بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Меркель Европанинг Африкани мустамлака қилган даврда содир этган баъзи жиноятларига иқрор бўлмоқда

2017 йил 8 апрелда «Онадўли» ахборот агентлиги сайти қуйидаги хабарни нашр қилди:

«Германия канцлери Ангела Меркель Европа Африкани мустамлака қилган даврда хатолар содир этган, деди.

Меркель бу сўзларни ўтган шанба Германияда чиқадиган «DIE WELT» газетасига берган интервьюсида айтар экан, катта йигирматаликка аъзо давлатларни Африка давлатларига нисбатан бирор нарса қилиш кераклигига тарғиб қилди.

Меркелнинг таъкидлашича, «Африкадаги чегаралар қора танлилар қитъасида қабилалар тарқалишига эътибор қаратилмаган ҳолда палапартиш тузилган ва Европа давлатлари айни минтақани мустамлака қилган вақтда хатолар содир этган». Меркель Европа давлатларидан Африка давлатларига аҳамият қаратишни талаб қилди».

Роя газетаси шарҳи:

Меркелнинг бу гаплари очиқ иқрордирки, ҳақиқатдан ҳам Европа давлатлари Африка қитъасидаги давлатларни ҳарбий истило қилган даврда у ердаги халқларга ғоят даражада зулм қилган. Ҳатто бу мустамлакачи давлатлар Африка давлатлари ўртасидаги ҳудудларда ҳам истаган пайтда аланга олдириши мумкин бўлган уруш пилигини тайёрлаб қўйган. Бошқа томондан эса, бу аёлнинг гаплари Европа Африкага нисбатан ўзининг мустамлакачилик сиёсатидан қайтганини англатмайди. Йўқ, мутлақо ундай эмас. Чунки Европа, хусусан, Британия билан Франция, гарчи Африкадан ҳарбий жиҳатдан чиқиб кетган бўлса-да, лекин унинг сиёсий нуфузи у ерда ҳануз сақланиб турибди, ўзига малай ҳукмдорлари, малай сиёсатчилар армиялари орқали Африка бойликлари ва ресурслари устидан ҳамон ҳукмронлик қилиб келмоқда.

Роя газетасининг 2017 йил 19 апрел чоршанба кунги 126-сонидан