بسم الله الرحمن الرحيم

Роя газетаси:

Мусулмонларнинг Суриядаги қотили билан Фаластиндаги қотили ўртасида ҳеч қандай фарқ йўқ!

Ҳижрий 1439 йил 13 ражаб, милодий 2018 йил 31 март шанба куни «Арабий 21» веб-сайти нашр қилган хабарда бундай, дейилади:

Кеча жума куни Ҳамас ҳаракатининг сиёсий бўлим раиси Мусо Абу Марзуқ етакчилигидаги делегацияси Россия ташқи ишлари вазирлигининг Москвадаги қароргоҳида Россия ташқи ишлар вазири ўринбосари ва Россия президентининг Ўрта Шарқдаги махсус вакили Михаил Богданов билан учрашди.

Абу Марзуқ твиттерда бундай ёзди: «Учрашувда халқимизнинг ўзгармас, тарихий ҳуқуқларига риоя этилишини ҳамда ўзини ҳимоя қилишнинг кўплаб танловларига эга эканини ифода этувчи «буюк қайтиш марши» ҳаракатлари ривожи муҳокама қилинди».

Унинг қўшимча қилишича, делегация Фаластин ярашуви амалга ошиши олдидаги тўсиқларни ҳамда Рамаллоҳда миллий конференция ўтказилишига ҳаракатнинг қаршилик қилгани, шунингдек, Фаластин бош вазири кортежи портлатилиши ортидан Маҳмуд Аббоснинг Ғазо секторига қўшимча санкциялар жорий қилиш билан таҳдид қилаётгани сабабларини кўриб чиққан. Шунингдек, делегация  текширувларнинг сўнгги натижаларини ҳам маълум қилган.

Делегация Ҳамаснинг Фаластин бирлигини ҳимоя қилишга қатъий ҳаракат қилаётганини таъкидлаб, бир вақтнинг ўзида, АҚШнинг адолатсиз қарорларига норозилиги сабабларини изоҳлади ҳамда «аср келишуви», деган нарсани рад этишини маълум қилди».

Роя газетаси шарҳи:

Бу ерда табиий саволлар туғилади: исломий қаршилик ҳаракати делегацияси – қўллари Суриядаги мусулмон биродарлари қонига ботган руслар билан қўл бериб кўришишни қандай қилиб ўзига эп кўрди?! Бир жинояткор билан иккинчи бир жинояткорни, бир қотил билан иккинчи бир қотилни ажратишга қандай ҳақлари бор?! Ахир, Фаластинни босиб олиб, аҳлини қирғин қилаётганлар билан Сурияни босиб олиб, у ердаги мусулмонларни қирғин қилаётганлар ўртасида фарқ борми?! Мусулмонларнинг тинчлиги ҳам, уруши ҳам битта эмасми?! Мусулмонлар – Росулуллоҳ A айтганларидек – қонлари қасос ва дияда баробар, энг қуйи даражадагиси берган омонлик ҳам нуфузли, душманга қарши бир мушт ва бошқа одамлардан алоҳида ягона уммат эмасми?! Кейин, Ҳамас делегацияси қандай қилиб мусулмонларнинг Фаластин масаласини жинояткор рус сиёсатлари қўлига топширяпти?! Ёки у – Россия Сурия мусулмонлари билан Фаластин мусулмонлари ўртасини ажратади, деб ўйлаяптими?! Ёки биродар ўз биродаридан воз кечаверадиган, яъни ҳамма нарсага рухсат берувчи макиавеллича сиёсатми бу?!

Роя газетасининг 2018 йил 4 апрел чоршанба кунги 176-сонидан