بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Юртларимизда илонларга ўрин йўқ

АҚШнинг мавжуд бўлиб туришига чек қўйинг, унинг элчихоналари, консулликлари ва разведка базаларини ёпиб ташланг

2017 йил 5 январда АҚШ ташқи ишлар вазирлиги хизмат вазифаси тугаётган ташқи ишлар вазири Жон Керрининг «Чиқиш меморандуми» номли китобини нашрдан чиқарди. Унда Қўшма Штатларнинг Покистонда туриши ҳақида гапирилган. Биз Ҳизб ут-Таҳрир-Покистон вилояти аъзолари бу хусусда АҚШнинг юртимиздаги элчихонаси, консуллиги ва разведка базасини ёпишни, барча дипломатлари, жосуслари ва ҳарбий мулозимларини чиқариб юборишни талаб қиламиз. Шунингдек, китобда Афғонистон билан Ироқда босқинчилик ва уруш амалиётлари олиб боргани каби, бизнинг ерларимизда ҳам АҚШ «давлатининг хавфсизлик амалиётлари олиб бориш техникасига оид кенгкўламли стратегияси» мавжудлиги ҳамда АҚШ денгиз кучлари (МSG) дастури мавжудлиги айтилган! Покистон ҳукумати АҚШ кучларига Исломободдаги янги базасидаги дипломатик миссиясини ҳимоя қилиш ниқоби остида бутун юрт бўйлаб изғиб юришларига рухсат берган. Зирхли қалъа, дея том маънода аташ мумкин бўлган ва америкаликлар 85 миллион доллар сарфлаб, 2015 йил 31 июлда очган айни база катталик жиҳатидан АҚШнинг Ироқдаги элчихонасидан кейинги ўринда туради. Биз Покистондаги мусулмонларни юртимизда АҚШ Федерал разведкаси тергов бюросига қарашли 44 нафар идораси жойлашганини эслатмоқчимиз. Венди Чемберлин хоним ҳам АҚШнинг Покистондаги элчиси бўлиб ишлаган пайтда Американинг Федерал тергов бўлими юртда доимий ролга эга эканини таъкидлаб, жумладан, бундай деган эди: «Энди бизнинг Федерал тергов бўлимларимизда хизматчилар икки ҳафта эмас доимий тарзда ишлайдиган бўлади ва албатта шу юртда ишлайдилар». (Нью-Йорк Таймс 2002 йил 12 май).

АҚШнинг бундай истеҳкомлари, мустамлакачилик инлари ва террорчи тармоқларининг асосий паккалари бўлиб, улар Мушарраф томонидан юрт дарвозалари америкаликларга ланг очиб берилгандан буён барқарорлигимизга раҳна солиб келмоқда. Покистоннинг истаган ерида беқарор вазият яратиш учун АҚШга қулоқлар, кўзлар ва қўллар сифатида хизмат қилмоқда. Буларнинг барчаси АҚШнинг бевосита ташқи ишлар сиёсатининг, асосан, интенсив кураши, яширин сиёсатлари ва нопок ишлари натижасидир. Американинг айнан мана шу интенсив кураши сабабли ички барқарорлигимиз издан чиқмоқда, бойликларимиз, потенциалларимиз ва имкониятларимиз зое кетмоқда, Америка ишларимизга тобора кўпроқ бурнини суқмоқда, «кўпроқ ғайрат қилиш» каби талабларини қўймоқда. Исломий юртлардаги аксар сирли амалиётлар ва ҳужумлар Лотин Америкасидан тортиб, Жанубий Шарқий Осиёга қадар юртлардаги мавжуд АҚШ элчихоналари ва разведка бўлимлари томонидан бошқариб турилиши, уюштирилиши бугун ҳар бир кўзи очиқ, ақлирасо инсонга сир бўлмай қолган.

Шуларга қарамай, Покистондаги ҳукмдорлар АҚШга юрт дарвозаларини ланг очиб бериб, унга ўхшаш террорчи давлатлар билан дўстлашишмоқда, юртга хоинлик қилишмоқда, бу қилмишларини турли баҳоналар билан оқлашга уринишмоқда. Ваҳоланки, Росулуллоҳ САВ бундай демоқда:

«مَا مِنْ عَبْدٍ يَسْتَرْعِيهِ اللَّهُ رَعِيَّةً يَمُوتُ يَوْمَ يَمُوتُ وَهُوَ غَاشٌّ لِرَعِيَّتِهِ إِلَّا حَرَّمَ اللَّهُ عَلَيْهِ الْجَنَّة»

«Аллоҳ бирор бандани фуқарога раҳбар қилган бўлсаю, у ўз фуқаросини алдаган ҳолда вафот топса, Аллоҳ унга жаннатни ҳаром қилади». (Имом Муслим ривояти).

Эй Покистон қуролли кучлари сафидаги холис зобитлар!

Заҳриқотил АҚШнинг юртимизда мавжуд бўлиб туришига чек қўйиш орқали сиз юртингизни анави Мушарраф, Киёний ва Раҳил сингари юрт хоинлари киритган бўҳрондан тозаламоғингиз керак. Покистон қуролли кучлари то Қабилалар минтақасидаги холис мужоҳидлар билан елкама-елка бўлиб, АҚШни минтақадан йўқ қилмас эканлар, юртимиздан фитнаю бошбошдоқлик асло аримайди. Чунки Покистондаги ҳарбий ва фуқаровий объектларни нишонга олиш билан боғлиқ стратегияларни ишлаб чиқадиган, бу ишларни молиялаштирадиган мана шу элчихонадир. Мудом юртимизда бу давлат мавжуд экан, тупроғимизда вайронагарчиликдан ўзга нарсани ҳаргиз гувоҳи бўлмаймиз, шунча бой берган нарсаларимизга қўшимча нарсаларимизни яна бой беришда давом этаверамиз.

Пайғамбарлик минҳожи асосидаги рошид Халифалик қайта барпо этилса, ана шундагина қуролли кучларимиз ва Қабилалар минтақасидаги мужоҳидлар АҚШнинг минтақада мавжуд бўлиб туришига қарши зудлик билан сафарбар қилинади, ана шундагина бу душманларнинг Умматни парчалаш ва ҳар томонга сочишдек макр-найранглари ҳам бир неча соатлардаёқ бекор бўлади. Аммо бунинг учун сиз қуролли кучларимиздаги холис зобитлар, Ислом давлатини барпо этиш ва Аллоҳ Субҳанаҳу ва Таолодан ўзга ҳеч кимдан қўрқмайдиган янги ҳарбий раҳбарият яратиш учун Ҳизб ут-Таҳрирга нусрат-ёрдам бермоғингиз лозим.

Ҳизб ут-Таҳрирнинг Покистондаги матбуот бўлими

Twitter: http://twitter.com/htmediapak

Facebook: http://www.facebook.com/pages/Naveed-

Butt-Media-Office-HT/116266191744214

e-mail: htmediapak@gmail.com

Webpage: www.hizb-pakistan.com