بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Американинг қуллари Исломни ўзгартиришмоқчи

Покистон ҳукмдорлари Трампнинг буйруқларига биноан Аллоҳ ва Росули САВга қарши урушларини янада кучайтиришмоқда

Қўшма Штатлар президенти Дональд Трамп Ислом ва мусулмонларга қарши салибчилик кампаниясини давом эттиришини таъкидлаганидан сўнг Покистондаги итоатгўй ҳукмдорлар ҳам Аллоҳ ва Росули САВга қарши олиб бораётган урушларини янада кучайтиришларини билдиришди. Покистон мудофаа вазири Хўжа Осифнинг 2017 йил 28 январда ҳукмрон партияга қарата Сиялкотда қилган мурожаати бунга мисол бўла олади. У «терроризмга қарши кураш» барча сиёсатчиларнинг диққат марказида эканини, «терроризм»ни мағлуб қилиш учун албатта идеологияларни ўзгартириш лозимлигини таъкидлади.

Покистон мусулмонлари ҳам, олам мусулмонлари ҳам Ислом ақидаси асосида яшашни истамоқдалар. Улар шу истакларини рўёбга чиқариш учун Исломнинг татбиқ этилишини талаб қилмоқдалар. Бироқ мусулмонларнинг Ислом татбиқини талаб қилишлари Америка учун қабул қилиб бўлмас иш. Нега ҳам шундай бўлмасин. Ахир, Ислом мусулмонларни исломий юртларни босиб олган кофирларга қарши жиҳод қилиб, ўз юртларини озод этишга ҳамда Исломни ер юзида татбиқ этишга буюрган бўлса?! Лекин Америка ва унинг исломий ўлкалардаги малайлари Исломга қарши курашаётганларини очиқ-ошкор айтмаслик лозим, деб билишади. Шунинг учун Ислом ва мусулмонларни нишонга олишда «терроризмга қарши кураш», деган ниқобдан фойдаланишмоқда. Куни кеча Афғонистонни босиб олган Совет Иттифоқига қарши жанг қилиш жиҳод саналган бўлсаю, нега Афғонистонни босиб олган Америка кучларига қарши жанг қилиш бугунга келиб террорчилик саналиб қолди?! Совуқ уруш пайтида Ислом татбиқини талаб этиш мусулмонларга рухсат берилган-у, нега бугун бу талаблари экстремизм бўлиб қолди?! Бунинг сабаби Америка ташқи ишлар вазирлигининг совуқ уруш пайтидаги талаблари бугунга келиб ўзгаргани эмасми?!

Ҳозирда Покистон мусулмонлари ҳам, олам мусулмонлари ҳам Америка уруши Исломга қарши салибчилик уруши эканини биладилар. Шунинг учун Афғонистон, Ироқ, Фаластин, Кашмир  каби босиб олинган исломий юртларда кофир америкалик босқинчиларга қарши қилинаётган жиҳодларни қўллаб-қувватламоқдалар. Шу билан бирга, мусулмонлар кофир капиталистик тузумга ва унинг Ислом оламидаги малайларига қарши олиб борилаётган фикрий ва сиёсий курашни ҳам қўллаб-қувватламоқдалар. Негаки, Америка ва унинг Ислом оламидаги малайлари ҳеч қаерда халқ базасига эга эмас ва шу боис ёлғону макр ишлатишга мажбур бўлишмоқда, баъзида «терроризм», баъзида «экстремизм» каби сўзлардан фойдаланишмоқда, баъзида «идеологиямизни ислоҳ қилишимиз керак», деса, баъзан уни ўзгартириш кераклигини даъво қилишмоқда!

Шунингдек Покистон мусулмонлари ҳам, олам мусулмонлари ҳам капитализм, социализм ва бошқа ғайриилоҳий тузумларнинг омадсизликка юз тутганини, энди улардан қутулишнинг бирдан-бир йўли Исломни татбиқ этиш билан бўлишини яхши биладилар. Америка қўлида ҳам, унинг исломий юртлардаги малайлари қўлида ҳам ўз эътиқодларини ҳимоя қиладиган ва мусулмонларни Исломдан воз кечишга ишонтира оладиган бирор фикрий ва сиёсий ҳужжатлари йўқ. Шу даражадаки, ҳатто Америка халқининг ўзи ҳам бармоқлари билан омадсиз капитализмни кўрсатиб айблайдиган бўлиб қолди. Айни шу сабабдан Америка ва унинг малайлари мусулмонларни Исломларидан воз кечтириш йўлида репрессия йўлини танлашларига тўғри келди.

Аммо улар, Аллоҳнинг изни ила, албатта муваффақиятсизликка учрамай қолмайди. Чунки Аллоҳ Субҳанаҳу ва Таоло айтади:

يُرِيدُونَ لِيُطْفِئُوا نُورَ اللَّـهِ بِأَفْوَاهِهِمْ وَاللَّـهُ مُتِمُّ نُورِهِ وَلَوْ كَرِهَ الْكَافِرُونَ

«Улар Аллоҳнинг нурини оғизлари билан ўчирмоқчи бўлишади, Аллоҳ эса, гарчи кофирлар истамасалар-да, Ўз нурини тўла ёйгувчидир»                        [Саф 8]

Хўш, Покистон ҳукмдорлари Аллоҳ Субҳанаҳунинг каломига таслим бўлиб, аҳмоқликдан воз кечармикин ҳамда мусулмонлар жуда-жуда муҳтож бўлганлари боис талаб қилаётган ҳақиқий ўзгариш олдида тўсиқ бўлишни бас қилишармикин?! Зеро, бу ўзгариш Пайғамбарлик минҳожи асосидаги рошид Халифалик соясида Исломни қайта татбиқ этмоқдан иборат.

Ҳизб ут-Таҳрирнинг Покистондаги матбуот бўлими

Twitter: http://twitter.com/htmediapak

Facebook: http://www.facebook.com/pages/Naveed-

Butt-Media-Office-HT/116266191744214

e-mail: htmediapak@gmail.com

Webpage: www.hizb-pakistan.com

0

0