, ғайб оламига фақатгина Аллоҳнинг ўзи билимдон, фақатгина Унинг ўзи олимдир. Бу тўғрида Аллоҳ Таъоло бир неча оятларда зикр қилган:

وَعِنْدَهُ مَفَاتِحُ الْغَيْبِ لَا يَعْلَمُهَا إِلَّا هُوَ ۚ وَيَعْلَمُ مَا فِي الْبَرِّ وَالْبَحْرِ ۚ وَمَا تَسْقُطُ مِنْ وَرَقَةٍ إِلَّا يَعْلَمُهَا وَلَا حَبَّةٍ فِي ظُلُمَاتِ الْأَرْضِ وَلَا رَطْبٍ وَلَا يَابِسٍ إِلَّا فِي كِتَابٍ مُبِينٍ

 “Ғайбнинг калитлари Унинг ҳузурида бўлиб, Уларни унинг Ўзидан бошқа ҳеч ким билмас. У ердаги, қуруқлик ва денгиздаги нарсаларни биладир. Битта япроқ узилиб тушмайдики, магар уни ҳам биладир. Ер тубидаги бир дона дон борми, ҳўлу қуруқ борми, барчаси очиқ китобда бордир”. (Анъом. 59) очиқ китобдан мурод “Лавҳул маҳфуз”дир.

قُلْ لَا يَعْلَمُ مَنْ فِي السَّمَاوَاتِ وَالْأَرْضِ الْغَيْبَ إِلَّا اللَّهُ ۚ وَمَا يَشْعُرُونَ أَيَّانَ يُبْعَثُونَ

 “Сен: “Осмонлару ерда Аллоҳдан бошқа ҳеч ким ғайбни билмас”, деб айт. Улар қачон қайта тирилтирилишларини ҳам сезмаслар”. (Намл. 65) 

 Фақатгина Аллоҳ Таъоло ўзи хоҳлаган пайғамбарига инсонлардан ғойибда бўлган, яъни инсонларнинг билишга имконлари бўлмаган ишларни, агар Аллоҳ Таъоло ўша иш даъватни етказиш ишида керакли деб ирода қилган бўлсагина, билдириши мумкинлигини айтган. Бу пайғамбарларнинг ўзларига хосланган ишдир.

عَالِمُ الْغَيْبِ فَلَا يُظْهِرُ عَلَىٰ غَيْبِهِ أَحَدًا * إِلَّا مَنِ ارْتَضَىٰ مِنْ رَسُولٍ فَإِنَّهُ يَسْلُكُ مِنْ بَيْنِ يَدَيْهِ وَمِنْ خَلْفِهِ رَصَدًا * لِيَعْلَمَ أَنْ قَدْ أَبْلَغُوا رِسَالَاتِ رَبِّهِمْ وَأَحَاطَ بِمَا لَدَيْهِمْ وَأَحْصَىٰ كُلَّ شَيْءٍ عَدَدًا

 “У ғайбни билувчидир ва ҳеч кимни Ўз ғойбидан хабардор қилмайди. Магар Ўзи рози бўлган Пайғамбарлар. Албатта Аллоҳ унинг олдидан ҳам, ортидан ҳам кузатиб юрувчи қўйиб қўядир. Пайғамбарлар ўз Роббиси рисолаларини (етказилиш керак бўлган даъватни) дарҳақиқат етказганликларини билиш учун ва Аллоҳ бандалар ҳузуридаги барча нарсани иҳота қилиб олганлигини ва ҳамма нарсани адади, ҳисобини қилганлигини билиш учун, деб айт”. (Жин. 26-28)

 Пайғамбар соллаллоҳу алайҳи ва салламнинг баъзи саҳобаларни жаннатга кириш ҳақида хабар берганлари, жаннатдаги ҳолатлар, жаҳаннамдаги ҳолатлардан хабар беришлари мана шу йўсиндаги хабарлардир.

 Ҳомиланинг жинсини олдиндан билиш эса, инсон хабардор бўлиши имкон бўлмаган, инсондан яширин ғайбда бўлган ишлардандир. Чунки ҳомила устида қилинадиган текширувларда, текшираётган асбоб ҳомиланинг яратилиш, ривожланиш ҳолатларини аниқ ҳисоб-китоб билан кўриб кузата олмайди, балки ҳомиланинг ўлчамларидан хулоса қилган ҳолда, ўғил ёки қиз деган тахмин-гумонни қилади. Мусулмонлар тахмин-гумонларга эргашишдан қайтарилганлар.

يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ

 “Эй иймон келтирганлар! Кўп гумонлардан четда бўлинглар, чунки баъзи гумонлар гуноҳдир”. (Ҳужурот. 12)

Ҳомиланинг жинсини инсонлар олдиндан билишлари, ёки унинг яратилишига таъсир ўтказиш тўғрисида Аллоҳ Таъоло қуйидагиларни айтади:

إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ ۖ وَمَا تَدْرِي نَفْسٌ مَاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ

 “Албатта, соат (қиёмат) илми ёлғиз Аллоҳнинг ҳузуридадир. Ёмғирни У ёғдирур. Бачадонлардаги нарсани ҳам У билур. Ҳеч бир жон эртага нима касб қилишини билмас. Ҳеч бир жон қайси ерда ўлишини ҳам билмас. Албатта, Аллоҳ ўта билгувчи ва ўта хабардордир”. (Луқмон. 34)

أن النبي صلى الله عليه وسلم قال : مفاتيح الغيب خمس لا يعلمها إلا الله: لا يعلم ما في غد إلا الله ولا يعلم ما تغيض الأرحام إلا الله ولا يعلم متى يأتي المطر إلا الله ولا تدري نفس بأي أرض تموت ولا يعلم متى تقوم الساعة إلا الله

 Пайғамбар соллаллоҳу алайҳи ва саллам дедилар: “Ғайбнинг калитлари бешта бўлиб уларни Аллоҳдан бошқа бирор бир мавжудот била олмайди, улар: Эртага нима бўлишини ҳеч ким билмайди, фақатгина Аллоҳ билади. Бачадонлардан нима туғилишини ҳеч ким билмайди, фақатгина Аллоҳ билади. Ёмғир қачон ёғишини ҳеч ким билмайди, фақатгина Аллоҳ билади. Инсон қаерда қандай ўлишини билмайди ва қиёмат қачон бўлишини ҳам ҳеч ким билмайди, фақатгина Аллоҳ билади”. Бухорий ва Абу Довудлар ривояти. Саҳиҳ.

Ҳомиланинг нима эканини билиш инсоннинг имкониятда эмаслиги шариатда аниқ айтиб турилган бир ҳолатда, ана шу инсон қандай қилиб унинг ўғил ёки қиз туғилишига ўз таъсирини ўтказиши мумкин?! Бу Аллоҳнинг ишига инсон аралашишни даъво қилиш, ўзини Буюк Холиқнинг қаторида кўриш билан бир ҳил эмасми?!

 Ҳомиланинг жинисини олдиндан айтиш масаласига турли мужтаҳидлар турли таъвилларни келтиришлари ортидан, баъзи мусулмонлар жинсни одлиндан билишга уринадилар ва баъзи мусулмонлар шу иш билан шуғулланадилар ҳам. Бундай ҳолатларга ўша таъвил қилаётган, қандайдир далилларни келтираётган мужтаҳидлари жавоб беришини айтишимиз мумкин, лекин ҳомиланинг яратилиш ишига аралашиш, фақатгина Аллоҳнинг ихтиёрида бўлган ишга инсон таъсир ўтказиши ҳақида фикрлаш…, бундай ишни қилаётган инсоннинг, яъни “Мен ҳомилани ўғил ёки қиз туғилишига таъсир ўтказа оламан” деётган инсоннинг қалбида заррачалик бўлсада иймон бор дейиш тўғри бўлмайди. Ундай инсон ақидани ақли билан ечиб олмаган, ақлини ишлатиб Аллоҳнинг борлигини тушунмаган ҳисобланади.

 Хулоса қилиб айтадиган бўлсак, ҳомилани яратилишига таъсир ўтказишини, ўғил туғилишига ёрдам бера олишини айтаётган инсоннинг олдига ёрдам сўраб бориш мусулмон учун шаръан ҳаром, бундай ҳаромдан сақланиш керак. Зеро у одам, Аллоҳнинг ишига аралашишни ихтиёр қилибди, Аллоҳ инсонларга билишга рухсат бермаган соҳани билишини даъво қилибди, Аллоҳ инсонларга аралашишга рухсат бермаган нарсага аралашибди.

إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ

 “Қачон бирон нарсани ирода қилса, Унинг иши “Бўл” демоқликдир, холос. Бас, у нарса бўлур”. (Ёсин. 82)

 Ким ҳомиланинг яратилишига таъсир ўтказишни даъво қилса, ўғил ёки қиз туғилишига ёрдам бера олишини айтса, бас у Аллоҳнинг мазкур оятидаги Ўзига хослаган ишига шерик бўла олишини даъво қилибди. Наъузубиллаҳ.

Валлоҳу аълам.

Ҳизб ут – Таҳрирнинг Ўзбекистондаги медиа офиси. Муслим

28.12.2016й.