Ҳизб ут-Таҳрир-Иордания вилояти Бангладешнинг Аммондаги элчихонасига матбуот баёноти топширди
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Ҳизб ут-Таҳрир-Иордания вилояти Бангладешнинг Аммондаги элчихонасига матбуот баёноти топширди
2017 йил 11 апрел сешанба куни эрталаб Ҳизб ут-Таҳрир-Иордания вилояти марказий алоқалар қўмитаси делегацияси Бангладешнинг Аммондаги элчихонасига Ҳизб ут-Таҳрир-Бенгал вилояти томонидан нашр қилинган матбуот баёнотини топширди. Ҳижрий 1438 йил 5 ражаб, милодий 2017 йил 2 март куни нашр қилинган ушбу баёнотда Шайха Ҳасина режимининг Ислом ва унинг даъватчиларига бўлган душманлиги, Ҳизб ут-Таҳрир аъзоларининг даъватни етказувчи ёшларини ёмон кўриши баён қилинган. Шунингдек, Ҳасина режимининг Ҳизб аъзоларига нисбатан ваҳшиёна муносабатда бўлаётгани, шу боис ўзининг полицияси орасидаги Исломни ёмон кўрувчи хизматчиларни мусулмонларни бостиришга, Пайғамбарлик минҳожи асосидаги рошид Халифалик давлатида исломий ҳаётни қайта бошлашга ҳаракат қилаётганларни қамашга, ҳатто уларнинг оила аъзоларини ҳам қамашга сафарбар қилаётгани айтилган. Шунингдек, баёнотда таъкидланишича, Ҳасина режими бу қилмишларни Исломдан нафратлангани учун ҳамда Ислом, мусулмонлар ва уларнинг Ислом асосида уйғониш лойиҳаларига очиқдан-очиқ ҳужум қилаётган мустамлакачи кофирга хизмат қилиш учун бажармоқда.
Қуйида шу матбуот баёнотини келтирамиз:
Матбуот баёноти
Ҳизб ут-Таҳрир икки муслима ва уларнинг оила аъзолари озод этилишини талаб қилади
Синглимиз Маъсума Ахтар «Жайсур» қамоқхонасида олти ойдан зиёд вақт ўтиргандан сўнг кафолат билан озод этилгач, ҳали ташқарига чиқмасидан туриб, эшик олдида укаси Танзир Аҳмад билан бирга полиция томонидан яна ҳибсга олинди! Полиция Маъсума билан унга ҳамроҳлик қилаётган укаси – Ҳизб ут-Таҳрир аъзоси – Танзир Аҳмадни биринчи бор 2016 йил 28 августда сулҳ суди ичкарисида ноқонуний тарзда ҳибсга олган эди.
Дарҳақиқат, Маъсуманинг оиласи тўхтовсиз равишда «Жайсур» полициясидаги Исломдан нафратланувчи айрим қароқчиларнинг озорларига учраб келди. Масалан, ўтган йили бу қароқчилар айни оиладан Ҳизб ут-Таҳрирнинг бир аъзосини қамоққа олишнинг уддасидан чиқишолмагач, унинг рафиқаси Сумайя Нисони қамоққа олишди. Сумайя олти ойдан зиёд вақт ўтди ҳамки, ҳануз қамоқда ўтирибди.
Маъсума иккинчи бор қамоққа олингач, коррупциячи, ғаразгўй полиция ахборот воситаларида ваҳимали хабарлар тарқатиш орқали қўрқув муҳитини пайдо қилишга ўтишди. Яъни Маъсуманинг онасига телефон қилиб, ундан матбуот конференция уюштиришини ва унда ҳукуматнинг бу ишини мақтовчи баёнот беришини талаб қилишди! Ла ҳавла ва ла қуввата илла биллаҳ! Аллоҳим, бу душманларнинг азиза опа-сингилларимизга ва азиз ака-укаларимизга озор беришларига имкон берма.
Эй Жайсур полицияси бўлимидагилар!
Аллоҳдан қўрқинг, тавба қилинг, вақт кеч бўлмасдан олдин синглимиз Маъсума Ахтар билан укасини ва синглимиз Сумайя Нисони қўйиб юборинг, мазлумлар дуоибатидан, айниқса, шундай тақволи покиза муслималарнинг дуоибатидан қўрқинг. Чунки уларнинг дуоси билан Аллоҳ Азза ва Жалла ўртасида парда бўлмайди. Билиб қўйинг, сиз ўзингизга ўзингиз зулм қиляпсиз. Чунки бу ишингиз Аллоҳ Субҳанаҳу ва Таолога уруш қилишдир. Унутманг, Аллоҳ золимга вақт бериб қўяди, аммо уни ушлаганда эса, қочиб қутулолмайди. Бас, Аллоҳнинг солиҳ дўстларига душманлик қилишда давом этсангиз, Аллоҳ сизни ерга юткизиб юборадиган соатни кутаверинг.
Абу Ҳурайра Росулуллоҳ САВнинг бундай деганларини ривоят қилади:
«إِنَّ اللهَ قَالَ مَنْ عَادَى لِي وَلِيًّا فَقَدْ آذَنْتُهُ بِالْحَرْبِ…»
«Аллоҳ айтди: ким Менинг бирор дўстимга душманлик қилса, Мен унга уруш эълон қиламан». (Имом Бухорий ривояти).
Ҳизб ут-Таҳрирнинг
Бангладешдаги матбуот бўлими».
Ҳизб ут-Таҳрирнинг
Иорданиядаги матбуот бўлими
E-Mail: info@hizb-jordan.org
