بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Адолатни рўёбга чиқариш Пайғамбарлик минҳожи асосидаги Халифаликни тиклаш учун ҳаракат қилаётганларни дарҳол озод этишни талаб қилади

2016 йил 24 декабрда олий адолат маҳкамаси (суди) раиси Миён Соқиб Наззор: «Сизларга бу ерда қозиликка (судга) бирон босим бўлмаслиги ҳақида ваъда бераман. Бирон кимсанинг биздаги қозилик шаффофлигига зарар етказишга журъат қилишига асло йўл қўймаймиз. Мен бирон дунёвий манфаат учун охиратимни ҳеч қачон қурбон қилмайман» деди. Ҳа, тўғри, одил қози Аллоҳ Субҳанаҳу ва Таоло ризолигига эришиш ва жаннатга кириш учун Ислом билан ҳукм қиладиган қозидир. Исломдан бошқаси билан ҳукм қиладиган кимсанинг ҳолига вой бўлсин! Росулуллоҳ САВ дедилар:

«الْقُضَاةُ ثَلَاثَةٌ: وَاحِدٌ فِي الْجَنَّةِ، وَاثْنَانِ فِي النَّارِ، فَأَمَّا الَّذِي فِي الْجَنَّةِ فَرَجُلٌ عَرَفَ الْحَقَّ فَقَضَى بِهِ، وَرَجُلٌ عَرَفَ الْحَقَّ فَجَارَ فِي الْحُكْمِ، فَهُوَ فِي النَّارِ، وَرَجُلٌ قَضَى لِلنَّاسِ عَلَى جَهْلٍ فَهُوَ فِي النَّارِ»

«Қозилар уч хилдир. Уларнинг биттаси жаннатда, иккитаси дўзахда бўлур. Жаннатий қози ҳақни билган ва унга кўра ҳукм қилган кишидир. Дўзахий қозилар эса биринчиси ҳақни билиб, адолатсиз ҳукм қилган киши бўлса, иккинчиси жоҳил бўла туриб одамларга қозилик қилган кишидир». Бу ҳадисни Абу Довуд ривоят қилди.

Қаттиқ афсуслар бўлсинки, Ислом номи билан таъсис этилган бу мамлакатда ва унинг киром аҳли охират учун қурбон беришга тайёр турган бир пайтда мусулмонлар оммаси, хусусан Пайғамбарлик минҳожи асосидаги Халифаликка даъват қилаётганлар катта зулмдан азият чекмоқдалар. Мусулмонларни уйғотишга ҳаракат қилаётган кишилардан кўпчилиги қаттиқ қийноқдан, жумладан уйқудан маҳрум қилишдан, шафқатсиз калтаклашдан, алаҳсиратувчи препаратлардан, электр токи билан қийнашдан… азият чекмоқда. Халифаликка чақираётганларни судсиз узоқ давр ҳибсда ушлаб турилмоқда. Улардан баъзилари 2012 йил 12 декабрда, яъни икки йилдан кўпроқ вақт олдин ҳибсга олинган бўлса, баъзилари ўғирлаб кетилди. Улардан бири Покистон вилоятидаги Ҳизб ут-Таҳрир расмий нотиғи Навид Баттдир. Унинг дом-дараксиз йўқолганига тўрт ярим йилдан кўпроқ вақт бўлди. Уни 2012 йил 11 майда ўғирлаб кетишган. Шунинг учун биз қозилик раиси ва бошқа қозиларнинг мусулмонларни уйғотиш учун ҳаракат қилаётган мусулмонларни ҳеч иккиланмай ёки кечиктирмай озод қилиш ҳақида ва Аллоҳ йўлида ҳеч бир маломатчининг маломатидан қўрқмасликлари ҳақида берган ваъдаларига ва аҳдларига вафо қилишларини кутамиз.

Ана шу зўравонлик албатта мусулмонларга қарши қилинган бир оғир зулмдир. Чунки Исломни ҳукмрон қилишга ҳаракат қилаётганлар таъқиб этилмоқда. Ваҳоланки Исломни татбиқ этиш вожибдир. Аллоҳ Субҳанаҳу ва Таоло шундай дейди:

وَمَن لَّمْ يَحْكُم بِمَا أَنزَلَ اللَّـهُ فَأُولَـٰئِكَ هُمُ الْكَافِرُونَ

«Кимда-ким Аллоҳ нозил қилган дин билан ҳукм қилмас экан, бас, улар кофирлардир»                                                                                 [Моида 44]

