Мингта раҳбар алмашса ҳам Шом аҳли ўзларини тамсил этувчи коалицияга ҳаргиз рози бўлмайди
بِسْمِ اللهِ الرَّحْمنِ الرَّحِيمِ
Роя газетаси:
Мингта раҳбар алмашса ҳам Шом аҳли ўзларини тамсил этувчи коалицияга ҳаргиз рози бўлмайди
Ҳижрий 1438 йил 9 шаъбон, милодий 2017 йил 6 май шанба куни «Скай Ньюс арабий» сайти қуйидаги хабарни чоп этди:
«Шанба куни Туркиянинг Истанбул шаҳрида бўлиб ўтган йиғинда Сурия мухолафати коалициясига Риёз Сайф янги раҳбар этиб сайланди.
Айни йиғиннинг ўзида коалиция бош ҳайъати Салво Каттав хоним билан Абдураҳмон Мустафо раҳбар ўринбосарлари, Назир эса бош секретар этиб сайланди.
Анас Абдадан сўнг коалициянинг олтинчи раҳбари бўлиб сайланган Сайф мухолафат ва Сурия қўзғолонининг сиёсий вакили ҳисобланади.
Ушбу бош ҳайъат йиғини жума куни ўзининг 33-сессиясини бошлади ва кун тартибида бир неча муҳим масалаларни муҳокама қилди.
Ушбу муҳим масалаларнинг асосийси раҳбар ва сиёсий ҳайъат сайлашга қўшимча, Сурия жангоҳидаги ва сиёсий майдонидаги вазиятлар ривожини муҳокама қилиш бўлди.
Коалиция матбуот бўлими хабарига кўра, ҳайъат яқинда бўлиб ўтган Остона конференцияси хулосаларини, Женева музокаралари ва унинг хулосаларини ҳамда келаси конференцияларга ҳозирлик кўриш жараёнини ҳам муҳокама қилди.
Роя газетаси шарҳи:
Сурия коалициясидаги муаммо унинг тузилиши ва Америкага тобелигидадир. Бу коалиция Шом қўзғолонига барҳам бериш учун белгиланган АҚШ лойиҳаси ва режаларига мувофиқ юришда давом этар экан минг марта раҳбарини алмаштириб, структурасини ўзгартирса ҳам унинг ишлари асло тўғриланмайди. Уни Сурия аҳли ҳаргиз бағрига олмайди, мутлақо қабул қилмайди ва худди қўтир туя туялардан ажралиб қолганидек у ҳам Сурия аҳлидан ажралиб қолаверади.
Роя газетасининг 2017 йил 10 май чоршанба кунги 129-сонидан
