Уйғониш тўғрисида туркумидан: Руҳий робита
بسم الله الرحمن الرحيم
Уйғониш тўғрисида туркумидан: Руҳий робита
Инсонларга айнан уйғониш нима эканлигини танитишдан кўзлаган мақсадимиз, улар уйғонишни таниш натижасида уйғониш сари ҳаракат қилсинлар, ин ша Аллоҳ!
Одамларнинг орасини боғлаб туришда робита деб гумон қилинадиган алоқа воситаларидан бири бўлган манфаат асосидаги боғланиш ҳақида гапириб ўтдик. Одамларни бир – бирига боғлашда робита деб гумон қилинадиган алоқа воситаларидан кейингиси руҳий робитадир. Робиталар борасида, фикрларимизни билдиришда давом этар эканмиз, демак, руҳий робита ҳақидаги тўғри тушунчаларни беришга ҳаракат қиламиз.
Руҳий робита – ибодат масалаларидагина кўриниб ҳаёт майдонида хеч қандай ўринга эга бўлмаган алоқа воситасидир.
Яъни бу робита орқали бир – бирлари билан боғланган инсонлар фақатгина ибодат масалаларидагина алоқа ўрнатадилар, холос. Яшаш тарзларидаги бошқа жиҳатларда эса, бир – бирлари билан алоқа қилмайдилар. Бу робита фақат тадайюн ғаризасининг талабини қондириши билангина одамларни бир – бирларига боғлай олади. Яъни, инсонлар ижтимоий жиҳатдан, таълим ва тиббиёт соҳасида, иқтисодий соҳаларда ва бошқа касбий жиҳатларда бир – бирлари билан алоқага киришадилар ва уларнинг ўртасида ҳар хил муаммолар келиб чиқади, руҳий робита эса, инсонларнинг ҳаётидаги муаммоларига ечим бера олмаганлиги учун уларни ҳаёт майдонида бир – бирларига боғлаб туришга ярамайди.
Руҳий робитанинг инсонларни боғлаб туриш ҳолати фақат ибодатда кўринганлиги, бу алоқа воситасини ҳаётдаги амалларнинг айрим қисмларигагина тааллуқли бўла олишини билдиради. Бу робита юқорида англатиб ўтганимиздек инсонларнинг яшаш тарзларидаги барча амалларини қамрай олмайди. Унинг воқелигини очиб беришда ёрқин мисол қилиб Европадаги халқларнинг яшаш тарзини келтиришимиз мумкин. Яъни Европа аҳолисининг аксари насронийлик эътиқоди билан яшашларини биламиз. Лекин уларнинг ҳаётига аҳамият берган инсон насронийлик эътиқодлари орқали фақатгина ибодат масалаларидагини бир – бирлари билан алоқа ўрнатиб, ҳаётнинг бошқа соҳаларида насронийликдан бошқа нарсалар орқали боғланаётганларини кўради. Чунки насронийлик ўз тузумига эга бўлмаган руҳий робита бўлиб, инсонларнинг ҳаётидаги барча муаммоларга ечим бера олмайди.
Демак, барча кўриб ўтганимиз робиталар борасида хулоса қилиб шуни айта оламизки, бу робиталар, инсонларни ҳаётнинг барча соҳаларида боғлаб тура олишга ярамайдиган алоқа воситалари хисобланиб, шунингдек ватандошлик, миллатчилик робиталари инсонларнинг фикрлаш даражаси саёзлашиши ҳамда тор фикрлашлари оқибатида вужудга келгандир. Аввал ҳам айтиб ўтганимиздек, бундай робиталар уйғониш йўлига қадам қўйган, юксалиш йўлини танлаган инсонларни бир – бирига боғлаб туришга ярамайди. Ҳаётда инсон фарзандларини бир – бирига болаб туришга яроқли бўлган тўғри робита – ақлий, ўз тузумига эга бўлган ақидавий робитадир. Уни мабдаий деб ҳам аташ мумкин.
Ҳизб ут-Таҳрирнинг Ўзбекистондаги медиа офиси. Абдуллоҳ
04.01.2017й