Пайғамбарлик минҳожи асосидаги Халифаликка даъват қилиш аслида бир буюк амалдир. Чунки Халифалик зулмни йўқ қилади. Росулуллоҳ САВ унинг ҳаётга қайтиши ҳақида шундай деб башорат бердилар:

«…ثُمَّ تَكُونُ مُلْكًا جَبْرِيَّةً فَتَكُونُ مَا شَاءَ اللهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلَافَةً عَلَى مِنْهَاجِ النُّبُوَّةِ ثُمَّ سَكَتَ»

«… Сўнг золим–зўравон подшоҳлик бўлади ва у Аллоҳ хоҳлаганча давом этади. Сўнг Аллоҳ Ўзи хоҳлаганда уни кўтаради. Сўнг пайғамбарлик минҳожи асосида Халифалик бўлади. Кейин Пайғамбар САВ сукутга чўмдилар». Бу ҳадисни Аҳмад ривоят қилди.

Бу оғир зулм ҳақиқий жиноятчилар ва энг аввало куфр билан ҳукм юритаётган ва мустамлакачи кофирга малайлик қилиб, ҳамманинг кўз ўнгида Уммат бойликларини талон-тарож қилаётган ҳокимлар эмин-эркин ва озод юришган бир пайтда рўй бермоқда. Бу фожиали манзара қозилик ҳокимиятини қийин ва масхарали аҳволга солиб қўйди. Коррупцияга ботган бу ҳокимлар ўзларининг мансаб курсиларида қолишларида ўзларининг Вашингтондаги хўжайинлари томонидан барча Покистон муассасаларига ўтказилаётган босимларга таянишмоқда. Бу ҳокимлар ана шу хўжайинларини рози қилиш учун кечаю кундуз елиб-югуришмоқда. Ваҳоланки Покистон бошига тушган барча мусибатлар шунинг натижаси бўлди. Аслида бу хавфсизлик хизматларини Пайғамбарлик минҳожи асосидаги Халифаликни тиклашга ҳаракат қилаётганларни таъқиб қилишга мажбур қилган босимнинг айнан ўзидир. Чунки Вашингтон Халифалик тикланишидан қўрқмоқда. Шунинг учун Халифаликни тиклаш учун ҳаракат қилаётганларни ўғирлаб кетиш ва қамоққа ташлаш тўғрисида буйруқ берди.

Эй қозилик ҳокимиятидаги холис кишилар! Генерал Мушаррафнинг 2016 йил мартда адолатдан қочиб қутулишида генерал Раҳилнинг қўли борлиги аниқ бўлиб қолди. Қозиликка бўлган босим Покистондаги энг кучли муассаса қуролли кучлар томонидан бўлди. Қолаверса қозилик ҳозирги низом шароитида ва ҳозирги ҳокимлар даврида Аллоҳ Субҳанаҳу ва Таоло ва Унинг Росули САВ севадиган адолатни рўёбга чиқаришга асло қодир бўлолмайди. Бинобарин зиммангиздаги вожиб вазифа ўз нуфузингизни ишга солиб қуролли кучларимиздаги холис зобитлардан Пайғамбарлик минҳожи асосидаги Халифаликни тиклаш учун Ҳизб ут-Таҳрирга ёрдам беришни талаб қилишдир. Чунки фақат Халифалик тиклансагина ҳамма мусулмонлар интилаётган ҳақиқий адолат рўёбга чиқади. Ўшанда биз одил қозиларнинг ҳозирги ҳокимларни Исломни кўп марта поймол қилишгани бўйича маҳкамага тортиб суд қилишларига гувоҳ бўламиз. Бу судда ҳокимларга Аллоҳ Субҳанаҳу ва Таолони рози қиладиган қаттиқ жазолар қўлланади. Аллоҳнинг азоби эса янада каттадир…

Аллоҳ Таоло деди:

وَلَا تَحْسَبَنَّ اللَّـهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ

«(Эй Муҳаммзд), сиз ҳаргиз: «Аллоҳ золим кимсаларнинг қилаётган амалларидан ғофил», деб ўйламанг! Фақат Аллоҳ уларни(нг жазоларини) кўзлар (даҳшатдан) қотиб қоладиган (қўрқинчли қиёмат) кунига қолдирмоқда, холос»                                                                                         [Иброҳим 42]

Ҳизб ут-Таҳрирнинг Покистондаги матбуот бўлими

Twitter: http://twitter.com/htmediapak

Facebook: http://www.facebook.com/pages/Naveed-

Butt-Media-Office-HT/116266191744214

e-mail: htmediapak@gmail.com

Webpage: www.hizb-pakistan.com