Қуролли кучлар жиҳоди билан Кашмирни озод қилинг
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Қуролли кучлар жиҳоди билан Кашмирни озод қилинг
Жангоҳларда ҳеч қачон қўлдан бой бермаган нарсани нима учун музокараларда бой беряпмиз?!
Ҳиндуслар давлатининг зулми барча чегаралардан ошиб ўтди. Яқинда кашмирлик бир йигитни ҳарбий «жип» машинаси устига ўтқазиб, шаҳарда сазойи қилишди. Шу воқеадан сўнг пайдо бўлган видеолавҳада эса, шафқатсизларча калтакланган йигитнинг Покистонга қарши шиорларни айтиб ҳайқиришга мажбурлангани акс этган. Бу – босиб олинган Кашмир мусулмонларига нисбатан қирғин қилиш, номини қора қилиш, ҳатто номусларига тажовуз қилиш каби ҳиндуслар томонидан содир этилаётган сон-саноқсиз жиноятларнинг навбатдагисидир.
Бу ишлар ҳиндуслар давлатининг характери ва табиатига мос ишлардир. У бугун ҳам шундай қиляпти, ўтмишда ҳам шундай қилган. Ахир, Кашмирни босиб олган ва қонуний қаршилик ҳаракатини ваҳшийларча бостираётган ҳам, мана шу давлатдир. Етмиш йилдан бери мусулмонларни репрессия қилаётган ҳам, ҳатто юртдаги сих ва насроний каби мусулмон бўлмаган ирқларни бостираётган ҳам мана шу Ҳиндистондир. Зеро, ирқий жиҳатдан бостириш Ҳиндистонни ички жиҳатдан заифлаштираётган сепаратчи ҳаракатларнинг пайдо бўлишига сабаб бўлди. Ҳиндистон давлатининг ўзи ана шу ирқларни «хор табақа вакиллари», дея атаб, ўзига тарафдор бўлган мушриклар томонидан бостирилишга қўйиб бермоқда. Бу эса, ҳукмрон элитанинг юртда адолат ва ҳақиқат ўрнатишга ожиз эканини яна бир бор тасдиқламоқда. Шу билан бирга, «RAW» (Ҳиндистон қидирув ва таҳлил бўлими)даги ўзининг жосуслари орқали Покистон барқарорлигини издан чиқаришга зўр бериб ҳаракат қилаётган ҳам мана шу мушрик давлатдир. «Хобби»си қотилликдан иборат бу давлатнинг позицияси мана шундай давом этмоқда, бу эса мусулмонларга нисбатан бу мушриклар душманлиги жуда чуқур илдиз отганига далолат қилади.
لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُوا الْيَهُودَ وَالَّذِينَ أَشْرَكُوا
«Мўминларга энг қаттиқ душманлик қилувчи кимсалар яҳудийлар ва мушриклар эканини кўрасиз» [Моида 82]
Мушриклар давлати воқеи яққол кўриниб турган бўлса-да, бироқ бугунги покистонлик ҳукмдорлар Ҳиндистон билан тинчлик ва фаровонликка эришиш йўли мулоқот ва музокара, деган фикрда ўжарлик билан туришибди! Ахир, бу давлат зўр бериб мусулмонларга зарба беряптику?! Ҳатто босиб олинган Кашмир мусулмонларига маълум даражада ҳокимият берилди, дея фараз қилингудек бўлса ҳам, бу мушрик давлат Кашмирдек кичик бир давлатчага зиён етказишдан ўзини қандай тия олиши мумкин. Ахир, у Покистондек бир давлатга зиён етказишдан ўзини тиёлмаяптику?! Ахир, золимга андак ён беришнинг ўзи, уни баттар зўравон қиладику, иккинчи томонни эса заиф қилиб кўсатадику?! Ахир, бу мушрик давлати ўтган етмиш йил ичида жангоҳда ривожланмаган қуролларга эга бўлган кичик-кичик кашмирлик мужоҳид жамоалар билан эришолмаган ютуққа музокаралар столи орқали эришмоқдаку?! Ҳа, тинчлик ва барқарорлик у ёқда турсин, бу манфур ҳукмдорлар мушриклар билан мулоқот ва музокараларга чақириш орқали мусулмонларни мисли кўрилмаган хавф-хатарга улоқтиришмоқда! Бу ҳукмдорлар мушрик элита билан бирга уларнинг «Буюк Ҳиндистон», деган хаёллари билан нафас олишмоқда… Покистонни Бутан ёки Непалга, ҳатто Ҳиндистоннинг бир вилоятига айлантиришмоқчи.
Ёлғиз Росулуллоҳ САВнинг минҳожи асосидаги Халифаликкина Ҳинд ярим оролидаги барча аҳолига тинчлик ва фаровонлик олиб келишга қодир. Ёлғиз Халифаликкина, буюк Умматни ўз душманларига бас кела олидаган кучли давлатда бирлаштира олади. Ёлғиз Халифаликкина, ғаразгўй душман ҳиндуслар давлатига амалий қаршилик кўрсата олади. Бу давлат ўз фуқароларига ирқ ва динларидан қатъий назар одил муносабатда бўлиш билан, Ҳиндистондаги репрессияга учраган бошқа миллатлар учун ҳам умид ёғдусига айланади. Чунки бутун мусулмон кучларимизни жиҳодга сафарбар қилиш орқали босиб олинган Кашмирни озод қилишга шу давлатгина қодирдир.
Эй Покистон қуролли кучлари сафидаги холис зобитлар!
Бундай ҳукмдорларингизни илдизи билан қўпориб ташлаш, Пайғамбарлик минҳожи асосидаги иккинчи рошид Халифаликни барпо этиш ва бутун армиянгизни Кашмир озодлигига сафарбар қилиш учун Ҳизб ут-Таҳрирга нусрат-ёрдам беринг. Ҳукмдорларингиз келтираётган баҳоналарга қулоқ солманг, чунки улар кофир хўжайинларидан қўрққанлари учун фақат ўшалар номидан гапириб, сизни жим ўтиришингизни исташмоқда. Сиз эса, Покистон, Кашмир, Афғонистон вазиятини, ҳатто бутун исломий олам вазиятини ўзгартиришга қодирсиз. Бу ўзгартириш амалда ижро этилиши учун, сизга рошид халифа етакчилик қилиши шарт. У Ислом билан ҳукм юритади ва сизни улуғлик, шараф ва икки дунё азизлигига етаклайди.
يَا أَيُّهَا الَّذِينَ آمَنُوا إِن تَنصُرُوا اللَّـهَ يَنصُرْكُمْ وَيُثَبِّتْ أَقْدَامَكُمْ
«Эй мўминлар, агар Аллоҳга ёрдам берсангиз, У ҳам сизга нусрат-ёрдам берур ва қадамларингизни собит қилур» [Муҳаммад 7]
Ҳизб ут-Таҳрирнинг Покистондаги матбуот бўлими
Телефон: +(92)333-561-3813
Факс: +(92)21-520-6479
Электрон почта: htmediapak@gmail.com
Веб саҳифа: www.hizb-pakistan.com
