بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Занзибардаги Ҳизб ут-Таҳрир йигитларининг ўғирлаб кетилиши ва қийноққа солинишини қоралаймиз

Ҳизб ут-Таҳрир-Танзания ўз аъзоларидан уч нафарининг Занзибар жанубидаги Кибуги қишлоғида ўқ отар қуроллар билан қуролланган бир гуруҳ номаълум кимсалар томонидан ўғирлаб кетилиб, қийноққа солинишини ваҳшийлик, йиртқичлик дея қаттиқ қоралайди.

2017 йил 1 март куни кундуз соат иккида фуқаро кийимидаги бир гуруҳ қуролли кимсалар қишлоққа шахсий ҳужжатларини кўрсатмай, бостириб кириб, Жума Меъроб, Иброҳим Салим, Саъд Муҳаммад ўтирган уйни – худди у ерда душман аскарлари йиғилгандек – қуршаб олишди! Улар уйга бостириб кириб, учаласининг қўлларига кишан солишди, сўнг машинага тиқиб, номаълум жойга олиб кетишди. Ўша олиб кетишган жойда уларни ваҳшийларча қийноққа солиб, кеч соат ўнда Ҳизб ут-Таҳрирга аъзо бўлиш оқибатидан огоҳлантириб, қўйиб юборишди.

Бу ёвуз жангарилар содир этган қилмиш албатта, йиртқичлик, шармандалик ва номардликдан ўзга нарса эмас. Улар қурбонлар юзини беркитиб, ҳатто ўз шахсий ҳужжатларини кўрсатишдан ҳам қўрқишди. Бундан ташқари, бу Исломга ва Занзибар ярим оролидаги аҳолининг кўпчилигини ташкил қилувчи мусулмонларга нисбатан қайнаб чиққан адоват ҳамдир.

Шуни таъкидлаш лозимки, жангарилар Занзибарда анча вақтдан бери мавжуд бўлиб, куппа-кундузи ваҳшиёна ноқонуний ишлар билан шуғулланиб келади. На биров уларга қаршилик кўрсатсин ва на давлат уларга қарши реал қонуний чора кўрсин… Бу эса бизни улар олиб бораётган амалиётларни полиция олқишлайди, деб ўйлашимизга мажбур қилмоқда, сиёсатчиларнинг улардан фойдаланишаётганинику, айтмасак ҳам бўлади.

Биз барчани озгина бўлса ҳам инсонийлик кўрсатишга ҳамда бу душман жангариларнинг юрт барқарорлиги ва жамият жипслигига раҳна солаётган қилмишларини қаттиқ қоралаб, унга қарши чиқишга чақирамиз.

Жангарилар ва уларнинг ортидаги ёрдамчиларию тарафдорларига бу ёвузликлари ҳаргиз кечирилмаслигини ва унутилмаслигини эслатиб қўямиз!

وَلَا تَحْسَبَنَّ اللَّـهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ* مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ ۖ وَأَفْئِدَتُهُمْ هَوَاءٌ

«Сиз ҳаргиз: «Аллоҳ золим кимсаларнинг қилаётган амалларидан ғофил», деб ўйламанг! Аллоҳ уларни(нг жазоларини) кўзлар (даҳшатдан) қотиб қоладиган (қўрқинчли қиёмат) кунига қолдирмоқда, холос. (У куни) улар бошларини (осмонга) кўтарган ҳолларида (чорланган томонга ҳисоб-китоб учун) чопурлар. Кўзлари ўзларига қайтмайди (яъни, қўрқувдан қотиб қолиб, ўзларининг қандай ҳолда эканликларини ҳам кўрмайдилар). Диллари (даҳшатдан) бўм-бўш бўлиб қолур»    [Иброҳим 42-43]

Масъуд Муслим

Ҳизб ут-Таҳрирнинг

Танзаниядаги матбуот бўлими вакили

Телефон: +255778 870609

Электрон почта: jukwalakhilafah@gmail.com

0

0